Ҳожи Сабрий Орурий Аллоҳнинг ҳузурига реҳлат қилдилар
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
«Мўминлар орасида Аллоҳга берган аҳду паймонларида содиқ турган кишилар бор. Улардан айримлари ўз аҳдига вафо қилди, (яъни шаҳид бўлди), айримлари эса (шаҳид бўлишга) интизордир, (улар Аллоҳга берган аҳду паймонларини) ўзгартирганлари йўқ»
Ҳожи Сабрий Орурий Аллоҳнинг ҳузурига реҳлат қилдилар
Ҳизб ут-Таҳрир-Иордания вилояти Аллоҳ Субҳанаҳу ва Таолонинг қазосига имон келтириб, таслим бўлган ҳолда, бутун мусулмонларга, хусусан, Иордания аҳлига шуни чуқур қайғу ила хабар қиладики, Ҳизбнинг илк сара зотларидан бири бўлган ҳамда Аллоҳ Субҳанаҳу ва Росули САВ рози бўладиган кучли позицияда туриб келган холис сабрли аъзоларидан бири Сабрий Муҳаммад Абдуллоҳ Рифоий (Абу Муҳаммад Орурий) вафот этдилар.
Орурий роҳимаҳуллоҳ Ҳақ Таборак ва Таоло ҳузурига 2017 йил 3 феврал жума куни 95 ёшларида реҳлат қилдилар. У киши бутун умрларини Аллоҳ Субҳанаҳу ва Таолога итоат қилиб ўтказиб, Ҳизб ут-Таҳрир 1953 йил ташкил топгандан бери унинг сафида ҳақ ва эзгулик даъватини етказиб яшадилар. Шайхимиз Пайғамбарлик минҳожи асосидаги рошид Халифаликни барпо этиш орқали исломий ҳаётни қайта бошлаш учун тинимсиз фаолият қилдилар ва бу йўлда, йўлиққан таъқиблар, ҳибсу қамоқлар ва қаттиқ қийноқларга сабр қилдилар. Ҳатто Иордания ва Суриядаги жинояткор хавфсизлик хизмати қўллаган қийноқлар пайтида баъзида шаҳид бўлишларига ҳам бир баҳя қолганди. Роҳимаҳуллоҳ Ҳизб сафида 16 марта қамоққа тушдилар ва буларнинг барчасида фақат Аллоҳ Субҳанаҳу ва Таолонинг Ўзидан ажр кутдилар, нусратига чуқур ишониб, ҳақ устида собит турдилар, чарчоқ нималигини билмай, аҳдларидан асло қайтмай очиқ ҳужумкор тарзда ҳақни етказдилар. Орурий ҳазратлари Аллоҳ Субҳанаҳу ва Таолонинг Умматга нусрат ва ғолиблик ҳақидаги ваъдасига бағоят чуқур ишондилар ва бу хушхабарни одамларга худди ўз кўзлари билан кўриб тургандек етказдилар.
Роҳимаҳуллоҳнинг ҳолатлари худди ушбу Ояти Карима каби эди:
إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِينَ
«Албатта, намозим, ибодатларим, ҳаёту мамотим бутун олам Робби бўлмиш Аллоҳ учундир»
[Анъом 162]
Аллоҳдан сўраймиз, йўқотган шайхимизни, бутун Умматнинг йўқотган шайхини Ўз раҳматига буркаб, ҳузурига гўзал ҳолатда қабул қилсин, жаннатнинг Фирдавси Аълосидан жой бериб, анбиёлар, сиддиқинлар, шаҳидлар ва солиҳларга ҳамроҳ қилсин, уларга ҳамроҳ бўлиш қандай ҳам бахт. Биздан, Исломдан ва мусулмонлардан у кишига хайрли мукофотлар ато этсин. Шунингдек, бизга, шайхимиз оиласига Аллоҳ Субҳанаҳу ва Таолодан сабри жамил, гўзал тасалли беришини ҳам сўраб қоламиз.
Ҳизб ут-Таҳрирнинг
Иорданиядаги матбуот бўлими
Электрон почта: jordan_mo@hizb-ut-tahrir.info
