بِسْمِ اللهِ الرَّحْمنِ الرَّحِيمِ

Матбуот баёноти

Пайғамбарлик минҳожи асосидаги рошид Халифалик ўз фуқаролари соғлиги ва куч-қуввати устида тижорат қилмайди

Судан фармацевтика ва заҳарли моддалар миллий кенгаши дориларнинг доллар курсидаги баҳоси 6.5дан 15.8га кўтарилиб кетиши ортидан дориларга янги нарх белгилади. Дориларнинг янги нархи 200 % ёки ундан ҳам баландга кўтарилди. Дори-дармонлар нархининг кўтарилиб кетишига норозилик сифатида Хартумдаги бир неча дорихоналар эшикларини ёпиб олди. Бундан ташқари, Судан ҳаво транспорти чипталари нархи ҳам омматан 150 %га ошиб кетди ва бу товарлар импортига ҳам таъсир қилмай қолмади.

Авваламбор, шуни таъкидлаш лозимки, бундай нарх-навонинг ошишига доллар курсининг кўтарилиши ёки Судан фунти курсининг ўйнаши сабаб бўлгани йўқ. Бунинг асосий сабаби давлатнинг дори-дармонлар ва бошқа зарурий эҳтиёж моллари импорти учун қўяётган божхона тўлов ва солиқлари сабаб бўлмоқда. Масалан, фармацевтика ва заҳарли моддалар миллий кенгаши ўтказган тадқиқотда «импорт қилинувчи дори-дармонлар нархининг бир ярим баробарга кўтарилишига божхона тўловлари ва солиқларининг оширилиши сабаб бўлган, бу товарлар истеъмолчига етиб келганда асл нархидан 18 баробарга кўтарилиб кетган»и айтилади. (Сударс сайти 2011 йил 27 апрел).

Шубҳасиз, фақат Пайғамбарлик минҳожи асосидаги рошид Халифалик давлатигина ўз фуқаролари ишларини ғамхўрлик билан бошқаради. Чунки у ғамхўр давлатдир, солиқ йиғувчи давлат эмас. Шунингдек, у фуқаролари соғлиги билан савдо қилувчи давлат ҳам эмас, аксинча, уларни бепул даволовчи давлатдир. Абдуллоҳ ибн Умар Росулуллоҳ САВнинг

«كُلُّكُمْ رَاعٍ وَمَسْئُولٌ عَنْ رَعِيَّتِهِ، الْإِمَامُ رَاعٍ وَهُوَ مَسْئُولٌ عَنْ رَعِيَّتِهِ…»

«Ҳар бирингиз ғамхўр-бошқарувчисиз ва қўл остингиздагилардан жавобгарсиз. Имом-халифа ғамхўр-бошқарувчидир ва у қўл остидагилардан жавобгардир», деганларини эшитганини ривоят қилган. Одамлар қийинчилиги ва азоб-уқубатларига давлатнинг нархларга аралашиб, солиқ ва божхона тўловларини солгани сабаб бўлди. Аммо давлатнинг ўзини билмасликка солиб, фуқарога ғамхўрлик қилиш сари бир қадам ҳам ташлолмаётгани, касалликка олиб келган сабабларини муолажа қилишдан ожизлик қилаётгани одамлар қийинчилиги ва азоб-уқубатларини бир неча баробарга кучайтирмоқда. Бу юрт бугун ахлатхонага айланиб, жонзот организми учун жиддий хавф туғилмоқда. Ҳатто кўплаб воқеаларга қарасак, бу давлатни ўз фарзандлари соғлиги билан савдо қилувчи давлат бўлиб қолганига гувоҳ бўламиз. Чунки ҳукумат касалхоналари қашшоқ аҳволда, кўпчилиги хусусийлашиб кетган, бунинг оқибатида одамлар ўз тақдирларини режимпараст ва бошқа соғлиқни сақлаш даллоллари қўлига топширишга мажбур бўлмоқдалар.

Ислом давлати, яъни Пайғамбарлик минҳожи асосидаги рошид Халифалик давлати соғлиқни сақлаш масаласига ўзининг бурчларидан бири ўлароқ қарайди ва барча фуқаросига бепул муолажа тақдим этади, чунки бу асосий эҳтиёжлар сирасига кириб, усиз танг-бахтсизлик, парокандалик келиб чиқади.

Бас, шундай экан, одамларнинг асосий эҳтиёжларини қондириш қўлидан келмайдиган давлат йўқолсин, ўрнига Уммат салтанати қайта барпо бўлсин. Уммат Аллоҳнинг Китоби ва Росули САВнинг суннати асосида сиёсат олиб борадиган, ишларини Ислом аҳкомлари билан бошқарадиган инсонни сайласин.

Ҳизб ут-Таҳрир бу золим режимларга альтернатив тақдим этмоқда. Нафақат бир альтернатив, балки муфассал манҳаж ва дастури бор ҳақиқий тузумни тақдим этмоқда. Аллоҳнинг Китоби ва Росули САВ суннатидан олинган ва бугунги иқтисодий иллатни муолажа қилишга қодир бу тузумда иқтисод, сиёсат… каби ҳамма соҳалардаги муаммолар ечимлари мужассамдир.

Ҳизб ут-Таҳрир сафида Умматларига содиқ, Роббилари шариатини маҳкам тутган давлат арбоблари бор. Улар Пайғамбарлик минҳожи асосидаги рошид Халифалик соясида очиқ муфассал шаръий аҳкомлар ёрдамида бошқарув моторини тўхтовсиз идора қилишга қодирдирлар. Хўш, ушбулардан хабар топган инсонлар орасида қулоқ солиб, қабул қилувчи эр кишилари борми?!

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

0

0

Related posts:

Инсонлар ҳалок бўлмоқда… Муборак қурбон ҳайити табриги Ислом номи билан йигирма етти йил адаштирганидан кейин энди режим ўзининг илмоний башарасини очиқ кўрсатмоқда Ҳукумат наздида одамларнинг тирикчилигига аҳамият бериш тушунчаси нарх-наволарни ошириб Суданда камбағалликни сунъий равишда вужудга келтиришдир