Панама ҳужжатлари коррупцияга демократия ҳомийлик қилишини тасдиқлади
بِسْمِ اللهِ الرَّحْمنِ الرَّحِيمِ
Матбуот баёноти
Панама ҳужжатлари коррупцияга демократия ҳомийлик қилишини тасдиқлади
Ҳақиқий ва фаол муҳосаба Пайғамбарлик минҳожи асосидаги рошид Халифалик давлатидан бошқа ерда ҳаргиз амалга ошмайди
2017 йил 10 июлда қўшма тергов гуруҳи ўрганаётган Панама ҳужжатлари хусусида олий судга ҳисобот тақдим қилинганидан сўнг Навоз Шарифнинг истеъфога чиқиш талаби ҳам жадаллашиб кетди. Ҳисобот хулосасида айтилишича, бош вазир ва унинг фарзандлари ўзлари эга бўлган маблағлар манбасини исботлаб беришолмаган ҳамда яшаш шароитлари эълон қилинган активлардан анча ортиб кетган. Бинобарин, бу масалани миллий тергов бюросига топшириш лозим эди.
Биз 2012 йил июндаги воқеани яхши эслаймиз. Ўшанда ўша пайтдаги бош вазир Юсуф Жилоний олий суд томонидан ишдан бўшатилган эди. Шунга қарамай, унинг Покистон Халқ партияси ҳукумати ҳамон мавжуд. Бундан ташқари, Жилоний ўрнига Ража Парвез Ашраф бош вазир қилиб тайинланди, ҳолбуки, у сув ва энергетика вазири бўлган пайтда пора олганлик айблови билан унинг устидан тергов жараёни кетаётган эди! Демакки, Покистон Мусулмон Лигаси раиси Навоз Шариф ҳам бош вазирлик лавозимидан ҳайдалган тақдирда, айни партия унинг ўрнига осонгина яна бир порахўрни бош вазир қилиб қўяверади, шу билан коррупция карвони йўлда давом этади. Чунки коррупциянинг ҳимоячиси демократиядир.
Демократик тузум ёки инсон яратган бошқа ҳар қандай тузум бор экан, раҳбарлар устидан ҳақиқий ва фаол тергов бўлиши асло мумкин эмас. Маълумки Панама ҳужжатлари иши очилиб, бир неча шахслар, шу жумладан анави раҳбарлар иши ҳам фош этилди. Демократия уларга ҳокимият орқали йирик миқдорда бойлик тўплашлари учун имконият эшиклари очилишини таъминлаб берганди, яна уларнинг коррупцияларини ўрашда давом этди. Зеро, Покистондагина эмас, бутун дунёда аҳвол шу. Мана, бир неча йил тергов-суриштирувлар олиб борилди ҳамки, «етарли далиллар» мавжуд эмас, деган даъво билан бу коррупциячи ҳукмдорлар айбдор деб топилмади.
Шубҳасиз, ҳокимият мансаблари ортидан ҳаллослаб чопиб, давлат мол-мулкини талон-тарож қилаётган бу каби жиноятчилар устидан ўз вақтида фаол тергов олиб борадиган давлат Пайғамбарлик минҳожи асосидаги рошид Халифалик давлатидир. Чунки у инсон ишлаб чиққан қонунларни эмас, Аллоҳ Таоло нозил қилган шаръий аҳкомларни татбиқ қилади. Масалан, «Набий САВ бир кишини закот йиғиш ишига тайинлаганларида, у киши закот йиғиб бўлгач, «Ё Росулуллоҳ, бу сизга, бу эса менга, буни менга ҳадя қилишди», деб айтади. Шунда Росулуллоҳ САВ минбарга кўтарилиб, бундай дейдилар:
«مَا بَالُ الْعَامِلِ نَبْعَثُهُ فَيَأْتِي يَقُولُ هَذَا لَكَ وَهَذَا لِي فَهَلاَّ جَلَسَ فِي بَيْتِ أَبِيهِ وَأُمِّهِ فَيَنْظُرُ أَيُهْدَى لَهُ أَمْ لاَ وَالَّذِي نَفْسِي بِيَدِهِ لاَ يَأْتِي بِشَيْءٍ إِلاَّ جَاءَ بِهِ يَوْمَ الْقِيَامَةِ يَحْمِلُهُ عَلَى رَقَبَتِهِ إِنْ كَانَ بَعِيرًا لَهُ رُغَاءٌ أَوْ بَقَرَةً لَهَا خُوَارٌ أَوْ شَاةً تَيْعَرُ ثُمَّ رَفَعَ يَدَيْهِ حَتَّى رَأَيْنَا عُفْرَتَيْ إِبْطَيْهِ أَلاَ هَلْ بَلَّغْتُ ثَلاَثاً»
«Бу ишчига нима бўлди. Ишга юборсак, бажариб келиб, буниси сизга, буниси менга, деяпти… Ахир, ота-онасининг уйида ўтириб кутсинчи, унга ҳадя қилинармикин ёки йўқми! Жоним қўлида бўлган Зотга қасамки, у киши нимаики нарсани олиб келган бўлса, қиёмат куни ўша нарсасини – агарчи маърайдиган битта туя ёки сигир ёхуд қўй бўлса ҳам – бўйнига осиб боради», дедилар. Сўнг қўлларини баланд кўтариб – ҳатто бизга қўлтиқлари ҳам кўринди – уч марта «огоҳ бўлинг, етказдимми», дедилар». (Бухорий ва Муслим ривоятлари).
Ҳизб ут-Таҳрир-Покистон вилояти юрт мусулмонларига шуни таъкидлайдики, демократия шароитида, ҳукуматнинг бу каби ўйинларида бир кун ҳам коррупцияга қарши курашилмаган. Бундан олдин ҳам, Мушарраф замонида «демократияни қайта тиклаш», «адлия ҳокимиятини қайта ислоҳ қилиш» каби шиорлар кўтариб чиқилиб, Покистон Халқ партияси коррупцияга қарши курашда заррача яхшилик келтирмаган эди. Зотан, демократия ҳеч қачон яхшилик келтирмайди, чунки юрт муассасаларининг барчаси Британия мустамлакаси қолдириб кетган қонунларга мувофиқ ҳаракат қилади. Бугунги адлия суриштируви ўйинларидан мақсад, одамларда демократияга нисбатан ёлғон умид пайдо қилишдир ҳамда уларнинг Пайғамбарлик минҳожи асосидаги Халифаликни барпо этиш орқали ҳақиқий ўзгаришга ҳаракат қилишга йўл қўймасликдир. Шундай экан, бундай демократияга орқа ўгиринг ва барча кучингизни Пайғамбарлик минҳожи асосидаги Халифаликни барпо этишга сарфланг. Чунки фақат угина ҳукмдорлардан ҳақиқий фаол ва жадал равишда ҳисоб талаб қилинишини таъминлайди.
Ҳизб ут-Таҳрирнинг Покистондаги матбуот бўлими
Телефон: +(92)333-561-3813
Факс: +(92)21-520-6479
Электрон почта: htmediapak@gmail.com
Веб саҳифа: www.hizb-pakistan.com
