Пойдеворни дарз кетиши бинони қулашидан дарак

بِسْمِ اللهِ الرَّحْمٰنِ الرَّحِيم

Ҳар бир соҳада бўлганидек, меъморчилик соҳасининг ҳам  нозик қирралари бўлиб, ушбу жиҳатга эътибор бермаслик аянчли оқибатларга олиб келиши бор ҳақиқатдир.  Меъмор қайсики бир иншоотни ўз тасарруфига олар экан,  асосий эътибор берадиган жиҳати бино пойдеворидир. Чунки  юқорига кўтарилажак қаватларнинг асосий таянчи ушбу пойдевор бўлиб, унинг мустаҳкамлиги бутун бир иншоотнинг қад ростлаш омилидир. Агар пойдевор қаеридандир дарз кетса, бутун бошли бино дарз кетади.

Шу маънода Исломни бир бутун бинога қиёс қилсак, ақида унинг пойдеворидир. Ушбу ақида фикрий пойдевор бўлиб, ҳаёт ҳақидаги барча фикрлар унинг устига қурилади. Ушбу пойдеворга бўлган эътибор шариатга бўлган эътибор бўлиб, барча шаръий аҳкомлар ушбу ақидадан балқиб чиқади. Ушбулардан келиб чиқиб айтиш мумкинки, Ислом кишисининг ақидаси тиниқ, пок, соф бўлиши ўта зарур иш бўлиб, аввало, эътибор шу нарсага қаратилмоғи даркор. Акс ҳолда, инсоннинг қиладиган амалларига путур етиши, ҳатто амалларга бепарво бўлиб, фожирлик даражасига тушиб кетиши мумкин ишдир.

Шунинг учун Исломга киришни хоҳлаган ҳар бир ақл соҳибидан талаб қилинадиган иш  ақидани тушуниб, Аллоҳнинг борлигини далил билан исботлаб, иқрор бўлишдир. Мана шунинг учун ҳам Ислом ягона асос, яъни ақида устига қурилгандир. Ислом ақидасининг мазмуни шундан иборатки, коинот, инсон ва ҳаётдан ташқарида уларнинг ҳаммасини яратган Яратувчи бор. У Аллоҳ Таолодир. Бу Яратувчи ҳамма жонли ва жонсиз мавжудотларни йўқдан бор қилган. Яъни борлиқнинг яратувчиси Аллоҳдир. У набийлар ва росулларни инсон фарзандларига Ўз динини ўргатиш учун юборган. У қиёмат кунида инсондан қилган ишлари ҳақида ҳисоб талаб қилади. Бир сўз билан айтсак,  Ислом ақидаси Аллоҳга, Унинг фаришталарига, китобларига, росулларига, охират кунига, қазо ва қадарнинг яхшилиги ҳам, ёмонлиги ҳам Аллоҳдан эканлигига ишониш – имон келтиришдан иборатдир. Ушбу фикр ҳар бир иймон соҳибининг фикрий пойдевори бўлиб, ундан сиёсий, ижтимоий, иқтисодий муаммолар учун ечим келиб чиқади. 

Ҳизб ут-Таҳрирнинг Ўзбекистондаги медиа офиси. Зайниддин

22.12.2019й