بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Покистон армиясининг нусрат-ёрдамига исломий оламдаги жинояткор режимлар эмас, Ҳалаб ва мазлум мусулмонлар лойиқдир

2016 йил 18 декабрда Покистон армия бош қўмондони Қамар Жовид Бажва Саудия қироли Салмон ибн Абдулазиз оли сауд билан учрашди. «Икки давлат ўртасидаги мустаҳкам алоқа сабабли, Бажва бутун Исломий Уммат тинчлиги, хусусан, Саудия Арабистони тинчлиги олдида ўзининг масъулиятини ҳис қилмоқда», дейилади армия алоқалар бош қўмитаси томонидан чиқарилган муштарак матбуот баёнотида.

Бугун Россия ракеталари, тоғут Асад бочкалари ва Эроннинг кассетли бомбалари билан Ҳалаб мусулмонлари уйларини аҳолиси билан қўшиб вайрон этаётган бир пайтда, афсуски, Бажва шундай иш билан банд. Яъни исломий оламда энг кучли ҳисобланган қуролли кучлар қўмондони, Ислом Умматига хоинлик ботқоғига ботган бузуқ Саудия режимини қўллаб-қувватламоқда. Масалан, Ҳиндистоннинг Кашмирдаги мусулмонларга қарши ҳужумлари ва манфур қилмишлари кўпайгандан-кўпаяётган бир пайтда, Саудия мамлакати у билан дўстона алоқалар ўрнатиб ётибди. Ҳатто бу алоқалари шу даражага етдики, Саудия Ҳиндистон бош вазири Гужарат қассоби Нарендра Модини «Қирол Абдулазиз шарфи» билан мукофотлади. Бундан ташқари, бу мамлакат Шомдаги муборак қўзғолонни барбод қилиш учун ифлос сиёсий маблағ сарфламоқда, у ердаги мусулмонларнинг Пайғамбарлик минҳожи асосидаги Халифалик давлатини қайта барпо этиш ғоясига етишидан қўрққани учун шундай қилмоқда. Бундан ташқари, бу мамлакатнинг жинояткор режими Яманда ҳам қўлларини мусулмонлар қонига булғаб, мустамлакачи кофир хўжайинларининг минтақани ўз назоратларига олишларига ёрдамлашмоқда.

Эй Покистон қуролли кучлари сафидаги ҳарбий қўмондонлар!

Ҳалабда содир этилаётган ҳодисалар бутун Ислом оламидаги бузуқ сиёсий раҳбариятлар башарасини фош қилди. Чунки бу раҳбариятларнинг Ҳалабга ёрдам бермаганидан бутун Уммат қаттиқ дарғазаб. Шу билан бирга, босиб олинган Кашмир ва Мьянмага ёрдам беришмаётгани учун ҳам ғазабга келди. Шунинг учун бу режимлар ҳеч қандай исломий қуролли кучлар томонидан қўллаб-қувватловга лойиқ эмас. Зеро, Аллоҳ Субҳанаҳуга ва Росули САВга имон келтирган ушбу қуролли кучлар қўшинлари Аллоҳ йўлида жонларини аямасликка тайёр турибди. Бутун Уммат хурсандчилигида ҳам, хафачилигида ҳам умидини сиз ҳарбий қўмондонларга тиккан. Биласиз, Ҳалаб ёнмоқда. Бунинг сабаби Сурияда Пайғамбарлик минҳожи асосидаги Халифалик барпо этилишига бўлган талаблар қаттиқ кучайганидир. Шунинг учун Ҳалаб сизнинг қўллаб-қувватловингизга лойиқ, сизнинг (дунёдаги энг катта армияларнинг еттинчиси ва ядровий қуролга эга бўлган) қуролли кучларимизни сафарбар қилишингизга ҳақли. Росулуллоҳ САВ бундай демоқдалар:

«مَا مِنْ امِرِئٍ يَخْذُلُ مَسْلِمًا فِى مَوْطِنٍ يُنْتَهَكُ فِيهِ حُرْمَتُهُ وَيُنْتَقَصُ فِيهِ مِنْ عِرْضِهِ إِلاَّ خَذَلَهُ اللهُ عَزَّ وَجَلَّ فِى مَوْطِنٍ يُحِبُّ فِيهِ نُصْرَتَهُ، وَمَا مِنْ امْرِئٍٍ يَنْصُرُ امْرَأً مُسْلِمًا فِى مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلاَّ نَصَرَهُ اللهُ فِى مَوْطِنٍ يُحِبُّ فِيهِ نُصْرَتَهُ»

«Қайси бир мусулмон бошқа бир мусулмонга ҳуқуқи поймол қилинаётган ва обрўси тўкилаётган жойда ёрдам бермаса, у Аллоҳнинг ёрдамига муҳтож бўлган жойда, Аллоҳ ҳам уни ёрдамсиз қўяди. Қайси бир мусулмон бошқа бир мусулмонга ҳуқуқи поймол қилинаётган ва обрўси тўкилаётган жойда ёрдам берса, у Аллоҳнинг ёрдамига муҳтож бўлган жойда, Аллоҳ ҳам унга ёрдам беради». (Имом Аҳмад ривояти).

Шундай қилиб, биз сиз етакчиларни ғайратга чақирамиз ва Уммат тақдири сизнинг қўлингизда эканини таъкидлаймиз. Ҳозирда дунёдаги барча мусулмонлар ўз масалалари ҳал этилиши учун сизнинг нусрат-ёрдам беришингизга интизор. Бас, шундай экан, Умматнинг ўз давлати бўлиши учун Пайғамбарлик минҳожи асосидаги Халифаликни барпо этишда Ҳизб ут-Таҳрирга ёрдам беринг ва мағфиратга, ажри азимга ноил бўлинг. Аллоҳ Субҳанаҳу ва Таоло бундай дейди:

يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِن تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ* وَأُخْرَىٰ تُحِبُّونَهَا ۖ نَصْرٌ مِّنَ اللَّـهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ

«(Аллоҳ) гуноҳларингизни мағфират қилур ҳамда сизларни остидан дарёлар оқиб турадиган жаннатларга ва абадий жаннатлардаги покиза масканларга киритур. Бу эса улуғ бахтдир. Ва (Аллоҳ сизларга) яна бошқа сизлар суядиган (бир неъматни ҳам берурки, у) Аллоҳ томонидан бўлган нусрат ва яқин фатҳдир, мўминларга (мана шу) хушхабарни етказинг!»                               [Соф 12-13]

Ҳизб ут-Таҳрирнинг Покистондаги матбуот бўлими

Twitter: http://twitter.com/htmediapak

Facebook: http://www.facebook.com/pages/Naveed-

Butt-Media-Office-HT/116266191744214

e-mail: htmediapak@gmail.com

Webpage: www.hizb-pakistan.com