بِسْمِ اللهِ الرَّحْمنِ الرَّحِيمِ

Матбуот баёноти

Покистон билан Афғонистон ўртасидаги душманликнинг сабаби минтақада АҚШнинг мавжудлигидир

Бу икки юрт мусулмонларини бир-бирларига қарши қайраш Ҳиндистонни кучайтиришга қаратилган

2017 йил 5 май куни Афғон кучлари Покистоннинг чегарадош қишлоғи «Шомон»га қарата ўт очди. Ҳодисада икки аёл ва тўрт бола дохил 12 киши нобуд бўлди, ўн киши яраланди. Покистон томони сўнгги маълумотларга кўра, Шомон ва Туркҳам чегараларини ёпиш билан жавоб қилди. Кейинчалик афғон режими бу ҳужум хато бўлганини, икки мусулмон юртда вазият кескинлашган бир шароитда бундай хатолар бўлиши табиий эканини билдирди!

Шундай қилиб, демак, Ҳизб ут-Таҳрир-Покистон вилояти мусулмонларни ғазабларини ҳақиқий жиноятчига қаратишга даъват қилади. Бу ҳақиқий жиноятчи мусулмонлар ўртасида душманлик муҳитини яратаётган Америкадир, иккала давлат режимларининг хўжайинидир.

Агар Британия империяси Дюранд ҳудудий чизиғини тортмаганда эди, покистонлик мусулмонлар афғонистонлик мусулмон биродарларидан ажраб чиқмаган бўлар эди. Чунки бу икки давлатдаги мусулмонларни бир-бирига исломий ақида ҳамда иқтисодий ва ижтимоий муносабатлар боғлаб туради. Мусулмонлар ўртасидаги мана шундай боғлиқлик сабабли ҳам Ҳиндистоннинг айни минтақага ҳукмронлик қила олиши ҳеч қачон мумкин эмас. Бироқ Ҳиндистоннинг ҳукмрон бўлиши Американинг шартидир. У Ҳиндистонни Хитой нуфузига ва исломий уйғонишга қарши ишга солмоқчи. Шу сабабдан Покистон билан Афғонистондаги мусулмонлар ўртасига нифоқ солишга уриниб келмоқда.

Шу билан бирга, Американинг ўзи ҳам ҳануз Афғонистонда мавжуд бўлиб турибди. Қобулдаги режим унинг қўлидаги қўғирчоғи бўлиб, уни Покистонга қарши гижгижлади ҳамда Ҳиндистон билан қайноқ алоқа ўрнатишга ундади. Маълумки, Покистондаги ҳукмдорлар ҳам Американинг ювиндихўрлари бўлгани боис уни, қоралашга юраклари дов бермайди, минтақадаги бузғунчилик ва фитна ортида турган жинояткор «ақл»га қарши чиқишдан қўрқишади. Покистоннинг бу қўрқоқ ҳукмдорлари Американи минтақадан чиқариб ташлаш ўрнига, Покистон билан Афғонистон ўртасидаги чегарани ёпиб, икки юрт мусулмонларини бир-бирига қарши қайрашмоқда, чегарани ёпиш билан икки юрт аҳлида машаққат туғдиришмоқда.

Покистон ва Афғонистондаги мусулмонлар ўзларининг ҳақиқий душманлари минтақадаги мусулмонлар куч-қудратини заифлаштириш орқали мушрик Ҳиндистон ролини кучайтиришга уринаётган Америка эканини билмоқлари керак. Икки юртдаги малай ҳукмдорлар бу кофир давлатнинг айни мақсадини амалга оширишида тўла қўллаб-қувватлаётганларини онгли равишда тушунмоқлари лозим. Шунингдек, ушбу икки юрт мусулмонлари ўрталаридаги ўзаро душманликка барҳам бермоқлари, Пайғамбарлик минҳожи асосидаги Халифалик соясида битта давлат сифатида бирлашиш ва АҚШни минтақадан қувиб солиш орқали Дюранд чизиғини ўчириб ташламоқлари шарт. Шундан сўнг душманларимиз икки юрт мусулмонлари орасига нифоқ солиш учун минтақага қадам босишолмайди, мусулмонларнинг бир бутун армияси Америка ва Ҳиндистоннинг регионал даражадаги очкўзлик режаларини йўққа чиқаради.

وَاعْتَصِمُواْ بِحَبْلِ اللّهِ جَمِيعاً وَلاَ تَفَرَّقُواْ وَاذْكُرُواْ نِعْمَتَ اللّهِ عَلَيْكُمْ إِذْ كُنتُمْ أَعْدَاء فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَاناً وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ

«Ва барчангиз Аллоҳнинг арқонига (Қуръонга) боғланингиз ва бўлинмангиз! Ҳамда Аллоҳнинг сизларга берган неъматини эсланг: бир-бирингизга душман бўлган пайтларингизда дилларингизни ошно қилиб қўйди-ю, сизлар Унинг неъмати сабаб биродарларга айландингиз. Ва дўзах чоҳининг ёқасида турган эдингиз, сизларни ундан халос қилди. Ҳақ йўлни топишингиз учун Аллоҳ сизларга ўз оятларини мана шундай баён қилади»                  [Оли Имрон 103]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com