بِسْمِ اللهِ الرَّحْمٰنِ الرَّحِيمِ

Покистон режимининг қўрқоқлиги Ҳиндистонга босиб олинган Кашмир мусулмонларини янада қаттиқ репрессия қилиши учун шижоат бермоқда

Устоз Яҳё Молик

Ҳизб ут-Таҳрирнинг Покистон

вилоятидаги матбуот бўлими аъзоси

Кашмирда Покистон томонидан ўқ отилиши оқибатида уч нафар ҳинд аскари ўлди. Бир пайтнинг ўзида, Ҳиндистон томонидан бомбардимон қилиниши оқибатида Покистон ҳам икки аскарининг ҳалок бўлганини, бир аскар ярадор бўлганини маълум қилди. Бу ҳодиса икки томонни ажратиб турувчи назорат линиясида ҳамда Кашмирни Покистон билан Ҳиндистон ўртасида иккига ажратиб турган «LoC» назорат линиясида юз берди. Бу линия Ҳиндистонга босим ўтказиш нуқтаси бўлиб келган. Покистон босиб олинган Кашмир водийси ичкарисида Ҳиндистонга босим қилмоқчи бўлса, шу линиядан фойдаланиб келар эди. «LoC» доирасида ўт очишни тўхтатиш битими «CFVs»нинг бузилиши одатда Покистон томонидан содир этилар эди. Покистон режими бу билан ўзини Кашмир қуролли қаршилик ҳаракатини гўё қўллаб-қувватлаётган қилиб кўрсатар эди. Терроризмга қарши кураш бошлангандан сўнг, Покистон Кашмирдаги қуролли қаршилик ҳаракатини қўллаб-қувватлашдан воз кечди. Шундан сўнг, 2003 йилда ўт очишни тўхтатиш келишуви қайта тузилиб, ҳинду давлати хотиржамликка эришди. Ўз навбатида, бу нарса унинг Жамму ва Кашмирдаги босқинчилигини мустаҳкамлашга хизмат қилди.

2016 йил 29 сентабрда назорат линияси бўйлаб, Покистон билан Ҳиндистон ўртасидаги курашда бурилиш юз берди. Ўшанда Ҳиндистон Кашмирнинг Покистон томонига ёриб кириб, айни линия бўйлаб ҳарбий зарба йўллаганини даъво қилган эди. Покистон армияси эса, ўзлари назорат қиладиган ерларга ҳинд армиясининг ҳарбий зарба йўллаганини инкор қилди. Бу воқеа Оври районидаги қуролли ҳужумдан сўнг ҳамда кашмирлик машҳур мужоҳид Бурҳон Ванининг шаҳид бўлиши ортидан юз берди. Ўшандан буён Ҳиндистон назорат линияси бўйлаб душманлик сиёсатини қабул қилиб, ўт очишни тўхтатиш битимини мунтазам равишда бузиб келмоқда. Ҳиндистон назорат линиясида агрессив сиёсат олиб боришни қабул қилиш орқали кучлар тенглигини ва бу линия бўйлаб ўз йўналишини ўзгартиришни кўзлади. Унинг бу ҳаракати Покистон давлатига босим қилиб, уни Кашмирдаги қуролли қаршилик ҳаракатини қўллаб-қувватлашдан воз кечишга мажбурлашдир. Ҳиндистон Кашмир қаршилик ҳаракатини моддий жиҳатдан кўрсатилган ҳар қандай ёрдам икки давлат ўртасидаги вазият кескинлашишига сабабчи бўлмоқда, деган нарсани уқтириб келяпти. Одатда бундай кескинликни Ҳиндистоннинг ўзи бошлайди. Ҳиндистон Моди етакчилигида Америка ундови билан агар Покистоннинг Кашмирдаги қуролли жамоаларни қўллаб-қувватлаётгани ошкор бўлса, ҳарбий ҳолатни кучайтириб уруш очаман деб таҳдид қилди.

Бу ҳолат назорат линияси бўйлаб вазиятнинг тамоман тескари тарафга ўзгарганини кўрсатиб турибди. Зотан, у ер Ҳиндистоннинг заиф томони, дея кўрилар эди. Чунки илгари Покистон босиб олинган Кашмирда Ҳиндистонга босим қилиш учун айни линиядан фойдаланар эди. Энди эса, Покистон Кашмирдаги қуролли ҳаракатларни қўллаб-қувватлаш йўлида ўз ҳарбий кучидан фойдаланишдан воз кечди ва бу айни назорат линияси бўйлаб кучлар тенглигининг ўзгаришига ҳисса қўшди.

Шу боис, Покистоннинг Кашмир муаммосини ҳарбий йўл билан ҳал этмасликка қарор қилиши мушрик давлатнинг назорат линияси бўйлаб урушни кучайтиришига туртки бўлди. Оқибатда, у Кашмир водийсидаги қуролли жамоаларга қарши қақшатқич ҳужумларни бошлади. Ҳиндистон турли воситалар ва ҳарбий босимлардан фойдаланиб, шу орқали Покистонинг Кашмирдаги қуролли гуруҳларга ёрдам бермаслигини кафолатлаб олмоқчи бўлди. Покистон назорат линияси бўйлаб ўт очишни тўхтатиш битимига амал қилиб келаётган бўлса-да, унинг бу ҳаракати мудофаа мақсадларига қаратилган. Яъни у ўз армиясининг маҳаллий ҳайбатини сақлаб қолиш мақсадида, Ҳиндистон ҳужум қилган пайтда, у ҳам жавоб қайтариб қўйяпти. Бирин-кетин келаётган Покистон ҳукуматлари Ҳиндистон учун Кашмирдан воз кечиш сиёсатини тарғиб қилишга ҳамда жамоатчилик олдида кенгбағир бўлиш сиёсатини қўллашга уриниб келмоқда. Лекин бу ҳукуматларнинг барчаси бу сиёсатларни афкори оммага ўтказишга муваффақ бўлишолмади, жамоатчилик буни қабул қилмади.

Босиб олинган Кашмирнинг Ҳиндистон томонидан ўзига қўшиб олиниши сабабли (зеро, бу Покистон режимининг заифлик ва хорлик сиёсатини қўллагани натижасида юзага келган) покистонликларнинг ғазаби тобора кучайиб бормоқда. Юртдаги мусулмонлар Ҳиндистоннинг босиб олинган ва мусулмон ўлкаларининг бир бўлаги ҳисобланган Кашмирга ҳукмронлик қилишини ҳаргиз қабул қилишмайди.

Шундай бўлса-да, Кашмир масаласи фақат ва фақат ҳарбий йўл билан ҳал бўлади. Покистоннинг йирик армияси қисмларини ушбу водийнинг босқин остида қолишига якун ясаш сари сафарбар қилиш лозим. Аммо ҳозирги Покистон давлати бор экан, бу нарса асло амалга ошмайди. Чунки у ўзининг Кашмирни ҳарбий йўл билан ҳал этиш вариантини бутунлай йўққа чиқарди. Шунинг учун Кашмир Покистонда Пайғамбарлик минҳожи асосидаги рошид Халифаликни барпо этиш билангина озод этилади. Бунинг ягона йўли шу. Шу йўл билан нафақат Кашмир, балки барча босиб олинган исломий юртлар озод этилади ҳамда Ҳиндистон ўзининг Ислом Уммати сафидаги ўрнини қайта эгаллайди.

Роя газетасининг 2020 йил 1 январ чоршанба кунги 267-сонидан