بِسْمِ اللهِ الرَّحْمٰنِ الرَّحِيمِ

Россия Федерал хавфсизлик хизмати Ҳизб ут-Таҳрирнинг тўққиз нафар йигитини қамоққа олди

Русиял Явм веб сайти (ҳижрий 1441 йил 25 робиул-аввал, милодий 2019 йил 22 ноябр жума куни) нашр қилган хабарда қуйидагилар айтилади:

«Россия Федерал хавфсизлик хизмати Ҳизб ут-Таҳрир Исломий халқаро террорчи ташкилотининг 2 нафар раҳбари ва 7 нафар аъзосини Россиянинг турли ҳудудларида қўлга олганини, улар ҳокимиятни зўрлик билан ағдаришга қаратилган конституцияга зид ҳаракатлар билан шуғулланишганини маълум қилди.

Россия Федерал хавфсизлик хизмати томонидан жума куни чиқарилган баёнотда, ушбу террористларни қўлга олиш махсус операцияси Москва, Татаристон ва Урал вилоятидаги Тюмен округи каби ҳудудларда олиб борилгани таъкидланди. Баёнотда изоҳланишича, ҳибсга олинганлар яширин террористик тузилмалар ташкил қилиш, молиялаштирувчи манбалар қидириш, ўз фикрларини тарқатишиб, маҳаллий мусулмонларни сафларига қўшиш билан шуғулланишган. Хавфсизлик хизмати баёнотда, жумладан, бундай дейилади:

«Ташкилот аъзоларининг глобал дея даъво қилинган Халифаликни қуришга, дунёвий жамият муассасаларини вайрон қилишга ва мавжуд ҳокимиятни куч ёрдамида ағдаришга асосланган ноқонуний фаолиятлар билан шуғулланганлари исботланди».

Баёнотда ҳибсга олинганлардан Россияда тақиқланган тарғибот материаллари, алоқа воситалари ва қаттиқ дисклар топилгани айтилади».

Роя газетаси шарҳи:

Бу жинояткор Россиянинг Ислом ва мусулмонларни ёмон кўриши ҳеч кимга янгилик ҳам, сир ҳам эмас. Бу давлат доим Ислом ва мусулмонларга ашаддий душман бўлиб келган. Нега ҳам шундай бўлмасин?! Мисол учун айтадиган бўлсак, Усмоний Халифалик давлатига қарши курашда иштирок этган ҳам, бир неча йиллардан буён Шомдаги тоғут Башар Асад режимини қўллаб-қувватлаш йўлида қуролсиз оддий мусулмонларни қирғин қилиб келаётган ҳам, Ислом сақофатига оид китобларни ман қилиб, мактаб ва университетларда қизларнинг рўмол ўрашларини тақиқлаган ҳам мана шу Россия бўлади. Шунинг учун, Россия Ҳизб ут-Таҳрирнинг сиёсий ташкилот эканини, жангари ташкилот эмаслигини яхши билади, била туриб, унинг аъзоларини ҳибсга ва қамоққа олмоқда. Бу эса, унинг Исломга бўлган курашини тўхтатмаётганига далолат қилади. Дарҳақиқат, буни Ҳизб ут-Таҳрир аъзоларидан бири ва ўтган март ойида Россия ҳукумати 22 йиллик қамоқ жазосига ҳукм қилган Руслан Сунгатов жуда тўғри ифодалади. У суд залида «Бугунги суд бизни ҳам, Ҳизб ут-Таҳрирни ҳам суд қилаётгани йўқ, балки у Аллоҳнинг дини Исломни суд қиляпти», деди.

Ислом даъватини холис етказаётганларни репрессия қилаётган ва қамоққа ташлаётган барча режимларга айтар сўзимиз: ўзингизга етадиган ёмонликдан «хурсанд» бўлаверинглар. Чунки Ҳизб ут-Таҳрир сизлар томонидан қўйилган барча тўсиқ ва машаққатларга қарамай, Пайғамбарлик минҳожи асосидаги иккинчи рошид Халифаликни барпо этиш учун ўзининг фаолиятини кечаю кундуз тинимсиз давом эттиради. Чунки ушбу Халифалик Аллоҳ Субҳанаҳу ва Таолонинг ваъдасидир, У ўз ваъдасига асло хилоф қилмас.

Роя газетасининг 2019 йил 27 ноябр чоршанба кунги 262-сонидан