بِسْـــمِ اللهِ الرَّحْمٰـــنِ الرَّحِيـــم

Роя газетаси:

Россия Сурияни вайрон қилмоқда

Эрдўған эса, у билан муносабатларни нормал ҳолатидан ҳам ортиқ даражада ривожлантирмоқда

Ҳижрий 1439 йил 12 робиус-соний, милодий 2017 йил 30 декабр шанба куни «Онадўли» ахборот агентлиги сайти нашр қилган хабарда бундай дейилади:

«Бугун Туркия президенти Ражаб Тоййиб Эрдўған россиялик ҳамкасби Владимир Путиндан янги йил муносабати билан табрикнома олди.

Путин ўз табрикномасида турк-рус муносабатлари ўзининг нормал ҳолатига қайтибгина қолмай, балки кўплаб соҳаларда суръат билан ривожланиб кетганини айтди.

Унинг таъкидлашича, сўнгги пайтларда Россия ва Туркиянинг ҳамкорликда ташлаган қадамлари Ўрта Шарқ минтақасида «терроризм»нинг тарқалишини олдини олишга ўз ҳиссасини қўшган.

Шунингдек у, ушбу қадамлар Сурияда сиёсий жараённи бошлаш учун зарур бўлган шарт-шароитларни яратиб берганини урғулади.

Путин «Россия регионал ва халқаро масалаларда Туркия билан конструктив ҳамкорлигини давом эттиришга доим тайёр», дея қўшимча қилди.

Роя газетаси шарҳи:

«Бугун турк-рус муносабатлари ўзининг нормал ҳолатига қайтибгина қолмай, балки кўплаб соҳаларда суръат билан ривожланиб кетди». Булар жинояткор Путиннинг сўзларидир. Бу шуни кўрсатиб турибдики, Россия учоқлари Сурия аҳлини бомбардимон қилиб, қирғин қилаётган, уй-жойлари, масжидлари ва касалхоналари…ни ер билан яксон этаётган бир пайтда, Эрдўған Туркияси Россияга қарши уруш қилиш, ҳеч бўлмаса, унинг қилмишларини бойкот қилиш ўрнига, у билан бўлган муносабатларни нормаллик даражасидан ҳам ошириб юборди. Эрдўғаннинг шунча жиноятларидан ҳамда Сурия қўзғолонига ортидан ҳам, олдидан ҳам пичоқ урганидан кейин, ундан ва унинг режимидан яхшилик кутиш аҳмоқлик ва соддалик эмасми?!

Роя газетасининг 2017 йил 3 январ чоршанба кунги 163-сонидан