Матбуот баёноти

Рувайбизалар хиёнати ва Трамп битимининг муборак Фаластин замини шаҳидларининг қони эвазига амалга оширилиши

АҚШ президенти БМТ Бош Ассамблеясининг Фаластин масаласига бағишланган 80-сессиясидаги нутқидан сўнг, 193 давлатдан 150 дан ортиғи «Фаластин давлати»ни тан олганига қарамасдан, БМТни масхара қилди ва ҳукмдорларнинг баёнотларини «қуруқ гаплар» деб атади. Шунингдек, иқлим бўйича халқаро келишувларни ҳам масхара қилди, миграция битимларини менсимади, Европанинг Фаластинни тан олишини ҳақорат қилиб, уни заифлик сифатида баҳолади. Натижада Трампнинг бу нутқи гўё халқаро ирода учун ўқилган «жаноза намози»дек туюлди. Бу орқали Америка халқаро майдондаги ўз яккаҳокимлигини очиқ намоён қилди ва Яқин Шарқ, жумладан Фаластин масаласида ўз қарашини мажбуран тиқиштирди.

Шундан сўнг аср фиръавни бўлмиш Трамп БМТ Бош Ассамблеяси доирасида ўзининг энг итоаткор ҳукмдорлари билан учрашди. Бу учрашув Ислом Умматига муборак заминнинг келажаги борасида ўз қарашини мажбуран тиқиштириш, шунингдек, рувайбизаларга яҳудийларнинг орзуларини амалга ошириш ва ўз ғоясини татбиқ этиш йўлида нима қилишлари кераклигини буюриш мақсадида ўтказилди. Учрашувда Покистон бош вазири Шаҳбоз Шариф, шунингдек Саудия Арабистони, Қатар, Бирлашган Араб Амирликлари, Миср, Иордания, Туркия ва Индонезия ҳукмдорлари иштирок этди. Бу учрашувдан олдин Трамп улар билан онлайн видеомулоқот ўтказиб, учрашувдан кўзлаган мақсадини ва улар бажариши лозим бўлган вазифаларни очиқ баён этган эди. Унинг сўзларидан Ғазо аҳлига эмас, балки асосан яҳудий тутқунларига қайғураётгани яққол сезилиб турди. Ҳолбуки, Ғазода ҳар куни тутқунлар сонидан анча кўп одамлар ўлдирилмоқда. Трамп йиғиндагиларга мурожаат қилиб шундай деди: «Биз тутқунларни қайтаришимиз керак. Мана шу ерда йиғилганлар дунёдаги бошқа ҳар қандай тузилмадан кўра бу ишни амалга оширишга кўпроқ қодирдир. Шу боис сизлар билан бирга бўлиш мен учун шарафдир». Ташқи ишлар вазири Марко Рубио ҳам унинг фикрини қўллаб-қувватлади. У «Фокс Ньюс» телеканалига берган интервьюсида кўп томонлама учрашувни «Ғазога қарши урушни тугатиш ва қолган барча асирларни озод қилиш учун охирги имконият – сўнгги ўқ» деб таърифлади. Оқ уйдан тарқалган маълумотларга кўра, Трамп режаси Ғазодан босқинчи қўшинларни босқичма-босқич чиқаришни, минтақавий тинчликпарвар кучларни жойлаштиришни, ёрдам юкларини киритиш жараёнини ва халқаро ҳамкорликда қайта тиклаш дастурини ўз ичига олган. Вашингтон мусулмон давлатларидан Ғазога ҳарбий кучлар юборишни талаб қилмоқда. Бу орқали яҳудий қўшинларининг у ердан босқичма-босқич чиқарилиши, шунингдек ўтиш жараёни билан қайта қуриш дастурларини молиялаштириш учун маблағ ажратилиши кўзда тутилган.

Муқаддас Фаластин заминида ҳақиқий давлат барпо этиш имконини берувчи ҳатто озгина ер ҳам қолмаган бир пайтда дунё давлатларининг кўпчилиги «Фаластин давлати»ни тан олаётгани мавжуд ҳақиқатни очиқдан-очиқ инкор этишдир. Воқеликка мутлақо тўғри келмайдиган бундай ҳаракат бу тан олувчиларнинг воқеликдан бехабар эканини англатмайди. Аксинча, улар яҳудий вужуди Фаластин ерларида географик манзарани ўзгартириб юборганини, бу эса улар даъво қилаётган суверен ва ҳаётга қобил давлатни барпо этишни мутлақо имконсиз қилиб қўйганини яхши билишади. Улар шуни ҳам яхши билишадики, яҳудий вужуди ерларнинг катта қисмида ўз ҳукмронлигини ва амалий мавжудлигини ўрнатган бўлиб, фақат Ғарбий соҳилдаги бир нечта йирик шаҳарларни бундан мустасно қолдирган. Харита устида Фаластин ҳудудлари кенг денгиз ичидаги кичик оролчаларга ўхшаб қолган. Шу боис бу «тан олиш»нинг ҳақиқий мазмуни йўқ; у фақат кўзбўямачиликдир. Ундан кўзланган мақсад муқаддас замин аҳлини ёлғиз қолдириш ва уларга қарши тил бириктириш жиноятидан, шунингдек ўша давлатлар томонидан ҳарбий, иқтисодий ва сиёсий жиҳатдан қўллаб-қувватланаётган босқинчи кучлар қўлида кечаю кундуз тўкилаётган Фаластин аҳли қони жиноятидан дунё давлатлари ва халқаро тизимни оқлашдир.

Америка ва яҳудий вужудининг бу «тан олиш»га билдирган реакциясига келсак, гарчи бу улар учун ҳатто тасаввур ҳам қилмаган дипломатик ютуқ бўлса-да, уларнинг ҳақиқий мақсади сохта ва хаёлий «Фаластин давлати»ни расман эълон қилиш орқали буни Фаластин халқи учун улкан ғалаба, бева ва фарзандини йўқотган оналар қалбига ором ҳамда минглаб шаҳидлар қони учун товон сифатида кўрсатишдан иборат бўлди. Шу тариқа ҳукмдорларнинг яҳудий вужуди билан муносабатларни нормаллаштириш йўлидаги хиёнати гўё оқлангандек бўлади. Бу эса ҳали бу йўлга кирмаган давлатлар, жумладан, Покистон, Саудия ва бошқа мусулмон юртлар учун янада каттароқ баҳона ва узр сабаби бўлиб хизмат қилади.

Албатта, инсонлар учун энг яхши Умматни ҳам айнан Трамп билан учрашган мана шу рувайбизалар бошқармоқда. Ҳақиқат шундаки, яҳудий вужудини йўқ қилиш ва уни ҳаётдан супуриб ташлаш учун биргина ҳарбий бўлинманинг ўзи етарлидир. Ядро қуролига эга Покистон нафақат Ғазодаги мазлум биродарларимизга ёрдам беришга қодир, балки муборак заминни ва икки ҳарамнинг учинчиси бўлмиш Ақсо масжиди ҳамда унинг атрофини озод қилиш имкониятига ҳам эгадир. Бироқ мамлакатимиз ва бошқа мусулмон юртлари бошига тушган фожиаларнинг асосий сабаби ана шу хиёнаткор ҳукмдорлардир. Ушбу ҳукмдорлар юртларимиздаги йирик имконият ва ресурсларни Америка манфаатларига хизмат қилиш ва яҳудий вужудининг орзуларини рўёбга чиқариш учун сарфламоқдалар. Шу сабабдан Ақсогача бўлган йўл айнан шу рувайбизаларнинг саройларидан ўтади. Бу эса уларни ағдариш ва Пайғамбарлик минҳожи асосидаги иккинчи рошид Халифаликни барпо этиш орқали амалга ошади. Зеро, Халифалик музаффар Салоҳиддин йўлини тутган ҳолда, Ақсони яҳудий босқинчилари ва уларни қўллаб-қувватловчи салибчи иттифоқлардан озод қилади.

Шунинг учун Росулуллоҳ ﷺнинг яҳудийларни қириб ташлаш ва Ақсо масжиди билан икки Ҳарамнинг учинчисини озод қилиш тўғрисидаги башоратларини рўёбга чиқариш учун биз Покистон армиясидаги куч-қудрат ва ирода эгаларини Ҳизб ут-Таҳрирга нусрат-ёрдам беришга чақирамиз. Ана шунда Аллоҳнинг ғазабига учраганлар ва залолатга ботганлар сабабли Уммат кўраётган азоб-уқубатлар кўтарилади ҳамда Фирдавс жаннати қўлга киритилади.

﴿إِنَّ فِي ذَٰلِكَ لَذِكۡرَىٰ لِمَن كَانَ لَهُۥ قَلۡبٌ أَوۡ أَلۡقَى ٱلسَّمۡعَ وَهُوَ شَهِيدٞ﴾

«Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бор»   [Қоф 37]

Ҳизб ут-Таҳрирнинг Покистондаги матбуот бўлими