بِسْمِ اللهِ الرَّحْمٰنِ الرَّحِيمِ

Саудия оммавий ахборот воситалари Ғазодаги қаршилик ҳаракати етакчиларини террорчи деб атаганидан кейин кўтарилган кучли ғазаб

(Би-Би-Си, 2024 йил 19 октябр). Саудиянинг Эм-Би-Си каналида намойиш этилган видео ижтимоий медиа сайтларида ғазаб ва қоралаш тўлқинини келтириб чиқарди. Бу ҳолат ўнлаб ироқликларнинг шанба куни тонгда Бағдоднинг Жомиа районидаги телестанция офисига бостириб киришигача етиб борди. Эфирга узатган видеода Ҳамас ҳаракати етакчиси Яҳё Синвар «терроризмнинг янги юзи ва дунё ундан халос бўлган охирги одам» сифатида тасвирланган. Шунингдек, дастур бошловчисининг орқа экранида «Синвар… (Исроил) уни ўлимдан қутқарди. У эса (Исроил)га қарши уруш қилди» деб ёзилган. Намойишчилар Саудия канали видеосини қаршилик ҳаракати сиймоларига нисбатан ҳақорат сифатида кўришди. Улар бинонинг ташқи ҳовлисига ўт қўйишди ва ичидаги жиҳозларни парчалашди. Турли араб давлатларидаги ижтимоий медиа сайтлари ТВ дастурни қоралаган ғазабнок шарҳлар билан тўлиб тошди. Чунки шарҳ қолдирувчилар буни яҳудий вужудига нисбатан ўзига хос тарафкашлик қилиш ва у билан муносабатларни нормаллаштириш деб билишди. Баъзилар теледастурни «Саудия молиялаштирган (Исроил) ТВ дастури», деб таърифлашгача борди.

Роя: Эҳтимол, Ислом юртларидаги одамлар ҳалокатли аҳволдан чиқишнинг бу ҳукмдорларни қулатишдан бошқа йўли йўқ эканлигини қатъий тушуниб етишлари учун, уларга малай ҳукмдорлар фазовий каналларининг шу тарзда очиқ сурбетлик қилиши керакдир. Ҳа, албатта, бу ҳукмдорларни қулатишдан бошқа йўл йўқ. Чунки бу ҳукмдорлар юртларимизда душманимизни тамсил этиб, унинг буйруқларини бажаришмоқда. Тўғрироғи, уларнинг хоҳиш-истаги Умматнинг хоҳиш истагидан фарқ қилади. Уммат азизликка интилаётган водийда бўлса, улар малайлик, пасткашлик ва Аллоҳнинг динига душманлик қилиш водийсидадирлар.

Роя газетасининг 2024 йил 23 октябр чоршанба кунги 518-сонидан