بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Селангор диний ҳокимияти туҳмат ва ёлғонлар билан масжид минбарларини булғамоқда

Малайзиянинг Селангор штати диний ҳокимияти аввал Ҳизб ут-Таҳрирнинг электрон сайтларига тўсиқ қўйишга жон-жаҳди билан ҳаракат қилган эди. Энди бўлса, ўз салоҳиятидан Ҳизбга туҳмат қилишда ва ёлғонларни тарқатишда фойдаланмоқда. Бу сафар у Ҳизбни обрўсизлантириш ва адашган жамоа, дея айблашда масжидлар минбарларини танлади. Яъни, навбатдаги жума хутбаси Селангор диний ҳокимияти томонидан «залолат денгизига ғарқ бўлиш», деган сарлавҳа остида тайёрланди. Штатнинг барча масжид имомлари томонидан ўқиб эшиттирилган айни хутбада Ҳизб ут-Таҳрир шиа, қодирия кабилар қаторида турувчи адашган жамоаларнинг бири, дея талқин этилди.

Дарвоқе, бу хутба Шоҳ Олимдаги олий шаръий маҳкамада Ҳизб ут-Таҳрирга оид иш қайта кўриб чиқилаётган бир пайтда тайёрланди. Маълумки, Ҳизб ут-Таҳрир-Малайзия айни маҳкамага мурожаат қилиб, Селангор муфтиси билан штат муфтиётига Ҳизб ут-Таҳрирни адашган, дея фатво чиқарганлари учун фатвони бекор қилиш тўғрисида буйруқ чиқаришни талаб қилган эди. Ҳизб муфти ва фатво комиссиясидан ташқари Селангордаги исломий диний кенгашни ҳамда диний ҳокимиятни бу масалада жавобгар сифатида айтиб ўтган. Афтидан, бу диний ҳайъат айни ишни кўриб чиқаётган шаръий маҳкамани ҳурмат қилмаётгани етмагандек, бундан ҳам ёмон қилмишга қўл урган кўринади. У ёлғон ва туҳмат уруғларини сочиш билан бутун Селангор штатидаги масжидлар минбарларини оёқ ости қилди, ҳурматини топтади. Ҳизб ут-Таҳрир амалда мазкур фатвога эътирознома ва жавобларни ҳам расман чиқарган эди. Бироқ Селангордаги диний ҳокимиятдан ҳалигача бунга жавоб йўқ. Бунинг ўрнига, Исломда ҳаром саналиши ҳаммага маълум бўлган ёлғон ва туҳматлар қилишда давом этмоқда.

Эй Селангор диний ҳокимиятидагилар!

Майли, ёлғон ва туҳмат эшикларининг барчасидан кириб, бор кучингиз билан иғво тарқатаверинг. Биз Ҳизб ут-Таҳрир-Малайзия аъзолари сизни Аллоҳга топшириб қўймоқчимиз, чунки қаҳр қилувчи, ҳар бир ишга қодир ёлғиз Унинг Ўзидир. Аммо вақт кеч бўлиб, пушаймон фойда бермай қолишидан олдин ҳидоятланиб қоларсиз, деган умидда сизга насиҳат қилишда ҳам давом этамиз. Чунки қалби мараз кимса ҳалок бўлади, насиҳатга қулоқ тутган киши эса албатта ҳидоят топади.

Муҳтарам имом-хатиблар!

Хутбани одамлар олдида ўқиб беришдан олдин унинг матни қандай маънода эканини яхшилаб текшириб кўрмоғингиз лозим. Акс ҳолда, минбарлар каби муқаддас даргоҳларни Аллоҳ Субҳанаҳуни дарғазаб қилувчи ёлғонлар маконига айлантириб қўясиз. Агар сизда Ҳизб ут-Таҳрир ҳақида маълумот етишмаган бўлса, Аллоҳдан бу қилмишингизни билмасдан қилинган қилмишлар қаторига қўшишини сўраймиз. Агар Ҳизбнинг Селангор диний ҳокимияти иддио қилганидек адашган жамоа эмаслигини билган бўлсангиз, у ҳолда, ҳақиқатни айтишга – ҳатто бу сизга қимматга тушса ҳам – ўзингизда журъат топинг. Ахир, Росулуллоҳ САВ

«قُلِ الْحَقَّ وَإِنْ كَانَ مُرًّا»

«Гарчи аччиқ бўлса ҳам ҳақиқатни гапир», деганлар. (Байҳақий ривояти). Чунки сиз уламолар ёлғиз Аллоҳ ризоси учун маъруза қилувчи кишиларсиз, анавиларни рози қилиш учун ёки улардан қўрққанингиз учун маъруза қиладиган кимсалар эмассиз. Ҳизб ут-Таҳрир тўғрисида ҳақиқатни гапиринг, билмаган бўлсангиз, уни ўрганинг. Аслида, туҳмат қилувчининг ҳам, туҳматга қолганнинг ҳам ким экани кундек аён.

Абдулҳаким Усмон

Ҳизб ут-Таҳрирнинг Малайзиядаги

матбуот бўлими раиси

Телефон: 03-89201614

Электрон почта: htm@mykhilafah.com

Веб саҳифа: www.mykhilafah.com

Адрес: Khilafah Centre, 47-1, Jalan 7/7A,

Seksyen 7, 43650 Bandar Baru Bangi, Selangor

0

0