Шариат билан бошқаришни орзу қилиш ҳам тоғутларни қўрқувга солмоқда!
بسم الله الرحمن الرحيم
Матбуот баёноти
Шариат билан бошқаришни орзу қилиш ҳам тоғутларни қўрқувга солмоқда!
Озодлик радиоси 2022 йил 25 январда “Ўзбекистонда Ислом давлатини орзу қилаётганлар кўпайдими?” – деган савол билан “Дин ва жамият” мавзусини олиб борди. Суҳбатда Ўзбекистон президентининг жамоат ва диний ташкилотлар билан ҳамкорлик масалалари бўйича маслаҳатчиси Шоазим Миноваровнинг “Шариат билан бошқариладиган ислом давлатини орзу қилаётганларга расмий муносабати”ни назарда тутди. Бу ҳақда 24 январда rost24.uz сайти эълон қилди.
Маслаҳатчининг қисқагина баёнотида Ислом давлатини орзу қилаётганлар қатлами қанчалик қалинлиги ҳақида ҳеч нарса дейилмаган. Лекин Миноваровнинг баёноти мана бу сўзлар билан якунланган: “Юртимиздаги тинчликни асрайлик!”
Мавзу давомида муҳбир суҳбатдошига:
– Наҳотки ислом давлатини орзу қиладиганлар сони ва сифати юрт тинчлигига раҳна соладиган даражага етган бўлса? – дея мурожаат қилди.
“Дин ва жамият” мавзуидаги суҳбатни озодлик мухбири Сарвар Усмон сиёсатшунос Камолиддин Раббимов билан ўтказди. Ушбу суҳбат замирида ҳам гўё Ислом давлатини орзу қиладиганлар сонининг кўпайиши тинчликка раҳна солувчи омил, дея зимдан эътироф этилди.
Марказий Осиё, хусусан Ўзбекистондаги қайсидир мусулмон киши “муаммоларнинг қаноатли ечимлари фақат Шариат татбиқ этилсагина бўлади” деса дарҳол: сиз Афғонистондаги, Суриядаги, Ироқдаги аҳволни кўрмаяпсизми? Наҳотки, шундай тинчлик ва фаровонлигимизни вайроналарга алмаштиришни истасангиз?! – деган жавобни расмийлардан эшитамиз. Чунки зулм, зўравонлик, бузуқликнинг барча тури мужассам Ғарб ҳамиша поклик, ҳалоллик, адолат, тинчлик ва барча эзгуликнинг асоси бўлган Ислом Давлатини қолоқлик, бузғунчилик, вайронагарчилик, тинчликка раҳна солувчи асос, дея уқтириб келади. Ва бунга мисол сифатида ўзларининг армиялари томонидан аёвсиз бомбаланиб, вайрон этилган юртларни, шаҳарларни ва ёшу қариларнинг бурдаланган жасадларини кўрсатиб келади. Америка қирғинларидан ва террорларидан Ироқ, Сурия, Афғон юртларидаги гўдакларимиз кўзларидан оққан ёшлар ҳали қуримай туриб, ўша вайроналар сабабчилари дея яна ўша мусулмонларни кўрсатишади. Русларнинг қатлу қирғинларидан кўтарилган оналар фарёди, “исроил”нинг босқинчилигидан оқаётган қонлар дарёси, худосиз хитойлар қатли ва терроридан инграётган уйғурлар. Бу қонли рўйхатни узоқ давом эттириш мумкин. Бундай ваҳшийликларни амалга ошираётган бу мустамлакачи қотиллар ва уларнинг югурдаклари тоғут раҳбарлар мана шариат билан яшашнинг оқибати, дея жар солишади. Ваҳоланки, тинчликнинг асл кушандалари уларнинг ўзлари эмасми ахир?! Бу вайроналар ижодкорлари ўшалар эмасми?! Ахир, ўша Америка ва Россия эмасми қирғинбарот қуролларини мусулмонлар юртларида синовдан ўтказиб, ким ўзарга мусобақа қилаётганлар?! Қозоғу ўзбекни қатлиом қилишга бошчилик қилган қотиллар уларнинг ўзлари эмасми ахир?! Шубҳасиз, аср қотиллари, террорчилари, бузғунчилари мана шу мустамлакачилар ва уларга малай тоғутларнинг ўзларидир!
Тоғутлар Ислом Давлатини орзу қилишнинг ўзидан ҳам қўрқишмоқда. Бундай бўлиши табиий. Чунки Ислом Давлати тикланса, бу золимларнинг куни битади.
Азизликка чақираётган Уммат ўғлонлари тинчликка асло раҳна солувчи эмас. Аксинча, Ислом шариатига қайтиш орзусида эканликларининг ўзи ҳам оламга, бутун инсониятга рўшнолик тилашларидир. Биз Ислом шариатини орзу қилсак, анави мустамлакачи қотиллар вайрон қилаётган юртларга эмас, балки Росулуллоҳ ﷺнинг сийратига қаранг деймиз! Умар розияллоҳу анҳунинг адолатига қаранг деймиз! Ҳорун ар-Рашид, Салоҳиддин, Умар ибн Абдулазизлар даврига қаранг деймиз! Анави мустамлакачилар тузиб берган қонунларга эмас, Қуръон ва Суннатга қаранг деб хитоб қиламиз!
Тоғутлар Ислом Давлатини ва шариат билан яшашни хунук кўрсатишга қанчалик уринишмасин, ойни этак билан ёпа олишмайди! Бу золимлар Ислом Давлатининг кириб келишини лоақал кечиктириш учун қанчалик уринишмасин, қанчалар ҳаракат ва маблағлар сарфлашмасин, бу мақсадларига эриша олишмайди.
– “Албатта, кофир бўлган кимсалар мол-дунёларини Аллоҳнинг йўлидан тўсиш учун ишлатурлар. Бас, уни сарфлайдилар-у, сўнгра ўша (моллари) ўзларига ҳасрат бўлур, сўнгра мағлуб бўлурлар. Кофир бўлган кимсалар Аллоҳ нопокни покдан (кофирни мўминдан) ажратиши ва нопок кимсаларнинг ҳаммаларини устма-уст тахлаб, жаҳаннамга солиши учун тўпланурлар”. (Анфол:36)
Ҳизб ут-Таҳрирнинг Ўзбекистондаги матбуот бўлими
30.01.2022й
