Шариатни ўз хоҳишимизга мослашга ҳаракат қилмайлик

بِسْمِ اللهِ الرَّحْمٰنِ الرَّحِيم

Шундай нарсалар борки, булар борасида инсонлар наздида айб эмас, деган тушунчанинг ўрнашиб қолиши қўрқинчлидир. Бундай нарсаларга мисоллар етарлича топилади. Муҳими сиз бу нарсаларни англай олишингизда, холос. Мисол учун, жинсий алоқаларни олайлик. Авваллари эр ва хотин муносабатлари, дея тушуниладиган алоқанинг бугунга келиб турлари кўпайиб кетди. Албатта бундай ишларнинг кўпайганлиги оммавий равишда бу ишга нисбатан бузуқлик тушунчаси йўқолиб, оддий ишга айланиб қолди, дегани эмас. Чунки ўзларининг қонунлари билан рухсат бериб қўйган давлатларда ҳам бундай ишга нисбатан жирканиб ёки ғазабланиб қарайдиган инсонлар етарлича топилади. Агар бу ишга нисбатан бундай қараш барча инсонда йўқолиб қолса нима бўлади, тасаввур қила оласизми? 

Бу биргина мисол эди. Бундай нарсалар атрофимизда ҳам етарлича. Мисол учун, кредит, яъни фоизга қарз олиш. Бунинг номи рибо, судхўрлик. Бизнинг атрофимиздаги кўплаб инсонлар учун бу иш оддий ҳолга айланди. Шаръий жиҳатдан қараганда ҳаромлиги борасида бу ишни юқоридаги ишдан фарқи йўқ. Чунки иккаласи ҳам Аллоҳнинг чегарасини бузиб ўтишдир. Ваҳоланки, бундай бузиб ўтишлар ҳам кўпайиб кетди.

Шунинг учун ўйлаб кўрайлик, нега биз шариатни назарга илмай қўйдик? Балки бу савол ким учундир ўта қўполдек кўринар, лекин воқелик шуни кўрсатиб турганидан кейин ўзи қўпол нарсани мулойимлаштиришга не ҳожат. Шу кунгача “мулойимлаштирмоқчи”, “енгиллаштирмоқчи” бўлганлар ўз ишларини қилиб келишди. Воқелик аксини кўрсатса-да, аянчли ҳаётимиз бўйича мақтовлар ҳам янгради.

Шариат бу Аллоҳники. Яратувчини танишимиз, шариат У Зотники эканлигини тушуна олишимиз шариат чегарасини бузиш томон яқинлашмаслигимизга сабаб бўлади. Агар буларни тушунмасак, бузуқлик сари қадам ташлайверамиз. Хоҳишимизни устун қўйиб, шариатни истаганимизча талқин қилиб яшайверсак, унда ҳаётимиз қанчалик ботқоққа ботиб кетишини тасаввур қила оламизми? Шариат Аллоҳники, биз эса, Аллоҳнинг бандаларимиз, Исломга иймон келтирган эканмиз, Ислом билан яшашдан бошқа тўғри йўл йўқ эканлигини тушунишимиз шарт.

Ҳизб ут-Таҳрирнинг Ўзбекистондаги медиа офиси. Абдуллоҳ  

01.03.2020й