Шавкат Мирзиёев қабул қилган ЕХҲТ қандай ташкилот?

بسم الله الرحمن الرحيم

Хабар: Ўзбекистон Республикаси Президенти Шавкат Мирзиёев 3 июнь куни тонгда, Урганч шаҳрига жўнаб кетишдан аввал Европада хавфсизлик ва ҳамкорлик ташкилотининг амалдаги раиси, Польша ташқи ишлар вазири Збигнев Рауни қабул қилди. Ўзбекистон ва ЕХҲТ ўртасидаги кўп қиррали ҳамкорликни янада ривожлантириш, Ўзбекистон-Польша муносабатларини кенгайтириш масалалари ҳамда долзарб халқаро кун тартиби кўриб чиқилди.

Давлатимиз ва ушбу нуфузли халқаро тузилманинг барча институтлари ўртасидаги амалий ҳамкорликни кучайтириш, демократик янгиланишларни, шу жумладан конституциявий ислоҳотни экспертлик жиҳатдан қўллаб-қувватлашни кенгайтириш, ташкилотнинг Парламент ассамблеяси доирасидаги ҳамкорликни мустаҳкамлаш устувор аҳамиятга эга экани қайд этилди. Жаноб Збигнев Раунинг Ўзбекистонга ташрифи якунлари бўйича қўшма “йўл харитаси”ни қабул қилишга келишиб олинди. (Президент матбуот хизмати)

Изоҳ: Маълумки, Европада хавфсизлик ва ҳамкорлик ташкилоти Ўзбекистон дохил минтақа давлатларини бир-биридан ажратиб турган сунъий чегараларни мустаҳкамлашга, терроризмга қарши курашга, наркотик моддаларнинг ноқонуний айланишини олдини олишга ва демократик ўзгаришларни ривожлантиришга ҳомийлик қилиб келади. Бу ташкилот раҳбарининг Украинада давом этаётган Россия босқини даврида Ўзбекистонга келиши муҳим аҳамиятга эга. Чунки ЕХҲТ раисининг ташрифи Ўзбекистоннинг юқори мартабали раҳбарлари билан долзарб масалаларга доир муҳим келишувларни муҳокама қилишга имкон беради.

Байден ҳукумати Россияни Украинага олиб киргач, Американинг таъсири остида бўлган халқаро ташкилотлар ва АҚШ давлат департаменти мулозимлари Марказий Осиёга серқатнов бўлиб қолди. ЕХҲТ раҳбарининг ташрифи ҳам шулар жумласидан. Америка ўз расмийлари ва ташкилотлари орқали Ўзбекистон ҳукуматини АҚШ билан инвестициявий, савдо-иқтисодий, транспорт ва логистика соҳаларида фаол ҳамкорлик қилишни таклиф қиляпти. Бундай ташвиқотларнинг натижаси Ўзбекистоннинг Карачи порти орқали транзит юк жўнатмаларининг ортаётганида, АҚШ элчихонасининг кескин фаоллашиб, ўзбек матбуоти оғзидан тушмай қолганида ҳам яққол кўринади. Американинг юқоридаги ҳамкорлик таклифларидан мақсади Ўзбекистон ва минтақа билан алоқаларни чуқурлаштириш ортидан ҳарбий база очишга эришишдир. КХШТга аъзо эмаслиги ва Афғонистон билан боғловчи Термиз-Ҳайратон кўпригига эгалиги жиҳатидан Ўзбекистон Американи диққат марказида турибди. Конларидан олинадиган фойдали қазилмалари, табиий ресурслари ва маҳсулдор ерлари билан хомашё базаси ҳолида қолаётган Марказий Осиёда ҳарбий база очиш Америкага минтақадаги асосий ва муҳим манфаатларда Россияни сиқиб чиқаришда ҳамда Хитой билан Россия ўртасига тўсиқ қўйишга имкон беради.

Идеологиясиз Россиянинг Украина билан овора бўлиши Америка учун олтин фурсат бўлди. Шунинг учун ЕХҲТ каби Америка ташкилотларининг минтақамизга бўзчининг мокисидек серқатнов бўлишига гувоҳ бўляпмиз. Бу ташкилотларнинг Ўзбекистон каби аҳолиси мусулмон бўлган давлатларга бир ёқлама талабларини қўйишига ва уни жорий қилган Американинг дунё етакчиси бўлиб туришига асосий сабаб Америка қаршисида муайян идеологияга эга рақиб давлатнинг йўқлигидир. Бу идеология россияпарастлар орзу қилаётган коммунизм бўлиши мумкин эмас. Чунки бу тузум ичидан парчаланиш билан Америка олдида мағлуб бўлди. Асосийси эса, социализм инсон фитрати-табиатига зиддир. Бу идеология демократия бўлиши ҳам мумкин эмас. Чунки бу мафкура АҚШга бегуноҳ одамларни қирғин қилишда ва дунё бойликларини талон-тарож қилишда қурол вазифасини ўтамоқда. Шунга кўра, демократия ёки ҳуқуқий давлат бошқаруви асосида Американи зулмдан тийиб қўювчи, Ислом юртларига бурун суқишини олдини олувчи рақиб давлатни барпо қилиш имконсизлиги ойдинлашади. Чунки демократик меъёрлар давлатларни катта жиноятчи бўлган Америка билан муроса қилишга, сўнг унга яқин бўлишга мажбурлайди.

Жамики муаммоларга ўзига хос ечим берадиган ва давлатни кучайиб боришига манба бўладиган идеология бу Исломдир. Чунки Ислом идеологиясининг самараси – гарчи унга тўлиқ амал қилинмаган бўлса ҳам – афғонистонликларнинг Америка ва НАТО кучларига енгилмаганида яққол кўринди. Ваҳоланки, бу ўлка, учинчи дунё давлатлари тоифасига кирувчи Ўрта Осиё давлатларидан ҳам тамаддун (цивилизация) ва маданий жиҳатдан ортда қолишган. Шуларга қарамай, Америка бошчилигидаги уюшган давлатларнинг замонавий кучли армияларини шармандаларча мағлуб бўлиб қочишига эришишди. Бу албатта жафокаш афғон халқининг Аллоҳга бўлган ишончининг самарасидир. Агар Толибон Исломга тўлиқ амал қилиши натижасида минтақавий давлат бўлишдан воз кечиб, оламий давлат бўлишга қадам ташласа, бутун дунёнинг қонини ичаётган капиталистик ўлчов меъёрларни илдизи билан қўпориб ташлайди. Афғон диёрига мустамлакачи Америка НАТО армияси билан келганида, мусулмонлар уларни мағлуб қилиб ҳайдашди. Ўрта Осиёга мустамлакачи Америка сиёсий, иқтисодий лойиҳалари билан келар экан, халқимизнинг фаоллари Россиянинг ЕОИИга аъзо бўлишнинг хатарлари ҳақида бонг уриб, бу ишнинг олдини олишга ҳаракат қилаётганлари каби Америка элчихонасининг сиёсий ташвиқотларига ва ташкилотларининг демократия тарғиботларига қарши фикрий, сиёсий курашга омма эътиборини тортишлари лозим. Шунингдек, Исломга ва сиёсий ишларга нисбатан бефарқлик Россия таъсири остидан чиқиш баҳонаси билан янги мустамлакачига тобе бўлишга олиб келиши ҳақида жамоатчилик фикрини шакллантиришга муносиб ҳиссаларини қўшишлари керак. Зеро, бизнинг мусулмон халқимизни қолоқлик ва хорликдан на Россия, на Америка ва на Хитой қутқара олади. Бунинг ягона йўли Исломни татбиқ қилишдир.

وَأَنَّ هَـذَا صِرَاطِي مُسْتَقِيمًا فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ

– “Албатта мана шу менинг тўғри йўлимдир. Бас, унга эргашинглар! (Бошқа) йўлларга эргашмангизки, улар сизларни Унинг йўлидан узиб қўяр. Шояд тақво қилсангизлар, деб (Аллоҳ) сизларни мана шу нарсаларга буюрди”. (Анъом:153)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

09.06.2022й