بِسْمِ اللهِ الرَّحْمنِ الرَّحِيمِ

Матбуот баёноти

Шаввол ойини кўришга доир тортишув

Бажва-Навоз режими залолатга асосланган режим бўлгани учун ҳайит борасида мусулмонларни адаштирмоқда

Покистон шимолидаги жуда кўп минтақаларда шаввол ойини кўрганлар гувоҳлигига қарамасдан, Бажва-Навоз режими уларни таҳқирлаб, рад этди ва маҳаллий гувоҳларни далил сифатида тақдим этган ўнлаб уламоларга турли услублар билан таҳдид қилди. Давлатнинг диний ишлар ва динлар ўртасини мувофиқлаштириш бўйича вазири Пирмуҳаммад Амин Ҳасанотшоҳ «маълум гуруҳ ойни кўриш масаласини эгоистик шахсий масалага айлантириб олди», деган иддиони қилди. Аслида, масалани эгоистик шахсий масалага айлантириб олган шу режимнинг ўзидир. Чунки у Исломни давлат ва дастур сифатида татбиқ этмаяпти ва бу барчага кундек маълум.

Росулуллоҳ САВнинг қарорлари бўйича, битта шаҳардаги мусулмонларнинг ойни кўришлари, бошқа юртлардаги мусулмонлар учун ҳам унга амал қилиш мажбуриятини юклайди. Чунки мусулмонлар битта Умматдир, давлатлари ҳам битта. Бир жамоа ансорийлар бундай ривоят қилганлар: «Бизга ҳаво булут бўлиб, шаввол ойини кўролмадик ва тонгни рўза тутиб қаршиладик. Аммо ўша куни кечга яқин бир карвон келиб, кеча ойни кўрганларига Росулуллоҳ САВ олдиларида гувоҳлик беришди. Шунда ул зот ўша куни рўзаларини очишларини, эртага ҳайитга чиқишларини амр қилдилар». Ушбу ривоят бўйича, Росулуллоҳ САВ бошқа минтақадан Мадинаи Мунавварага келган мусулмонлар гувоҳлигини барча мусулмонлар учун мажбурий равишда рўзаларини бузишга кифоя қилишини айтдилар.

Кейин, агар бу ҳукмдорлар ростдан ҳам Исломга эътиборли ҳукмдор бўлганларида эди, мусулмонларни рўзаларини бузишга буюриб, якшанба кунни биринчи ҳайит куни, деб эълон қилишган бўларди. Бироқ бунинг ўрнига, Бажва-Навоз режими мусулмонларни адаштириб, ҳилол расман текширилди, дея душанба кунни ҳайит, деб эълон қилди!

Ҳизб ут-Таҳрир-Покистон вилояти бундай режимга шуни таъкидлайдики, режим аҳмоқлик ботқоғига ўзини ўзи ботирди, чунки унинг Исломга нисбатан қилган бундай жиноятини жуда кўпчилик кўриб турибди. Шунингдек, Ҳизб Покистондаги холис софдил мусулмонларга шуни эслатадики, Исломга қайғурувчи ҳукмдорлар осмондан тушиб қолмайдилар. Балки Пайғамбарлик минҳожи асосидаги рошид Халифаликни барпо этиш учун мусулмонларнинг ўзлари қаттиқ ҳаракат қилмоқлари шарт. Қачон ушбу рошид Халифалик барпо этилсагина, мусулмонлар ҳақиқий ҳайит билан шодланадилар, ҳаётларининг ҳар бир куни ҳайитга айланади. Негаки, улар ҳар бир қонунда Аллоҳ Субҳанаҳу ва Таолони ризоси устувор қилинган бир давлат соясида яшайдилар.

وَيَوْمَئِذٍ يَفْرَحُ الْمُؤْمِنُونَ* بِنَصْرِ اللَّهِ يَنصُرُ مَن يَشَاءُ وَهُوَ الْعَزِيزُ الرَّحِيمُ

«Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишиларига нусрат берур. У қудрат ва раҳм-шафқат эгасидир» [Рум 4-5]

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com