Сохта террор сюжетидаги ягона портлаш унинг ёлғон эканини фош этди
Матбуот баёноти
Сохта террор сюжетидаги ягона портлаш унинг ёлғон эканини фош этди
Австралия Федерал полицияси сўнгги пайтларда антисемитистик воқеалар эканлиги иддио қилинган ҳодисаларнинг бутунлай хориждаги жиноий ташкилотлар томонидан уйдирилганлигини кўрсатувчи ғалати маълумотларни ошкор қилди.
Дуралда портловчи моддалар билан тўла микроавтобус топилди. Аммо ажабланарлиси шундаки, аксилтеррор полицияси бир неча соат ичида бундан «оммавий қурбонларга олиб келадиган» кенг кўламли ҳужум кўзланганлиги тўғрисидаги фикрни рад этди.
Аммо бу ҳақиқат штат ва федерал сиёсатчиларни ҳамда тегишли вакиллик ташкилотларини баланд овозда Австралияда антисемитизм кучайиб бораётганини даъво қилишдан ҳамда тезроқ нафрат уйғотувчи нутқларга қарши курашишга ва жабрланган жамоаларга кўпроқ молиявий ёрдам кўрсатишга қаратилган кенг қамровли қонунларни қабул қилишга чақиришдан тўхтатмади.
Энг муҳими, Фаластинни қўллаб-қувватловчи овозлар айни жараёнда жуда ёмон даражада обрўсизлантирилди. Яъни Геноцидни қўллаб-қувватловчилар мухолафатдаги геноцидга қаршилар овозини ўчириш учун бўрттирилган қурбонлик тасвиридан фойдаланишга ҳаракат қилишди.
Бугунги кунга қадар кўплаб масалаларга ойдинлик киритилган бўлса-да, ҳали жавобсиз қолган жуда кўп ўта муҳим масалалар мавжуд. Бу тўғрида қуйидаги жиддий саволларни ўртага ташлаш лозим:
1 – Полиция бу ҳодисалар ҳақида аниқ нималарни билган ва бу фактлардан қачон хабардор бўлган?
2 – Полиция айни текширувлар тўғрисида кимларни хабардор этган, улар билан учрашувлар қачон бўлган?
3 – Штат ва федерал сиёсатчилар жамиятдаги тартибсизликлардан ўзларининг сиёсий мақсадларида фойдаланиш учун ҳуқуқни муҳофаза қилиш органларининг тергов натижаларидан кўз юмган бўлиши мумкинми?
4 – Тегишли вакиллик органлари полиция томонидан олиб борилган тергов-суриштирувлар ҳақида мунтазам равишда хабардор этилганми ҳамда жамоатчиликка берган баёнотлари воқеалар бўйича фактларга қанчалик мос келади?
5 – ASIO (Австралия хавфсизлик разведка хизмати) директори Майк Бёржесс «дўст давлатлар»нинг жамиятдаги кескинликдан фойдаланишга интилаётганидан энг камида 2024 йилдан бери огоҳлантириб келади. Шундай экан, сўнгги натижалар нуқтаи назаридан, айни давлатлар воқеаларда бирор бир рол ўйнаганми?
Тергов-суриштирувлар натижаларнинг жиддийлигини инобатга олиб, жамоатчилик жавобгарлигидан келиб чиққан ҳолда, ушбу ва бошқа саволлар ҳар томонлама ва тезкор текширувлар билан ўрганиб чиқилиши шарт.
Ҳизб ут-Таҳрирнинг Австралиядаги матбуот бўлими
