بسم الله الرحمن الرحيم

Роя газетаси:

Ҳизб ут-Таҳрир-Сурия вилояти ўзининг «Суқури Шом» қўлида қолаётган аъзоларини озод этилиши талаби билан намойиш ўтказди

Ҳизб ут-Таҳрир-Сурия вилояти ўзининг «Суқури Шом» қўлида қолаётган аъзоларининг озод этилиши талаби билан Идлибнинг Ариҳа шаҳрида намойиш ўтказди. Маълумки, «Суқури Шом» гуруҳи Ҳизбнинг мажбуран Ғутадан кўчиб келган бир неча аъзосини ҳибсда ушлаб турибди. Намойиш қатнашчилари айни гуруҳ етакчилари ва аъзоларига қарата «Эй шайх Абу Мусо, сенларнинг вазифанг Ғутани топширганларни ўз гуруҳингга қўшиш эмас, балки улардан ҳисоб талаб қилишдир» каби сўзлар ёзилган плакатларни кўтариб чиқишди. Ҳисоб талаб қилиш, деганда мажбуран Ғутадан кўчириб юборилган ҳибсдаги Ҳизб аъзолари ҳақида иғво тарқатаётган айни гуруҳ аъзоларига ишора қилинди. Бошқа бир плакатда бўҳтон ва зулм остида қамоқда қолаётган Ҳизб аъзоларига ишора қилиниб, «Етакчиларингиз Ғута йигитларини қамоққа олиб, Балута қамоғига тиқишяпти, шунга қараб турасизми, наҳотки орангизда яхши инсонлар бўлмаса?!», деб ёзилган. Яна бир плакатда эса, бундай зулмнинг қиёматдаги ёмон оқибатидан огоҳлантирилган.

Ҳизб ут-Таҳрир – Сурия вилояти матбуот бўлими томонидан «Ҳизб ут-Таҳрирнинг Ариҳа шаҳрига кўчирилган йигитлари ўғирлаб кетилди» сарлавҳали матбуот баёноти чиқарилди ва жума куни бутун озод этилган минтақаларда кенг тарқатилди. Варақада «Суқури Шом» гуруҳи хавфсизлик бўлимидаги ниқобли кимсаларнинг Ғутадан кўчириб юборилган Ҳизб аъзоларини ҳибсга олаётганлари, уйларига бостириб кириб, хонадон дахлсизлигига заррача риоя қилмаган ҳолда аёллар ва гўдакларни қўрқитаётганлари қораланди. Баёнотда Шом аҳлидан бу каби гуруҳларнинг золим етакчиларини тийиб қўйиш ва душман қўзғолонни ўғирлаб олмасидан аввал тўғри йўлга йўллаш талаб қилинди. Баёнотда бу гуруҳнинг хавфсизлик ходимлари ўн беш кундан бери Ҳизбнинг тўрт нафар йигитини Идлибнинг Ариҳа шаҳрида ҳибсда сақлаб келаётгани, улардан уч нафари мажбуран Ғутадан кўчиб келгани, бир нафари ариҳалик эканлиги таъкидланди. Кейинчалик улардан икки нафари озод қилинди, мажбуран Ғутадан кўчиб келган қолган икки нафари шу кунгача ҳибсда қолмоқда.

Роя газетасининг 2018 йил 2 май чоршанба кунги 180-сонидан