«Судан аҳлига мурожаат: Дарфурни қутқаринг, жанубга эргашиб кетмасин» номли нутқи
Матбуот баёноти
Ҳизб ут-Таҳрир – Судан вилояти расмий нотиғининг ҳижрий 1447 йил 22 Сафар, милодий 2025 йил 16 август, шанба куни ўтказилган матбуот анжуманидаги «Судан аҳлига мурожаат: Дарфурни қутқаринг, жанубга эргашиб кетмасин» номли нутқи
2025 йил 26 июл, шанба куни Тезкор қўллаб-қувватлаш кучлари амалдаги Судан ҳукуматига муқобил равишда параллел ҳукумат тузилганини эълон қилди. Мазкур эълон Жанубий Дарфур пойтахти Ньяла шаҳрида янгради. Бу қадам Тезкор қўллаб-қувватлаш кучлари томонидан Дарфур минтақасини ажратиш йўлида ташланган навбатдаги кескин ҳаракат сифатида қайд этилди. Фашир шаҳрининг айрим қисмларидан ташқари, бутун Дарфур Тезкор қўллаб-қувватлаш кучлари назоратида. Фашир эса бир йилдан ортиқ вақтдан бери қаттиқ қамал остида бўлиб, уни тўлиқ эгаллаш мақсадида кетма-кет ҳужумлар уюштирилмоқда. Бу ҳаракатлар натижасида бутун Дарфур минтақасини уларнинг тўлиқ назоратига ўтказиш кўзланган.
Эй Судан аҳли!
Америка Дарфурни ажратиш сценарийсини анча йиллар олдин бошлаган эди. Жанубий Судан масаласини ҳам қўлида маҳкам ушлаб, уни шимолдан ажралиб чиқишгача етаклади. Бугун ҳам, худди жанубни бўлишда ишлатилган ўша усул ва сценарийлар орқали Дарфурни ҳам ажратишга уринмоқда. Америка бу ишга 2011 йил 14 июлда «тинчлик келишуви» деб аталган ҳужжатни имзолаш билан амалий равишда киришди. Унга кўра, Дарфурга кенг қамровли автономия ҳуқуқи берилди. Аммо бу автоном бошқарув масаласи аслида парчаланиш йўлидаги ҳақиқий бошланиш нуқтаси бўлиб келган. Гарчи бу келишувнинг бош меъмори Америка бўлса-да, уни охирги босқич деб ҳисобламади. Чунки ўша пайтда Америка давлат департаменти матбуот котиби Марк Тонер келишув имзоланганидан сўнг «Бу келишув Дарфурдаги кризисга барқарор ечим топиш сари ташланган қадамдир», дея баёнот берган эди.
Жанубий Суданни ажратиб ташлаган ҳам, бугун Суданнинг қолган қисмларини парчалашга уринaётган ҳам Америка эканини тасдиқловчи яна бир далил Умар Баширнинг 2017 йил 25 ноябрда Россиянинг «Спутник» телеканалига берган интервьюсидир. Ўшанда у бундай деган эди: «Дарфур ва Жанубий Судан масалалари ортида Америка турибди. Унинг босими остида Жанубий Судан ажралиб чиқди». У, шунингдек, қўшимча қилиб «Бизда Американинг уриниши Суданни беш давлатга бўлиб ташлашга қаратилгани ҳақида маълумотлар мавжуд», деган эди. Шунинг ўзиёқ Америка Жанубий Суданни ажратиб ташлаганини ва эндиликда Дарфурни ажратишга уринаётганини очиқ-ойдин тасдиқлайди. Агар (Аллоҳ асрасин!) Америка бу режасини амалга оширса, Суданнинг қолган минтақаларини ҳам бирин-кетин парчалаб ташлайди. Шу тариқа, аввал Жанубни 2 миллион аҳлингизнинг қони эвазига ажратиб ташлаганидек, ҳозир эса Дарфурни юз минглаб фарзандларингиз қони эвазига парчалашга уринаётганидек, сиз ва фарзандларингизнинг қони эвазига юртингизда бешта давлатнинг чегарасини чизади. Шундай экан, бу разил режани барбод қилиш, хиёнатчи ва мунофиқларни бартараф этиш ҳамда ҳаётингизнинг йўналишини тўғрилаш учун қўзғалинглар!
Эй Судан аҳли!
Албатта, мўмин бармоғини бир тешикдан икки марта чақтирмайди. Биз эса Америка тузоғига илиниб, Жанубий Суданнинг ажралишида бармоғимизни бир марта чақтирдик. Наҳотки, унинг Дарфурни ҳам ажратиб олишига йўл қўйсак?! Бухорий ва Муслим Абу Ҳурайра розияллоҳу анҳудан ривоят қилишган. Росулуллоҳ ﷺ бундай деганлар:
«لَا يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»
«Мўмин (бир тешикдан) икки марта чақтирмайди».
Ҳар қандай давлат ўз чегараларининг парчаланишига йўл қўймайди. Чунки бирликда қудрат, парокандаликда эса ожизлик ва хорлик мавжуд. Энди тасаввур қилинг, агар Ислом Уммати ўз бирлиги ва вужудий яхлитлигини тақдирий масала сифатида белгилаган бўлса, унга нисбатан ҳаёт-мамот масаласи сифатида чора кўрилиши шарт эмасми?! Арфaжа ривоят қилади: Мен Росулуллоҳ ﷺ шундай деганларини эшитдим:
«مَنْ أَتَاكُمْ وَأَمْرُكُمْ جَـمِيعٌ عَلَى رَجُلٍ واحِدٍ، يُرِيدُ أَنْ يَشُقَّ عَصَاكُمْ، أَوْ يُفَرِّقَ جَـمَاعَتَكُمْ، فَاقْتُلُوهُ»
«Кимда-ким бошқарувингиз битта раҳбар қўлида турган пайтда келиб, сафингизни бузмоқчи ёки жамоатингизни бўлмоқчи бўлса, уни ўлдиринглар».
Эй мусулмонлар!
Қандай қилиб юртингизни парчалашларига сукут сақлаб турибсиз, нега қўзғалмаяпсиз?! Нега юртингизнинг бирлигини – Пайғамбарингиз ﷺ амр қилганларидек – ўз тақдирий масалангизга айлантирмаяпсиз?! Сиз кимга итоат қилишингиз керак, кофир мустамлакачи Америкагами ёки ҳабибингиз Муҳаммад Мустафо ﷺгами?! Аллоҳ Азза ва Жалла бундай деган:
﴿وَمَآ ءَاتَىٰكُمُ ٱلرَّسُولُ فَخُذُوهُ وَمَا نَهَىٰكُمۡ عَنۡهُ فَٱنتَهُواْ﴾
«Пайғамбар ўзи сизларга ато этган нарсани олинглар, у зот сизларни қайтарган нарсадан қайтинглар!» [Ҳашр 7]
Яна бундай деган:
﴿وَأَطِيعُواْ ٱللَّهَ وَأَطِيعُواْ ٱلرَّسُولَ وَٱحۡذَرُواْۚ فَإِن تَوَلَّيۡتُمۡ فَٱعۡلَمُوٓاْ أَنَّمَا عَلَىٰ رَسُولِنَا ٱلۡبَلَٰغُ ٱلۡمُبِينُ﴾
«Аллоҳга итоат қилингиз, пайғамбарга бўйсунингиз ва (ҳаромдан) эҳтиёт бўлингиз! Агар (итоатдан) бош тортсангиз, билингизки, пайғамбаримиз зиммасида фақат (бизнинг ҳукмларимизни) очиқ-равшан қилиб етказиш бор, холос» [Моида 92]
Эй оммавий ахборот воситалари вакиллари!
Албатта, юрт парчаланиши хавфидан халқни огоҳлантиришда сизнинг зиммангизда улкан масъулият мавжуд. Шунинг учун қаламларингиз ва ахборот муассасаларингизни маърифат минбарига айлантиринглар. Мустамлакачи кофирларнинг режаларини фош этинглар, шунингдек юртимиз ва бирлигимизга қарши фитналарини амалга оширишда уларга кўмаклашаётган ёрдамчиларини ҳам очиб ташланглар. Зеро, сизларга ҳақиқатни гапириш ва ботилга қарши туриш омонати юкланган. Аллоҳ Таоло шундай деган:
﴿قُلۡ جَآءَ ٱلۡحَقُّ وَمَا يُبۡدِئُ ٱلۡبَٰطِلُ وَمَا يُعِيدُ﴾
«Айтинг: «Ҳақ келди, энди ботил (янги динсизликни қайта) бошлай ҳам олмас, (эски динсизликни) қайтара ҳам олмас» [Сабаъ 49]
Юрт бирлигини асраб қолиш масъулияти сизнинг биринчи навбатдаги вазифангиздир. Чунки сиз етакчилар, раҳбарлар ва халқ бошчилари ҳисобланасиз. Шунинг учун парчалаш ва бўлиб ташлаш лойиҳаларига қарши туриш билан фожиаларнинг олдини олинглар. Мустамлакачи кофирларнинг ёрдамчиларига айланманглар, акс ҳолда улар ўз разил режаларини айнан сизнинг қўлингиз билан амалга оширадилар. Аллоҳ Таоло бундай деган:
﴿وَلَا تَرۡكَنُوٓاْ إِلَى ٱلَّذِينَ ظَلَمُواْ فَتَمَسَّكُمُ ٱلنَّارُ وَمَا لَكُم مِّن دُونِ ٱللَّهِ مِنۡ أَوۡلِيَآءَ ثُمَّ لَا تُنصَرُونَ﴾
«Зулм йўлини тутган кимсаларга берилиб кетманглар (эргашманглар). Акс ҳолда сизларга дўзах ўти етар. Сизлар учун Аллоҳдан ўзга бирон дўст йўқдир. Кейин (яъни золимларга эргашсангиз) сизларга ёрдам берилмас» [Ҳуд 113]
Эй уламолар, эй анбиёлар меросхўрлари!
Сизнинг етакчилар ва ҳукмдорларни ҳақ ва тўғри йўлга йўналтиришдаги масъулиятингиз жуда катта. Шунинг учун уларнинг миниладиган уловига айланманглар, улар истагандек фатволар чиқарманглар. Натижаси қандай бўлишидан қатъи назар, ҳақни айтиб туринглар, сукут сақламанглар. Росулуллоҳ ﷺ бундай деганлар:
«مَنْ كَتَمَ عِلْمًا أَلْجَمَهُ اللَّهُ يَوْمَ الْقِيَامَةِ بِلِجَامٍ مِنْ نَارٍ»
«Ким илмни яширса, Аллоҳ Таоло қиёмат куни уни оловдан ясалган жилов билан юганлайди». Сиз яхши биласизки, Умматнинг бирлиги ва унинг вужуди масаласига нисбатан бефарқлик катта гуноҳ ҳисобланади.
Эй офицер ва аскарлар!
Эй мамлакат бирлигини асраб қолишга қасамёд қилганлар! Қандай қилиб унинг парчаланишига кўз юмиб, йўл қўйишингиз мумкин?! Ахир, Аллоҳ Таоло сизни қилган аҳд-паймонингиз учун сўроққа тутади-ку! Аллоҳ Таоло бундай деган:
﴿وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسُۡٔولٗا﴾
«Аҳдга вафо қилинглар. Зеро, аҳд-паймон (қиёмат куни) масъул бўлинадиган ишдир» [Исро 34]
Дарфурнинг Судандан бўлинишига йўл қўйманглар! Илгари Жанубнинг ажралишида бефарқликка йўл қўйган эдингиз. Бас, энди бу гуноҳни бўйнингиздан даф қилинглар ва Америка режасига қарши улкан тўсиқ бўлинглар. Армияни ҳаракатга келтиринглар ва юртингизни парчалаш режасини батамом барбод этинглар!
Шуни аниқ билингларки, бу қора булутларни ҳайдаш ва мустамлакачи кофирнинг тинмай давом этаётган тил бириктирув заҳрини йўқотиш учун ягона шифобахш восита мавжуд. У ҳам бўлса, ақида ва ҳаёт низоми сифатида Исломга қайтишдир. Аммо Исломга қайтиш Пайғамбарлик минҳожи асосидаги Исломий Халифалик давлатини қайта тикламасдан туриб амалга ошмайди. Ушбу давлатни барпо этиш учун эса Ҳизб ут-Таҳрирга нусрат бериш лозим. Ана шунда Халифалик кофирларнинг илдизини кесади ва мусулмонлар юртларини бирлаштиради.
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡ﴾
«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилар экан, уни қабул қилинглар» [Анфол 24]
Иброҳим Усмон (Абу Халил)
Ҳизб ут-Таҳрирнинг Судан
вилоятидаги расмий нотиғи
