بِسْمِ اللهِ الرَّحْمنِ الرَّحِيمِ 

Матбуот баёноти

Судандаги солиқчи давлат ишсизлик муаммосини ҳаргиз ҳал қилмайди, аксинча айни муаммо сабабчиси унинг ўзидир

Хорижда ишловчи суданликлар масаласи билан шуғулланувчи қўмита бош котиби Каррор Тиҳомий «Бу давлат хорижда ишловчиларга иш топиб беришга жавобгар бўлмаслиги керак», деди. Сўнг «Бу давлат қандайдир хайрия ташкилоти эмас, ишсизлик кўрсаткичи унинг учун ҳеч нарсани англатмайди», дея қўшимча қилди. (Ал-Жарида газетаси 2178-сон, 2017 йил 23 июл).

Судандаги ишсизлик ёшлар ўртасида 34 %ни, битирувчилар ўртасида 48 %ни ташкил қилмоқда. Бу албатта даҳшатли рақам. Сон-саноқсиз фуқароларимизнинг ҳижрат қилишларига ва истеъдодли шахсларимизнинг тугай бошлашига бевосита шу муаммо сабабчи. Анави масъул эса, уни ҳал этиш ўрнига, давлатнинг фуқароларига нисбатан назарияси ҳақида гап сотмоқда. У – давлатнинг фуқароларга Аллоҳ Субҳанаҳу ва Таоло буюрганидек назарда қараши шарт эмас, деб ўйлайди. Айнан мана шундай назарияга эга кимсаларни қиёмат куни Ҳақ Таоло ҳисобга тутади!!

Исломда давлат солиқ йиғувчи эмас, фуқарони бошқарувчи давлатдир. Фуқарони бошқариш, деганда давлат ўз фуқароларини худди ота ўз фарзандларини боққани каби боқади, оч қолган фуқароларни тўйдиради, уй-жойи йўқларга бошпана беради, таълим олиш ва беморлари бўлса даволаниш билан таъминлайди, хавф-хатардан омонликда асрайди, деганидир. Исломда давлатга буюрилган бошқарув ҳақиқати мана шу. Бунга Росулуллоҳ САВнинг

«كُلُّكُمْ رَاعٍ وَمَسْئُولٌ عَنْ رَعِيَّتِهِ فَالإِمَامُ رَاعٍ وَهُوَ مَسْئُولٌ عَنْ رَعِيَّتِهِ»

«Ҳар бирингиз бошқарувчидир ва қўл остингиздагиларга жавобгардир. Имом-халифа ҳам бошқарувчидир ва ўз фуқароси устидан жавобгардир», ушбу сўзлари далилдир. Шунинг учун давлат шаръан барча фуқаронинг ҳар бирига биттама-битта асосий эҳтиёжларини қондиришга кафилдир.

Энди ишсизлик масаласига келсак, шаръан давлатнинг вазифаси, фуқароликка эга ҳар бир шахсга иш топиб беришдан иборат. Бунга юқорида келган «имом-халифа ҳам бошқарувчидир ва ўз фуқароси устидан жавобгардир», деган сўзлари далил. Чунки Набий САВ давлат раҳбари бўлганлар. У киши оила аъзолари йўқ бўлган камбағалларнинг нафақасини давлатга юклаганлар. Бунга ул зотнинг

«مَنْ تَرَكَ مَالاً فَلِوَرَثَتِهِ وَمَنْ تَرَكَ كَلاً فَإِلَيْنَا»

«Ким мол қолдириб кетган бўлса, у меросхўрларига. Ким калола қолдирган бўлса, у бизгадир», деган сўзлари далил. Ҳатто Набий САВдавлат раҳбари сифатида ишлашга қодир кишилар масаласи билан шуғулланиб, уларга иш топиб берганлар. Ибн Можа Анас ибн Моликдан ривоят қиладики, ансорийлардан бир киши Набий САВ олдиларига келиб, сўранди. Росулуллоҳ ундан «Уйингизда бирор нарса борми?», деб сўрадилар. Ҳа, мато бор, баъзисини кийим қилиб киямиз, баъзисини ерга тўшаймиз ва сув ичадиган қадаҳ ҳам бор, деб жавоб берди киши. «Иккаласини менга олиб келинг», дедилар. Уларни олиб келди. Росулуллоҳ уларни қўлларига олиб, «буларни ким олади?», деб сўрадилар. Бир киши «Мен бир дирҳамга оламан», деди. «Ким бир дирҳамга қўшади?», дедилар. Бу сўзни икки ёки уч марта такрорладилар. Бир киши «Мен уларни икки дирҳамга оламан», деди. Росулуллоҳ уларни ўша кишига икки дирҳамга сотдилар ва икки дирҳамни ансорийга бериб, «Бир дирҳамга егулик сотиб олиб, аҳлингизга беринг, қолганига болта сотиб олиб, менга олиб келинг», дедилар. Ансорий шундай қилди. Росулуллоҳ САВ болтани олиб, унга шохдан соп ясадилар, сўнг ансорийга «боринг, ўтин кесиш билан шуғулланинг, сизни ўн беш кун кўрмайин (яъни шу муддат ичида ўтинчилик билан шуғулланинг)», дедилар. Ансорий ўтин кесиб сотиш билан шуғулланди, сўнг ўн дирҳам топиб келди. Росулуллоҳ «бу пулнинг бир қисмига егулик, бир қисмига кийим сотиб олинг», дедилар. Сўнг бундай дедилар: «Мана шу сиз учун олдимга келишдан кўра яхшидир. Чунки сўраниш, қиёмат куни юзингизни шувут қилади, сўраниш фақат жуда қашшоқ бўлиб қолган ёки ортиқча миқдорда қарздор бўлиб қолган ёхуд аламли қон¹ учун дуруст бўлади». Мана шулардан фуқаҳоларимиз ҳукм олганлар. Бу ҳукм давлатга ишсизга иш топиб беришни вожиб қилади. Чунки бу улуғ шариатимизда давлатнинг вазифасидир.

Суданда татбиқ этилаётган тузум, аслида, солиқ йиғувчи тузумдир. Айнан мана шу ҳаром қилинган солиқ ва омадсиз сиёсат жуда кўп қишлоқ хўжалиги лойиҳаларини бекорга чиқарди, биргина пойтахтнинг ўзида уч мингдан зиёд завод-фабрикани ёпиб ташлади, бунинг оқибатида юрт аҳлига қашшоқлик ва ишсизлик олиб келди. Давлатга булар ҳам камлик қилиб, қамчиси билан хорижда ишловчиларни қувғин қилди, бу қамчи хорижда ишловчи суданликлар масаласи билан шуғулланувчи қўмитадир, қўмита эса, шариатимизда ҳаром қилинган солиқ йиғишдан ўзга ташвишни билмайди! Шунинг учун юртдаги ишсизлик, мана шу тузумни татбиқ этишнинг «самара»сидир.

Шариат аҳкомларини қадрлайдиган, кечаю кундузни инсонлар ишларини бошқариш ва ишсизлик муаммосини ҳал этиш билан бедор ўтказадиган давлат, шубҳасиз, Пайғамбарлик минҳожи асосидаги рошид Халифалик давлатидир. Шунинг учун барча мусулмонлар, Роббул оламин аҳкомлари бағрида фаровон яшаш учун ушбу давлатни барпо этишга ҳаракат қилмоқлари лозим.

Аламли қон, дейишдан мурод, қотил хун тўлаши керак. Аммо у қашшоқ бўлиб, хунга яроқли ҳеч нарсаси йўқ бўлади, бу эса хун эгаларига аламли бўлади, ундан хунни талаб қилишади… Ўртада хусумат ва фитна чиқади, бундай ҳолни бартараф қилиш учун ўша қашшоқнинг яқинларидан бирортаси хунни тўлашига ёрдам қилиши керак бўлади, бу Байтулмолдан тўланмайди.

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com