بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Мудом мусулмонлар қарорлари ўз қўлларида эмас экан мустамлакачилик курашларига ўтин бўлиб қолаверадилар

Сулҳ тузилганига қарамай Яманда яна қирғинбарот жанг бошланди

«Адан»-агентлиги: Шанба куни яманлик ҳарбий масъуллар – уч кунлик сулҳга қарамасдан, ўтган куни Саудия билан чегарадош ҳудудларда Яман исёнчилари билан ҳукуматга тарафдор кучлар ўртасида қирғинбарот жанглар бошланганини, бу сулҳ муддати шанба кечқурун тугаши керак бўлганини хабар қилишди.

Яна бир ҳарбий манбанинг қўшимча қилишича, жума куни кечки пайт араб давлатлари коалицияси кучлари Санъо шарқидаги исёнчиларга қарашли ракета базаларини бомбардимон қилишган.

Бу ҳаво ҳужумларнинг бошланишига пайшанба куни исёнчиларнинг Маърабга икки ракета отишлари сабаб бўлди.

Сулҳ вақти чоршанба куни ярим тундан бошланган бўлиб, ундан Яманга инсонпарварлик ёрдамларини киритиш мақсад қилинган эди. Ямандаги уруш минглаб инсонларни ҳалок қилди, миллионлабини қочқинликка ва очарчиликка маҳкум қилди.

БМТнинг Ямандаги вакили Валадишайх Аҳмад чиқарган баёнотда Яманда «доимий тинчлик учун қулай шароит яратиш учун» ўт очишни тўхтатиш вақтини қайта узайтириш мақсадида томонлар билан учрашувлар бўлаётгани айтилган.

Бу ярашув қонуний ҳукуматни қўллаб-қувватлаш учун ўтган йили март ойида коалициянинг аралашуви бошлангандан буён олтинчи ярашув ҳисобланади. (Ахбару Холиж).

Роя газетаси шарҳи:

Уруш қилиш, сулҳ тузиш жиҳод аҳкомларидан ҳисобланади, мусулмонлар бу аҳкомлардан исломий даъват манфаати ва мусулмонлар манфаати тақозосига мувофиқ фойдаланадилар. Аммо исломий юртлардаги уруш бошлаш ва сулҳ тузиш, афсуски, бугун мусулмонларнинг ўзларига қарши ўзларидан фойдаланилган ҳолда олиб борилмоқда, бу уруш ва сулҳларни мустамлакачи Ғарб давлатлари уларнинг ерлари устида ўзаро курашиш билан олиб боришмоқда. То мусулмонлар ўз давлатлари ва халифалари сояси остида ўз қарорларини қўлларига қайтариб олмас эканлар ва мана шу мустамлакачи давлатлар урушу сулҳдан уларга зиён етказишда фойдаланаверар эканлар, бу курашларининг ўтини мусулмонлар бўлиб қолаверадилар.

Роя газетасининг 2016 йил 26 октябр чоршанба кунги 101-сонидан