بِسْمِ اللهِ الرَّحْمٰنِ الرَّحِيمِ

Суратлар ҳам, воқелик ҳам капиталистик система ва жиноятчи капиталистларни башарасини фош этмоқда

Маан ахборот агентлиги (ҳижрий 1440 йил 23 шаввол, милодий 2019 йил 26 июн чоршанба куни) нашр қилган хабарда бундай дейилади:

«Янги олинган фотосуратлар Мексика чегараларидан яхши ҳаёт орзусида АҚШга ўтишга уринаётган, аммо бу орзулари ўрнига чўкиб ўлишни топаётган муҳожирлар фожиаларини кўрсатмоқда. Бу янги суратлар АҚШ-Мексика чегараларидан бири бўлган Рио-Гранде дарёсига чўкиб, сўнг соҳилга чиқиб қолган ота билан қизининг жасадини тасвирга олган.

Сешанба куни «Sky News Arabia» телеканали суратда тасвирланган отанинг сальвадорлик Оскар исмли муҳожир эканини, Валерия исмли қизи атиги 23 ойлик бўлганини маълум қилди. Дарёнинг саёз қисмида отасини қучоқлаган ҳолда қалқиб турган қизалоқ жасадини кўрган киши, иккаласи ҳаётларининг сўнгги лаҳзасини бирга ўтказганларини ҳис қилади».

Роя газетаси шарҳи:

Бу капиталистик система ботил бузуқ бўлишидан ташқари, гина-кудуратли динсиз системадир. Унинг гинаси золим мустамлакачи давлатлар оловида жизғинак бўлаётган фақат мусулмонларгагина чекланмаяпти. Балки унинг олови бутун инсониятни, шу жумладан, ўзларининг заиф-бечораларини ҳам домига тортмоқда. Ҳар куни кети узилмай тарқатилаётган янги-янги фотосуратлар, воқеа-ҳодисалар айни системанинг жиноятчилик ва бузғунчиликларини очиб бермоқда. Чунки капитализм ғайриинсоний системадир. Уни бир сиқим жиноятчилар, халқлар қонини сўриш учун ҳамда камбағал заифҳол кишиларни кучли капиталистларга ем қилиб бериш мақсадида усталик билан ўйлаб топишган. Агар йўқ, бундай мақсадни ўйламаганликларини даъво қилишса, буни воқе ёлғон деб турибди, уларнинг жинояткорлигини ва капиталистик системаларининг бузғунчилигини бутун дунёдаги одамларнинг ночор бахтсиз ҳаётлари фош этяпти. Дунёни адолатсизлик ва зулмга кўмган гинакор капиталистик давлатларнинг олдинги сафида, балки ҳаммасининг тепасида Америка турибди. Шунинг учун ер юзи адолат ва раҳматга бурканган давлатга жуда-жуда муҳтож бўлиб турибди! Башарият капитализм ботқоғидан қутқарувчи Исломнинг буюк шариатига жуда ҳам зор бўлиб қолди!!

Роя газетасининг 2019 йил 3 июл чоршанба кунги 241-сонидан