بِسْـــمِ اللهِ الرَّحْمٰـــنِ الرَّحِيـــم

Матбуот баёноти

Табиий газ омма мулкидир

Ҳукуматнинг табиий газ баҳосини ошириши унинг мусулмонлар ишига мутлақо аҳамият қаратмаслигига далолат қилади

Шайха Ҳасина ҳукумати икки йил ичида иккинчи марта табиий газ баҳосини ошириш тўғрисидаги ўзининг зулмкор режасини эълон қилди. Бу сафар 2017 йил март ойидан эътиборан унинг баҳоси икки босқичда 22 %га кўтариладиган бўлди. Одамлар айни қарор сабабли шундоқ ҳам азият чекаётган бир пайтда, молия вазирининг «Газ баҳосини мамлакатда жуда арзон бўлгани сабабли кўтардик», деган гапи ярага туз сепгандек бўлди! Бу ебтўймас капиталист сиёсатчилар газ халқнинг бойлиги сифатида иш тутишмаяпти. Улар бундай ресурслар борасида халқ раҳбари эмас, балки халққа шерик бўлиб олишган.

Бу капиталистик ҳукуматнинг газ нархини оширишда давом этаётгани, бизга шуни кўрсатмоқдаки, бу ҳукумат одамлар ишларини бошқаришга эътибор бермайди. Газ ва бошқа табиий ресурсларнинг ўғирланишига чек қўйиш учун ҳукуматда сиёсий ирода йўқ. У газ секторидаги ёмон бошқарувни ҳал этишга нисбатан ўзидаги ожизликни яшириш мақсадида ҳамма оғирликни одамлар елкасига юклаб, айни сектордан давлат қўллаб-қувватловини бекор қилмоқда. Ҳукумат бу қўллаб-қувватловни анави номинг ўчгур Халқаро Валюта Фондидан кредитлар олиш учун унинг кўрсатмаларига риоя қилиши натижасида бекор қилди. Зотан, бу режим хонадонлар ва завод-фабрикаларни газ билан таъминлашда омадсизликка юз тутди. Капиталистик демократиянинг асл башараси мана шудир. У одамлар ҳисобига бир сиқим элита манфаатини таъминлайди.

Биз одамларни ушбу кризис ортидаги асл сабабдан, яъни капиталистик ҳукуматнинг умумий мулкдан қандай фойдаланаётганидан кўз юммасликка чақирамиз. Зеро, бу ҳукумат умумий мулк, хусусий мулк ва давлат мулки ўртасини бутлақо ажратмайди. Бунинг акси ўлароқ, Исломдаги иқтисод низомида нефт, газ, кон, денгиз, дарё ва кўм-кўк яйловлар барча инсонлар фойдаланадиган умумий мулк ҳисобланади. Шу билан бирга, бу бойликлар фуқароларга тақсимланишини кафолатлаш учун Байтулмол манбаларидан ҳисобланади. Бироқ биз бугун кўп ишларда бунинг тамоман аксини гувоҳи бўляпмиз. Масалан, давлат фойдани қўлга киритиш учун аксия бозорида «Тайта газ» каби тақсимловчи ширкатларни бошқармоқда. Юртнинг асосий энергетик секторларини хусусий секторлар муассасалари идора қилиб, улкан фойдаларни қўлга киритишаётганини кўриб турибмиз. Пайғамбарлик минҳожи асосидаги Халифалик соясида бундай бўлмайди. Унда умумий мулклар одамлар мулки ҳисобланади, «хусусийлаштириш» номи остида ҳаргиз хусусий мулкка айланмайди. Ибн Аббос G ривоят қиладики, Росулуллоҳ A бундай марҳамат қилдилар:

«النَّاسُ شُرَكَاءُ فِي ثَلاَثٍ: الْمَاءِ وَالْكَلَإِ وَالنَّارِ»

«Одамлар уч нарсада шерикдирлар: сув, ўт-ўлан ва оловда». (Ибн Можа ривояти).

Шунинг учун капиталистик демократиянинг аччиқ самараси бўлган бундай сурункали бахтсизликка буткул чек қўйиш лозим. Одамлар Ислом иқтисод низоми уларга бугунги кризис ўрнига амалий альтернатив тақдим этаётганини англаб етишлари керак. Барчамиз Пайғамбарлик минҳожи асосидаги Халифалик бўлмиш ушбу альтернатив учун жиддий ҳаракат қилмоғимиз лозим.

Ҳизб ут-Таҳрирнинг

Бангладешдаги матбуот бўлими

Телефон: +880 1713008822

Факс: +880 29558854

Электрон почта: Info@khilafat.org

Адрес: H. M. Siddque Mansion, 55/A Purana Paltan,

4th Floor (Next to Grand Azad Hotel), Dhaka 1000