Таълим тизимидаги порахўрлик ва тадбиркорлар устидаги зулмларнинг асл сабабчиси татбиқ қилинаётган тузумдир

بِسْمِ اللهِ الرَّحْمٰنِ الرَّحِيم

Хабар: Самарқанд вилояти Каттақўрғон тумани халқ таълими бўлими мутахассиси тадбиркордан 2000 АҚШ долларини пора сифатида олаётган пайти қўлга олинди.

Бош прокуратура ҳузуридаги Иқтисодий жиноятларга қарши кураш департаменти хабарига кўра, Каттақўрғон тумани халқ таълими бўлими мутахассиси А.Ш. “L.S.” МЧЖ томонидан тумандаги умумий ўрта таълим мактабида амалга оширилган 300 миллион сўмлик жорий таъмирлаш ишлари бажарилгани ҳақидаги далолатномани ХТБ мудирига тасдиқлатиб бериш эвазига 2000 долларини олган вақтида ашёвий далиллар билан ушланган. (gazeta.uz, 24.12.2021й)

Изоҳ: Ҳар бир халқнинг илм ва маърифати унинг мавжуд бўлиши ва ҳаётийлигининг зарур шартларидан биридир. Чунки Умматнинг дунёқараши, унинг ғоя ва мақсадлари шу илм-маърифат устига қурилади. Шунинг учун таълим соҳасидаги мутахассисларнинг пора билан қўлга тушаётгани фожиавий ҳолатдир. Чунки зиё тарқатувчи кишиларнинг бундай номақбул ишлари ёшларнинг дунёқараши ва тарбиясига салбий таъсир ўтказмай қолмайди. Ўзбекистоннинг давлат тузуми халқимизнинг эътиқодига асосланмагани сабабли порага жирканчли ҳаром нарса деб қаралмайди. Шу сабабдан ўқитувчи мураббийларнинг ойлик маоши оширилса ҳам, пора олганга қаттиқроқ жазо белгиланса ҳам порахўрлик камаймаяпти. Таълим системасига Исломдан бир томчи ҳам киритилмаганлиги оқибатида ўқитувчи-мураббийлар нафақат пора билан балки ўғрилик, жинсий тегачоқлик ва ҳатто қотиллик жиноятлари билан қўлга олинмоқда.

Мактабларни таъмирлаш давлатнинг вазифаси бўлса-да, ҳукумат бу вазифани тадбиркорлар зиммасига юклаб келади. Тадбиркорларнинг топадиган даромадларига кўз тикиб, солиқлар тури ва миқдорини мунтазам равишда ошириб келаётган давлатнинг бундай ноқонуний, оғзаки буйруқларига қарши улар ҳам ўз ҳақ-ҳуқуқларини талаб қилиб, қатъийлик билан курашишлари керак. Тадбиркорлар усиз ҳам

1) ҳар ойда қатъий белгиланган миқдорлардаги солиқни тўлаш ёки доимий яшаш жойидаги давлат солиқ инспекциясига декларация топшириш йўли билан даромад солиғини тўлашга,

2) даромади 100 млн. сўмдан ошганлар айланмадан олинадиган солиқни тўлашга,

3) даромади 1 млрд. сўмдан ошган якка тартибдаги тадбиркорлар эса, қўшилган қиймат солиғи ва фойда солиғини тўлашга мажбур қилинадилар.

Мазлум халқ зулмни ҳис қилмас экан, сиёсий-иқтисодий зулмлар ортишда давом этаверади. Агар халқ ҳокимиятни золимликка ўргатиб қўйса, кейин бу йўлда жонини ва энг қийматли нарсаларини фидо қилса ҳам зулм тўлқинини ортга қайтара олмайди.

Қачон нажот топамиз? Қачонки иймонимизга содиқ ҳолда яшаб, Аллоҳ Таолонинг барча қонунларини ҳаётга татбиқ қилсак нажотга эришамиз. Шу сабабдан халқимиз, энг аввало, бу ҳаётда қандай яшаётгани, қайси қонун асосида яшаётгани, бу ҳаёт тарзи яратилиш ғоясига мувофиқ келадими-йўқми? Эртага Роббиси ҳузуридаги ҳисоб-китобда бугунги амаллари қандай қийматга эга бўлиши тўғрисида фикрлаши зарур. Аллоҳ Субҳанаҳу ва Таоло айтади:

وَلَا تَأۡكُلُوٓاْ أَمۡوَٰلَكُم بَيۡنَكُم بِٱلۡبَٰطِلِ وَتُدۡلُواْ بِهَآ إِلَى ٱلۡحُكَّامِ لِتَأۡكُلُواْ فَرِيقٗا مِّنۡ أَمۡوَٰلِ ٱلنَّاسِ بِٱلۡإِثۡمِ وَأَنتُمۡ تَعۡلَمُونَ

– “Бир-бирларингизнинг молларингизни ноҳақ еманглар. Билатуриб одамларнинг молларидан бир қисмини ейиш мақсадида гуноҳ йўл билан уни ҳокимларга узатманглар”.                                   (Бақара:188)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

05.01.2022й