Маъмурият раҳбари олий маҳкама қарорларини оёқ ости қилмоқда ва Тамим Дорийнинг вақф ерини душман русларга совға қилиб Ислом Умматини курашга чорламоқда
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Маъмурият раҳбари олий маҳкама қарорларини оёқ ости қилмоқда ва Тамим Дорийнинг вақф ерини душман русларга совға қилиб Ислом Умматини курашга чорламоқда
Халилурраҳмон шаҳридаги машхур саҳобий Тамим Дорийнинг вақф ери устида узоқ вақтдан бери тил бириктирувлар давом этиб келаётган эди. Шу тил бириктирувларнинг навбатдаги босқичида 2017 йил 4 январда маъмурият раҳбари, ер бошқармаси томонидан бу ер русларга совға сифатида қайд этилиши, тўғрисида фармон чиқарди. Шу фармондан кейин ер бошқармаси қайдга олиш идорасига бу мулкни сохта қарор билан унга эгалик қилиб олган Фаластин маъмурияти хазинасидан чиқариб русларга, яъни бу ер тупроғини қони билан суғорган шаҳидларнинг у ердаги қабрларини бузиб ташлаган душманга совға сифатида қайд этишга буйруқ берди. Маъмурият ўз жиноятини яшириш истагида тегишли идораларнинг барчасига бу жиноятни яшириш тўғрисида буйруқ берди. Тамим оиласи ва Халил шаҳридаги обрўли кишилар Тобу идораси олдида норозилик акциясини ўтказганларидан кейингина ерни русларга совға сифатида қайд этилгани тўғрисидаги қарор ҳужжатини қўлга кирита олдилар. Маҳкама қарорлари ҳам шу норозилик акцияси ортидан қўлга киритилди. Ерни русларга қайд этилишининг кечиктирилиши ва ерни қайд этиш тўғрисидаги ҳужжатга гуноҳкор қўллари билан имзо чеккан бошқарма мудирининг бу ишни оқлашга уриниши шу қарорлардан кейин бўлган эди.
Оли тамимнинг бу ерни эгаллаб олиниши тўғрисидаги жинояткорона қарорга эътироз билдириб маҳкамага шикоят йўллашига биноан Рамаллоҳдаги олий адлия маҳкамаси маъмуриятнинг бу ерни мулк қилиб олиш ҳақидаги қарорига тааллуқли барча тадбир-чораларни тўхтатиб қўйиш ҳақида 2016 йил 23 июлда қарор чиқарган эди. Олий маҳкама қарорига қарамасдан ер русларга совға сифатида қайд қилинди. Келгуси суд мажлиси 2017 йил 24 январга белгиланган. Маъмурият бу билан ўзи чиқарган қонунни, ўз маҳкамаларини ва ўз қозиларини оёқ ости қилиб, Росулуллоҳ САВ ажратиб берган ерга тажовуз қилиш билан катта жиноятга қўл урди.
Маъмурият раҳбари вақф қилинган ерни гўё у отасидан мерос қолган ердек душман русларга совға қилиб юбормоқда. У бу билан Росулуллоҳ САВнинг васиятига тажовуз қилаётган бир жиноятчи тажовузкор бўлиб, Ислом ақидаси ва аҳкомларини деворга урмоқда ва машҳур Саҳобий Тамим Дорий РА авлодлари мулкига зўравонларча тажовуз қилмоқда. Бу билан у омма манфаати учун мулк қилиб бериш деган қарордан аслида нималарни ният қилганлигини фош қилиб қўймоқда. Бирдан қарабсизки ўша сохта омма манфаати аслида уни душман русларга совға қилиш бўлиб чиқди!!!
У бу ерни русларга совға қилар экан уларни Ҳалабдаги болалар, аёллар ва кишиларни қириб ўлдиришганига мукофотлаётган бўлади. Ҳолбуки душман руслар Ҳалабда Муҳаммад САВ Умматининг қонларини ва жасадларини тупроқ билан қориштириб ташлади, биноларни ер билан яксон қилди, тирик инсонларни темир, олов ва бомбалар билан куйдириб эритиб ташлади. Мусулмонларнинг бу ҳолидан қалбларимиз тилка-пора бўлди. Шунинг учун ана шу жиноятлар жазоси ўлароқ Москванинг ер билан яксон қилиб ташлашдан бошқасига асло рози бўлмаймиз. Ахир бундай душманга ким мукофот беради?!! Фақат Уммат ва Фаластин аҳли душманлари сафига ўтган кимсагина мукофот беради!
Рус черковининг яҳудийларга Фаластиндаги ерларни мулк қилиб беришда бир қора тарихи бор. Машҳур «апельсин» битими ёдимиздан кўтарилгани йўқ. Биз гўё бу вақфни русларга мулк қилиб бериш билан Халил шаҳрининг қоқ юрагида яна бир яҳуд аҳоли пунктини кўриб тургандекмиз. Бундай жиноят душман русларга ҳам, Фаластиннинг энг катта қисмидан яҳудлар фойдасига кўнгли хуш бўлиб воз кечган ва ўзини яҳудлар тинчлигини қўриқловчи бир қўриқчига айлантирган Фаластин маъмуриятига ҳам ҳеч бегона эмас.
Фаластин аҳли ва хусусан Халил аҳли ва Оли Тамим бу маъмурият ва унинг одамларининг бу ерга эга бўлиб олишига мустаҳкам тўғондек қарши туришлари вожиб. Зеро маъмурият бу муборак ердаги содиқ эр кишиларга қарши туришга кучсиздир.
Маъмурият шуни яхши билиб қўйсинки, унинг қарорлари ёзилган сиёҳга ҳам арзимайди ва унинг барча макрлари ўзининг бўғзига урилади. Маъмурият ўз ишининг фалокатли таъмини албатта тотади ва унинг иши оқибати ўзи учун зиён бўлиб чиқади. Зеро Фаластин аҳли маъмуриятдан ва бу жиноятга шерик бўлган ҳар бир кимсадан албатта оғир ҳисоб сўрайдилар.
وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ
«Золим кимсалар эса яқинда қандай оқибатга қараб кетаётганларини билиб олурлар» [Шуаро 227]
Ҳизб ут-Таҳрирнинг муборак замин Фаластиндаги матбуот бўлими
Телефон: 0598819100
Электрон почта: info@pal-tahrir.info
Фаластиндаги матбуот бўлими сайти: www.pal-tahrir.info
