Тантана ортидаги мақсадлар
بِسْمِ اللهِ الرَّحْمٰنِ الرَّحِيمِ
15 сентябр куни АҚШдаги Америка давлатлари ташкилоти штаб-квартираси тарихий биносида биринчи марта Ўзбекистон мустақиллигининг 34 йиллигига бағишланган тантанали қабул маросими бўлиб ўтди, деб хабар бермоқда ИА “Дунё” мухбири.
Қабулда 350 дан ортиқ меҳмонлар – Оқ уй, Конгресс, Давлат департаменти, Савдо вазирлиги, Пентагон, АҚШ Савдо вакили идораси, DFC корпорацияси расмийлари, шунингдек, экспертлар, бизнес, жамоатчилик, маданият вакиллари, дипломатик корпус ҳамда ўзбек диаспораси иштирок этди.
“Ўзбекистон куни” тадбирини Америка Давлатлари Ташкилоти (OAS) биносида ўтказилиши – оддий маданий ёки дипломатик маросим эмас, балки АҚШнинг Ўзбекистондаги стратегик мақсадларини илгари суриш ва мамлакатнинг ташқи сиёсатини Ғарб манфаатларига қаратаётганини кўрсатади.
OAS – Америка қитъасидаги давлатлар ташкилоти бўлиб, у Ўзбекистон билан ҳеч қандай тўғридан-тўғри алоқаси йўқ. Аммо тадбир айнан бу ерда ўтказилгани – Вашингтоннинг қасддан танлаган геосиёсий ишорасидир. Бу билан АҚШ Тошкентни кенгроқ халқаро майдонга тортиб, уни Москва ва Пекин таъсиридан узоқлаштиришга ҳаракат қилмоқда.
АҚШнинг Жанубий ва Марказий Осиё бўйича Давлат котиби ёрдамчиси вазифасини бажарувчи Бетани Моррисон ўз нутқида шундай деди: “Президент Дональд Трамп ва Президент Шавкат Мирзиёев ўртасидаги телефон суҳбати икки давлат алоқаларида янги босқични очди. Бу мулоқот 2018 йилдаги Оқ уй ташрифининг мантиқий давомидир”.
Бу сўзлар Америка томонидан Ўзбекистонни Марказий Осиёдаги энг муҳим стратегик ҳамкор сифатида кўришини билдиради.
Тадбирда Конгресснинг 40 дан ортиқ ходими иштирок этди. АҚШ Конгресси Хорижий ишлар қўмитаси маслаҳатчиси Бэау Шоу шундай деди: “Конгрессда Ўзбекистонга қизиқиш ошиб бораётгани яққол кўриниб турибди. Яқин кунларда америкалик қонун чиқарувчиларнинг Тошкентга ташрифи режалаштирилган”.
Бу баёнотдан кўриниб турибдики, Вашингтон нафақат ижро ҳокимияти, балки қонун чиқарувчи тузилмалари орқали ҳам Ўзбекистон сиёсий жараёнларига таъсир ўтказиш ниятида.
Тадбирда “Project C.U.R.E.” фонди директори Аюб Аюби Самарқандга $12 миллионлик гуманитар ёрдам юборишини билдирди. Шунингдек, Америка-ўзбек савдо палатаси ижрочи директори Елена Сон икки давлат ўртасида янги бизнес имкониятлари очилаётганини эълон қилди.
Амалий жиҳатдан бу каби ёрдам ва инвестициялар “тузоқ” бўлиб, Ўзбекистон иқтисодиётини Ғарб молиявий тизимига боғлаб қўяди. Натижада сиёсий элита Вашингтоннинг талабларига мослашишга мажбур бўлади.
Шуни унутмаслик керакки, Ғазода мусулмонларни қонга ботираётган Вашингтондан Ўзбекистон учун хайрли “дўстлик” кутмаслик керак. Тадбир орқали Америка ўзининг жирканч мақсадларини яширишга ва Тошкентни геосиёсий ўйинининг навбатдаги қурбонига айлантиришга уринаётгани аниқ кўринмоқда.
Мирзиёев ҳукумати ички сиёсий майдонда ва жамоатчилик томонидан қўллаб-қувватловга эга эмас. Шу боис ташқи майдонда қўллаб-қувватлашга эришиш орқали ўз ҳокимиятини мустаҳкамлашга ҳаракат қилмоқда. Америка Давлатлари Ташкилоти биносида ўтказилган тадбир эса, Трамп маъмурияти бунга жавобан қўйган қадамининг амалий ифодасидир. Маросимда АҚШ давлат идоралари, Конгресс ва бизнес доираларининг кенг жалб қилингани ҳам мана шунга далолат қилади.
Бу ҳолат ўз халқининг ишончини йўқотган режимнинг тақдири ташқи кучларнинг қўлида қолишига яна бир бор далил бўла олади. Бугунги кун шуни кўрсатмоқдаки, халқнинг розилигисиз ҳокимиятда қолишга уринган ҳар қандай ҳукумат ё ташқи кучлар манфаатларининг қўлида ўйинчоққа айланади ёки халқ иродаси билан ағдарилади.
عَنْ أَبِي ذَرٍّ، قَالَ: قُلْتُ: يَا رَسُولَ اللَّهِ، أَلَا تَسْتَعْمِلُنِي؟ قَالَ: فَضَرَبَ بِيَدِهِ عَلَى مَنْكِبِي، ثُمَّ قَالَ: «يَا أَبَا ذَرٍّ، إِنَّكَ ضَعِيفٌ، وَإِنَّهَا أَمَانَةٌ، وَإِنَّهَا يَوْمَ الْقِيَامَةِ خِزْيٌ وَنَدَامَةٌ، إِلَّا مَنِ أَخَذَهَا بِحَقِّهَا، وَأَدَّى الَّذِي عَلَيْهِ فِيهَا»
Абу Зар розияллоҳу анҳу ривоят қиладилар:
Мен айтдим: “Эй Аллоҳнинг Расули! Мени ҳам (амирликка) тайинламайсизми?”
У зот ﷺ менинг елкамга қўлларини қўйиб дедилар:
“Эй Абу Зар! Сен заифсан, ҳокимлик эса омонатдир. Қиёмат куни у шармандалик ва надоматдир. Магар кимки уни ҳақи билан олиб, унда ўз зиммасидагини адо этса, унга нажот бўлади”.
Иззатуллоҳ
18.09.2025й
