بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Терроризм иттифоқчилари Ғарб, Англия, АҚШ, Россия ва яҳудийлар давлатидир

Аммо ўзларига Аллоҳни дўст тутганлар эса ҳар доим мусулмонларни ўз ёнларида топадилар

2016 йил 10 декабр шанба кечаси Истанбулнинг Бешиктош минтақасида террор ҳужуми содир этилиб, икки ерда бомба портлатди. Ҳужум ортидан ҳукумат матбуот воизи Нўмон Қуртулмуш бевосита баёнот чиқариб, унда 38 нафар фуқаро нобуд бўлганини, 160 нафари жароҳатланганини, улардан 10 нафарининг аҳволи оғирлигини билдирди. Биз Ҳизб ут-Таҳрир-Туркия вилояти аъзолари бундай разил ҳужумни қоралаймиз ва Аллоҳ Субҳанаҳуга дуо қилиб, ҳалок бўлган мусулмонларни мағфират айлашини, оила аъзоларига сабри жамил ато этишини, жароҳатланганларга тезроқ шифои том беришини сўраймиз.

Ҳужум ортидан Эрдоган ёзма баёнот чиқариб, унда «Туркия бу қабиҳ террор ҳужумидан сўнг жароҳатини ўзи боғлашини ва ҳақиқий иттифоқдошлари билан ёлғиз ўзи мотам тутишини ҳамда ўзининг ёнида шунчаки таъзия билдириб қўйган кишилардан бошқасини тополмаётганини биламиз. Террорга қарши курашаётган Туркиянинг ва турк миллатининг ёнида туриш ўрнига террорчи ташкилотларни ва террорчиларни қўллашни афзал билган давлатларнинг бу ҳодисадан сўнг бошқача иш тутишларини кутиш учун ҳеч бир сабаб қолмади», деган гапларни айтди. Биз Ҳизб ут-Таҳрир-Туркия вилояти аъзолари «террор»ни йўқ қилиш учун қандай қадам ташлаш лозимлигини ёритганмиз, апрелда бошлаган «Мустамлакачиларни узоққа қувиш ва террорга яқун ясаш» номли кампаниямизда «террор»нинг ҳақиқий раҳнамолари кимлар эканини баён қилганмиз. Туркия ва бошқа ерлардаги террор ҳужумлари ортида мустамлакачи давлатлар турганини айтганмиз ва ҳокимиятдагиларни бундай давлатларнинг барчаси билан қилаётган алоқаларига чек қўйишга, элчиларини юртимиздан чиқариб ташлашга тарғиб қилганмиз. Эрдоганнинг мазкур баёноти ҳам, кечроқ чиққан бўлса-да, «террор» ортида турган кучлар мустамлакачи давлатлар эканини исботламоқда.

«Террор» муаммосини ҳал этиш раҳбарларга қийин эмас, зотан, уларда ечимга нисабатан ишончлари ҳам комил. Чунки ҳақиқий раҳбарлар бўлганда эди, айни «террор» муаммосини ҳал этишга албатта муваффақ бўлар эдилар ва кўплаб қон тўкилмасди, бинобарин, кўплаб оилалар қон йиғламасди. Террор ҳужумларини содир этаётганлар ким бўлишидан қатъий назар, гарчи буни ичларидан келиб чиқиб содир этаётган бўлсалар-да, бироқ панада турган кучлар мустамлакачи давлатлар экани кундек равшан. «Террор»ни бевосита ёки парда ортидан қўллаб-қувватлаётганлар АҚШ, Англия, яҳудийлар давлати, Россия ва бошқа Ғарб давлатларидир. Бошқача ибора билан айтганда, бу давлатлар «террор»нинг иттифоқчи ва ҳомийларидир, уларнинг ҳаммасини террорчи ташкилотлар, дейиш мумкин.

Бугун, ҳақиқат яққол маълум экан, биз Эрдоганга яна бир бор саволлар ташлаймиз:

Ҳали ҳам АҚШ билан иттифоқчиликни давом эттираверасанми, ҳолбуки, унинг ўзи «террор»га қарши ўз манфаатлари йўлида курашаётганини даъво қилаётган ҳамда бир парча байроғини Сурия Демократик Иттифоқи раиси қароргоҳига илиб қўйган бўлса?! Бизнинг Ҳалаб аҳлимизни террор қилаётган Россия билан ҳали ҳам алоқангни давом эттираверасанми?! Ҳали ҳам АҚШ ва Россия каби қонхўрларни дўстим, дейишда давом этаверасанми?! Яҳудийлар давлати элчисига берган мактубингни қайтариб олишга қодирмисан, ахир, улар «Мовий Мармара»даги биродарлар қотиллари, муқаддас Ғазо ери агрессорлари бўлса?! Террорни очиқдан-очиқ қўллаб-қувватлаётган Ғарб билан барча алоқаларни узиш билан бу террорчи давлатлар элчиларини юртдан ҳайдаб чиқаришга қодирмисан?! Агар оналар кўз ёши оқмаслигини истаётган бўлсанг, у ҳолда, «террор»ни йўқ қил, агар фуқаро ҳаёти ва мол-мулкларини ҳимоя қилиш менинг бурчим, деб билсанг, у ҳолда, шариатни татбиқ қил. Демак, қилиш зарур бўлган иш аниқ экан: айни террор ҳужумларини содир этган асл жиноятчилар, яъни мустамлакачи давлатлар билан муносабатга якун ясаш ва уларнинг вакилларини тупроқларимиздан дарҳол чиқариб ташлаш, шариатни татбиқ қилиш! Унутма, ким Аллоҳни ўзига дўст тутса, мусулмонлар ўшанинг тарафида турадилар. Аммо Англия, Америка, Россия, яҳудийлар давлати ва бошқа Ғарб давлатларини дўст тутган кимсалар, ўз томонларида ҳеч кимни бир кун ҳам топишолмайди, мудом унинг дўстлари шу куфр давлатлари экан, душманга қарши жанг қилишга журъат қилолмайди!

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: bilgi@hizb-turkiye.org