Таълимга эътибор уммат келажагининг асосидир

بِسْمِ اللهِ الرَّحْمٰنِ الرَّحِيم

Ер юзидаги қайси бир уммат бўлишидан қатъий назар уйғониш, юксалиш, ўз қаддини тиклаш учун қадам босар экан, бунда сақофат (ақида, қонун, адабиёт ва тарихдан олинадиган билимлар мажмуаси) нинг ўрни беқиёсдир.

Бошқача қилиб айтсак, инсон танасининг тик туришида умуртқа поғонасининг ўрни қанчалар муҳим бўлса, умматнинг дунё саҳнасидаги мавқеини тиклашда сақофатнинг ўрни шу кабидир. Чунки сақофат дунёқарашнинг шаклланишида энг муҳим омил бўлиб, ғоя ва мақсадлар унинг устига қурилади. Усиз уммат на ривожланади, на тараққиётга эришади.

Шунингдек, уммат ушбу сақофат туфайли ўз ҳаёт йўлини белгилайди, яшаш тарзини шакллантиради, бир сўз билан айтсак, бу уммат бошқа умматлардан фақат маълум бир диний либослари билан эмас, балки ўз ҳазорати билан алоҳида бир уммат бўлиб ажралиб туради. Акс ҳолда, бошқа умматларнинг кўзқарашига, уларнинг босган қадамларига кўзи кўр одамдек изма-из эргашувчи, дунё карвонининг қуйи поғоналарида довдираган, тақлидий бир умматга айланади.

Исломий сақофат – исломий ақида асосида тадқиқ этиладиган билимлар мажмуасидир. Шундай экан, уммат юксалишининг асосий мезони бўлган сақофатга Ислом қаттиқ эътибор қаратди. Яъни умматни сақофатлашнинг ягона йўли Исломга асосланган таълим манҳажи бўлиб, Ислом ақидасига асосланган давлат умматнинг таълим олишини бепул таъминлайди.

Хулоса ўрнида шуни айтамизки, агар умматда мана шундай ўз сақофати бўлмас экан, бу уммат қанчалар юксак бўлмасин тугаб битади, унинг мумтозлигидан асар ҳам қолмайди, ғояси, яшаш тарзи ўзгариб кетади, дўст-душманни ажрата олмай қолади, ўзлигини бой бериб, бошқа умматлар сақофати ортидан тентираб юрадиган қолоқ бир умматга айланади.

Аллоҳ Таоло айтади: 

قُلْ هَلْ يَسْتَوِي الَّذِينَ يَعْلَمُونَ وَالَّذِينَ لاَ يَعْلَمُونَ إِنَّمَا يَتَذَكَّرُ أُوْلُوا الآلْبَابِ

– “Айтинг: “Биладиган зотлар билан билмайдиган кимсалар баробар бўлурми?! Дарҳақиқат, фақат ақл эгаларигина панд-насиҳат олурлар””. (Зумар:9)

Ҳизб ут-Таҳрирнинг Ўзбекистондаги медиа офиси. Зайниддин

26.08.2019й