بِسْمِ اللهِ الرَّحْمٰنِ الرَّحِيمِ

Терроризм муаллифи мустамлакачи давлатлардир уни қўзғолончи халқларни худкушликка тайёрлаш учун ўйлаб топишган

Ал-Жазира нет веб-сайти (ҳижрий 1440 йил 9 шаввол, милодий 2019 йил 2 июл сешанба куни) нашр қилган хабарда бундай дейилади:

«Ал-Жазира мухбири бир худкушнинг пойтахт Тунисдаги Интилоқа районида ўзини ўзи портлатганини хабар қилди. Ички ишлар вазирлиги эса, қидирилаётган Айман Сумайрий йўқ қилинганини маълум қилди, унинг худкушлик амалиётидан зарар кўрганлар борлиги тўғрисидаги хабарни рад этди.

Қочувдаги террорист қуршовга олингандан сўнг, сешанба куни кечқурун Интилоқа районида йўқ қилинди, хавфсизлик ходимлари орасида ҳеч ким яралангани йўқ», деди ички ишлар вазирлиги матбуот котиби Суфён Заақ.

Заақнинг изоҳлашича, «23 ёшли Айман Сумайри исмли террорист хавфсизлик хизмати томонидан қидирилаётган бўлган. Ўтган душанба куни вазирлик томонидан Айманнинг қидирилаётгани тўғрисида фуқароларга расман билдирув эълон қилинган».

Ўтган пайшанба куни ҳам икки нафар худкушнинг пойтахт Тунисдаги бошқа-бошқа районларда амалиёт содир этишлари оқибатида бир нафар хавфсизлик ходими ҳалок бўлганди, саккиз нафар шахс жароҳатланганди, жароҳатланганлардан беш нафари хавфсизлик ходимлари эди.

Роя газетаси шарҳи:

«Терроризм муаллифи мустамлакачи кучлар бошқаруви остидаги разведка хизмати ҳисобланади. Мақсад, Тунис ва бошқа давлатлардаги қўзғолончи халқларни чиниқтириш ҳамда ўз агент ва программаларини ишга солишдир. Ҳар сафарги амалиётдан сўнг Тунис бош вазири қаршимизда чиқиб, бизни тиз чўктирмоқчи бўлган душман устидан ғалаба қозондик дея мақтанади, Тунисдаги демократия таҳдид остида, дея иддао қилади… Ваҳоланки, душманни ўзлари ясашган, ғалабалари сохта, уринишлари ҳам шармандалидир. Бу ишда бош вазирни «ҳукмрон» ва «мухолафат» партиялари, жарчи ахборотчилари қўллаб-қувватлаб туришибди. Буларнинг барчасидаги ташвиш битта: шу коррупциячи режимни сақлаб туриш. Тунис аҳлини режим атрофига жипслашишга чақириш учун мана шу жиноятчилик сериалларидан дастак сифатида фойдаланишяпти. Улар шундай қайғу-алам ва тартибсизликлар оғушида режимнинг мустамлакачиларга юртни сотиб, гаров қилиб бериш жиноятларини унутамиз, деб ўйлашяпти.

Терроризм оғир жиноят. Аммо ундан ҳам оғири юртни мустамлакачиларга қўйиб бериш ҳамда хорижий разведканинг Тунис билан ўйнашишига, портлашлардан фойдаланиб, одамларни қўрқитиб, мавжуд воқеликка ва тоғут сиёсатга мажбуран рози қилишига рухсат беришдир. Терроризмдан ҳам ёмони унинг уюштирувчисига сукут қилишдир. Бу қандай сукут бўлди?! Қўрқувми, ожизликми, балки тил бириктирувми?! Ахир, ҳар сафар, режим халқни чиниқтиролмай қолса, унинг шармандалиги зулмларидан ҳам ошиб кетса, Тунис аҳли ўз тақдирлари билан ўйнашаётган, бойликларини талаётган, фарзандларини қул қилаётган режим сиёсатига қарши чиқишса, мана шу мустамлакачи давлатлар қайтадан терроризм, деган олабўжини ишга солишмаяптими?!

Роя газетасининг 2019 йил 10 июл чоршанба кунги 242-сонидан

+1

0

Related posts:

Америка армиясининг Африкада терроризм хавфини бартараф этишга оид беш йиллик режаси Сисий: «Терроризм» қудратини синдирдик, бироқ катта муаммоларга ҳамон дуч келмоқдамиз Ницца амалиёти: унинг кўлами ва оқибатлари Балки, улар – биз ғолиб жамоатмиз, дейишар, яқинда ўша жамоат енгилиб, ортларига қараб қочиб қолурлар!