بسم الله الرحمن الرحيم

Хабар ва изоҳ

“Терроризм ва экстремизм” га қарши кураш аслида Исломга қарши курашдир

Хабар: Qalampir.uz. 4 январь 2022 йилда қуйидаги хабарни тарқатди:

Ўзбекистон 2022 йилда экстремизм ва терроризмга қарши қандай курашиши маълум қилинди

Ўзбекистон Республикасида 2022 йилда экстремизм ва терроризмга қарши кураш борасида амалга ошираладиган ислоҳотлар маълум қилинди. Унга кўра, минтақавий ва халқаро ташкилотлар билан экстремизм ва терроризмга қарши кураш соҳасидаги ҳамкорликнинг шартномавий-ҳуқуқий асосларини кенгайтирилади. Бу ҳақда Янги Ўзбекистоннинг 2022–2026 йилларга мўлжалланган Тараққиёт стратегиясида сўз боради.

Изоҳ: Ҳозирда Америка бошчилигида мустамлакачи давлатлар: ғарб, Россия ва Хитой Исломга қарши “терроризм ва экстремизмга қарши кураш” деган баҳона остида кураш олиб бормоқда. Бу кураш аслида Ислом динига ва Ислом умматига қарши ҳазорий курашдир. Унда мустамлакачи давлатлар ўзларига малай режимлар билан биргаликда кураш олиб бормоқда. Бундан Ўзбекистондаги Мирзиёев режими ҳам мустасно эмас. Ўтган 2021 йил 1 июлда президент Мирзиёев фармони билан “экстремизм ва терроризм”га қарши кураш бўйича Ўзбекистон миллий стратегияси қабул қилинган эди. Бу стратегияда Исломни ҳаёт майдонига қайтариш учун фаолият олиб бораётган Ҳизб ут–Таҳрир йигитлари нишонга олингани аниқ. Қонхўр диктатор Каримов Ҳизб ут–Таҳрирга қарши қамоқ, қатл, зулм ва ҳоказолардан иборат репрессив сиёсатни олиб борган бўлса, Мирзиёев бу сиёсатни бир оз “юмшатди”. Яъни у курашиш услубини ўзгартирди. Буни у албатта Америка, ғарб ва энг аввало Россиядаги хўжайинлари кўрсатмаси билан қилганлигида шубҳа йўқ. Чунки мусулмонлар қонини сўраётган бундай жиноятчи режимларни пайдо қилганлар Россия, Америка ва ғарбдир. Бу режимлар, жумладан Мирзиёев режими ҳам ўз хўжайинларининг сиёсий лойиҳалари билан бир қаторда иқтисодий лойиҳаларини ҳам амалга ошириб берадиган қуролдир. Нефт ширкатлари ва қурол ширкатлари билан тузилган лойиҳалар ана шу лойиҳалар жумласига киради. Бунга масалан Россиянинг “лукойл” ширкати билан тузилган битимни мисол қилиш мумкин. Бу ширкат Ўзбекистондаги газни талаб, ташиб кетибгина қолмай, балки Ўзбекистон халқи бўйига миллионлаган қарзни ҳам илиб қўймоқда!!

Бошқа Исломий юртлар халқлари каби, Ўрта Осиё, жумладан Ўзбекистон халқи ҳам капитализмни татбиқ қилаётган бу режимларнинг зулмидан жуда тўйди, жуда чарчади. Буни Қозоқистондаги халқ норозилик намойишлари ҳам кўрсатиб турибди. Қозоқистон президенти зулмга қарши бош кўтарган минглаб одамларни уялмай–нетмай “террористлар” деб атади!! Демак, бу тоғутлар наздида уларнинг зулмига қарши чиқадиган ҳар қандай одам террорчидир!

Америка бошчилигидаги ғарб, Россия ва бошқа мустамлакачи давлатлар бу халқларнинг Ислом асосида уйғонишидан ўлгудек қўрқади. Шунинг учун ҳам бу мустамлакачилар ўзларининг малайларига мана шундай стратегияларни ишлаб чиқишни буюради. Бу малайлар ўз ҳокимиятларини сақлаб қолиш учун одамларни тирикчилик луқмаси ортидан елиб–югуриш билан банд қилиб қўйишади. Бунда уларга сарой уламолари ёрдам беради. Умматнинг қолоқ бўлиб қолиши, дини ва ҳақ–ҳуқуқлари зое бўлиши сабабчиларидан бири мана шу сарой уламоларидир. Режимнинг бу “карнай”лари одамларни Ислом номи билан алдаб келишмоқда. Исломни ҳаёт майдонига қайтариш учун даъватни кўтариб чиқаётган Ҳизб ут–Таҳрир йигитларини режим “экстремист”, “террорист” деб атаса, бу муллалар унга жўр бўлишади ва режимнинг куфр қонунларига, бундай стратегияларига Ислом “тўни”ни кийдириб беришади! Улар бу куфр режимларнинг қонли репрессияларига йўл ҳам очиб беришади. Ҳатто Ўзбекистон муфтиси юзсизларча Қозоғистондаги норозилик намойишлари ортида “салафийлар ва бошқа оқимлар вакиллари турибди” деди!! Куфр режимлар бу сарой муллалари билан бир қаторда репрессив хавфсизлик хизматларини ҳам бу курашда албатта ишга солади.

Эй Ўзбекистон мусулмонлари! Энг катта террорчи Америка, ғарб, Россия, Хитой ва бошқа мустамлакачи давлатлардир. Террорчи мана шу жиноятчи режимларнинг ўзидир. Ғарб ўзининг капитализм мафкураси қулашга яқинлашаётганини ҳамда Исломий Умматнинг ўз динига қайтишга ва Халифалик Давлатини тиклашга ҳаракат қила бошлаганини кўриб, тушуниб турибди. Шунинг учун ҳам Исломнинг ҳаёт майдонига қайтишига йўл қўймаслик учун бу малай режимларга Исломга қарши “терроризм ва экстремизм” деган ниқоб остида курашишни буюрмоқда. Бу жиноятчи режимлар, жумладан Ўзбекистондаги режим ҳам ўз тожу тахтларини сақлаб қолиш учун ва хўжайинларининг манфаатларини ҳимоя қилиш учун ҳатто ўз халқининг қонини тўкишдан ҳам тоймайди. Бунга 2005 йилдаги қонли Андижон воқеаларида ва куни кеча Қозоғистондаги қонли воқеаларда ҳам гувоҳ бўлдингиз. Шундай экан, чириган бу режимларни таг–томири билан суғуриб ташлаб, бу капитализм зулматларидан Ислом Нурига чиқиш вақти келди. Мустамлакачи кофирлар ва уларнинг малайлари жиноятчи режимлар қанчалик уринмасин, Исломнинг ҳаёт майдонига қайтишига ғов бўла олишмайди. Яқинда Аллоҳ изни ила Ислом тонги албатта отади.

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ

“Улар Аллоҳнинг нурини (яъни, исломни) оғизлари (яъни, беҳуда гаплари) билан ўчирмоқчи бўладилар. Аллоҳ эса, гарчи (кофирлар) хохламаслар-да, фақат Ўз нурини тўла (яъни, ҳар тарафга) ёйишни истайди.” (Тавба: 32).

Ҳизб ут–Таҳрир марказий медиа офиси радиоси учун Ислом Абу Халил – Ўзбекистон