Хабар ва изоҳ

Терроризм ва экстремизмга қарши кураш бўйича конференция мусулмонларнинг ўз Исломига интилишларидан хавотир ифодасидир

بسم الله الرحمن الرحيم

Хабар: Тошкентда 4-5 сентябрь кунлари яна бир нуфузли тадбир – Шанхай ҳамкорлик ташкилотининг Минтақавий аксилтеррор тузилмаси (МАТТ) X халқаро илмий-амалий конференцияси ва Мустақил Давлатлар Ҳамдўстлигининг терроризм ва экстремизмга қарши курашиш бўйича иккинчи конференция бўлиб ўтди. (uza.uz 04.09.2024й)

Изоҳ: Айтилишича, бирлашган халқаро конференциялар ишида МДҲ ва ШҲТга аъзо 20 та мамлакат (жумладан, ШҲТга аъзо давлатлар ва мулоқот бўйича ҳамкор давлатлар) ваколатли органлари, 9 та Ҳамдўстлик органларининг ишчи тузилмалари, ШҲТ органларининг 2 та ишчи тузилмаси, 22 та илмий-тадқиқот ва таълим ташкилотлари иштирок этди. Унда Интерпол, Жиноий даромадларни легаллаштириш ва терроризмни молиялаштиришга қарши курашиш бўйича Евроосиё гуруҳи, ОҲИЧК каби 6 та халқаро ташкилотнинг 10 та ваколатли органларининг 250 га яқин вакиллари ҳам (жами 47 та делегация) иштирок этди.

Аввало, терроризм ва экстремизмга қарши кураш ниқоби остида Ислом ва мусулмонларга қарши кураш бўйича бундай ботил конференциянинг Бухорий, Термизий каби уламоларни етиштириб чиқарган мусулмон юртимизда ўтказилаётгани ҳам афсусланарли, ҳам ғазабланарли ҳолат. Албатта, бунинг жавобгарлиги – гарчи бу ишлар Россия каби “катта оға”ларини рози қилиш учун бўлса-да – тўлиқ ўзбек ҳукумати зиммасида бўлади. Бу ҳукумат Ислом ва мусулмонларга қарши фитналарга тўла бундай тадбирларга мезбонлик қилаётгани учун Аллоҳнинг лаънати ва ғазабига учрашини ўйлаб кўрмаяпти…

Ушбу конференция иштирокчиларига мурожаатида Мирзиёев, жумладан, шундай деган: “…Шу билан бирга, биз инсон ҳуқуқ ва эркинликларини ҳимоя қилиш ва илгари суриш, қонун устуворлиги тамойилига сўзсиз риоя этишни терроризм ва экстремизмга қарши курашишнинг фундаментал асоси деб ҳисоблаймиз”. Ваҳоланки, мусулмонларнинг ўз Исломига, хусусан Исломни сиёсий мафкура ва тузум сифатида англашга бўлган интилишига Мирзиёев айтганидек инсон ҳуқуқ ва эркинликлари, қонун устуворлиги таъминланмаётганлиги каби нарсалар сабаб эмас, балки бу табиий ҳолдир. Яъни Ислом инсоннинг ақли ва қалбини забт этганидан сўнг, унга ва унинг қонунлари билан яшашга интилиш инсонда табиий юз беради. Ва инсон ўз ҳаётини тартибга солишда Исломга тенг келадиган бирор мабда-мафкура йўқ ва бўлиши ҳам мумкин эмаслигига амин бўлади. Мана, масалан, Марказий Осиё халқларига Ислом неъмати етиб келганидан бери бу халқлар ўз дини борасида не-не зулм-зўравонликлар кўрмади дейсиз… Шунга қарамай, буларнинг бирортаси Исломдан қайтиб кетмади, балки унга талпиниши ортса ортдики, асло камаймади. Бугун эса Россия ва Хитой ҳукмронлиги остидаги антиисломий ташкилотлар ва бошқалар йиғилиб олиб, мусулмонларни ўз Исломидан йироқлаштириш устида яна жиддий бош қотирмоқдалар.

Таъкидлаш лозимки, конференциянинг ялпи мажлисида Ўзбекистон Республикаси Давлат хавфсизлик хизмати раиси, генерал-лейтенант Абдусалом Азизов сўзга чиқди. У ўз нутқида, жумладан, Афғонистон ҳукумати ўз имкониятлари ва ресурсларидан келиб чиқиб халқаро терроризмга қарши курашаётганини айтиб ўтар экан, “Хуросон вилояти”га қарши курашда унга ёрдам кўрсатиш муҳимлигини таъкидлади. Ўзбекистон ҳукуматининг мусулмон халқимизни Исломдан йироқлаштириш сиёсатида асосий қурол вазифасини бажариб келаётган мазкур ташкилот раисининг бу гапи хатарлидир. Чунки бу Толибонни ҳам Исломнинг ҳокимият тепасига келишига қарши кофир мустамлакачи давлатлар томонидан олиб борилаётган халқаро курашга тиқиш демакдир. Албатта, бу иш фақат “Хуросон вилояти”га қарши курашнинг ўзи билан чекланмай, балки ҳар қандай Исломий жамоалар фаолиятини чеклаш ёки тамоман таъқиқ қўйишга қаратилган. Зеро, Америка бошлиқ Ғарб ҳам, Россия ва Хитой кабилар ҳам Толибоннинг соф Исломий бошқарув ўрнатишига тиш-тирноғи билан қарши туради. Чунки уларни ИШИД каби сохта хатарлар эмас, балки Афғонистонда Исломий тузум татбиқ этилиб, унинг Марказий Осиёга ҳам таъсир қилиши ташвишга солмоқда.

Аллоҳга ҳамдлар бўлсинки, бугун Ислом олами ва унинг ажралмас бир бўлаги бўлмиш Марказий Осиё, хусусан, Ўзбекистонда Ислом асосидаги уйғонишга бўлган ҳаракатлар ҳар қачонгидан ҳам кучлироқ тус олмоқда. Албатта, бундан фақат анави кофир мустамлакачи давлатлар ва уларнинг малай ҳукмдорларигина ташвишга тушадилар. Бугун Аллоҳ ваъда қилган ва Унинг Росули ﷺ башорат берган Халифалик давлати қайта тикланиб, барча Исломий юртларни кофир мустамлакачи давлатлар ҳукмронлигидан холос қиладиган, айниқса муборак Фаластин замини ва Масжиди Ақсони озод қиладиган онлар яқинлашмоқда. Бунга фақат Аллоҳнинг душманлари қарши чиқиб, ортга суришга уриниши мумкин холос. Шунинг учун ўзбек ҳукуматини ана шулар билан ош-қатиқ бўлиб, кейин афсус-надомат чекиб қолишдан ва кўзлар даҳшатдан қотиб қоладиган Кунда зарар кўрувчилар сафида бўлиб қолишдан қаттиқ огоҳлантирамиз! Бугун дунёда бўлаётган ишлардан тўғри хулоса чиқарган ҳолда Аллоҳга қайтиш ва Унинг розилигига олиб борадиган йўлни танлаш энг тўғри ва оқилона қарор бўлишини яна бир бор эслатамиз!

Ислом Абу Халил – Ўзбекистон

Ҳизб ут-Таҳрир Матбуот Маркази радиоси учун