Тунис ҳарбий суди Ҳизб ут-Таҳрирни ҳақ сўзни айтишдан тўcиш учун барча конституциявий қоидалар ва қонуний чегараларни бузмоқда
Матбуот баёноти
Тунис ҳарбий суди Ҳизб ут-Таҳрирни ҳақ сўзни айтишдан тўcиш учун барча конституциявий қоидалар ва қонуний чегараларни бузмоқда
Ўтган ҳафта охирида Тунис ҳарбий суди Ҳизб ут-Таҳрирнинг Тунис вилояти бўйича матбуот бўлими аъзоси устоз Муҳаммад Носир Шувайхага қарши «Таҳрир» газетаси учун ёзган мақоласи юзасидан жиноий иш очди. Мақолада устоз Американинг барча мусулмонларга, хусусан Ғазо аҳлига очиқ душман бўлганини эътиборга олиб, мусулмон ўлкалари раҳбарларини ва армияларини Тунисда Шимолий Африка давлатлари билан Ўрта ер денгизига чегарадош давлатларнинг АҚШ томонидан ўтказиладиган ҳарбий машқларда қатнашишдан огоҳлантирган эди.
Ахир, АҚШнинг собиқ давлат котиби Блинкен 2023 йил 7 октябрдан кейин яҳудий вужудига сафар қилиб, «Мен АҚШ давлат котиби сифатида эмас, балки яҳудий сифатида келдим», дея очиқ айтмадими?! АҚШ қамалнинг ҳар бир босқичида яҳудий вужудини ҳимоя қилишини очиқ айтиб, ўзининг ҳарбий денгиз флоти ва аскарларини жўнатмадими ва Яқин Шарқни қуршовга олмадими?! Минтақада ўзи ва салибчи Ғарб давлатларидаги иттифоқчилари билан бирга Ғазодаги аҳлимизга қарши геноцид урушини, уйларининг вайрон этилиб, аҳлининг кўчирилишини молиялаштирмаяптими?! Бу жиноятларда ҳамкорлик қилмаяптими?! Ҳатто Фаластин аҳлига агар Нетаняхуга ва унинг жиноятчи аскарларига таслим бўлмасалар, устларидан жаҳаннам эшикларини ланг очиб бериш билан таҳдид қилмаяптими?! Хўш, бундан ҳам очиқ душманликни тасаввур қилиш мумкинми?!
Америка ўз тупроқларини ҳимоя қилаётган қаршилик ҳаракатини бутун олам ва тарих олдида террористлар деб атаб, дунёнинг турли бурчагидан келиб, ушбу муборак заминни босиб олган босқинчиларни эса мазлумлар деб атади. Мусулмонлар қонини таҳқирлаб, аёллар, болалар ва қариялар ҳаётини сариқ чақага олмади. Тунис президенти Қайс Саид эса яҳудийлар билан муносабатларни нормаллаштиришни рад этиб, буни очиқ хиёнат бўлишини, Ғазони қўллаб-қувватлаш чексиз бўлиши кераклигини очиқ айтди. Бироқ шуларнинг барчасига қарамай, афтидан, ҳарбий суднинг фикри бошқача кўринади!
Устоз Муҳаммад Носир Шувайханинг мақоласидаги айрим жумла ва ибораларни нотўғри талқин қилиб, умрбод қамоқ жазосига олиб бориши мумкин бўлган айбловлар билан ҳибсга олиниши давлатнинг сиёсий йўналиши ва амалдаги қонунларга мутлақо зиддир. Конституциявий жиҳатдан, Тунис Ислом Умматининг ажралмас қисми ҳисобланади. Умматнинг бошига тушган ҳар бир нарса бевосита унинг барча шахсларига тегишлидир. Ҳарбий суднинг фуқароларни суд қилишга – агар улар орасида ҳарбийлар бўлмаса – ваколати йўқ. Сиёсий партиялар фаолиятини тартибга солиш тўғрисидаги 87-сонли қарор бўйича сиёсий партиялардан ҳисоб сўраш фақат ва фақат бош вазир зиммасига юкланган. Шунингдек, «матбуот тўғрисидаги қонун»ни бекор қилувчи 115-сонли қарорга кўра, даврий нашрларда чоп этилган мақолалар муаллифлари бундай даъволардан қонун билан ҳимояланган.
Шунга биноан, демак, мусулмонларга адолатсизлик ва зулм қилиш, қонлари, моллари ва номусларига тажовуз қилиш, шу билан бирга, мусулмонларнинг ҳақиқатни айтишларига ва нарсаларни ўз номи билан аташларига тўсқинлик қилиб, овозларини ўчириш, буларнинг барчаси таърифлаб бўлмас ёмон зулмдир. Айниқса, яқин атрофдагилар томонидан қилинган зулм эса бундан ҳам ёмон. Шуни эслатиб ўтиш лозимки, маъруфга буюриб, мункардан қайтариш амали ажални яқинлаштирмайди, ризқни камайтирмайди.
Ҳизб ут-Таҳрирнинг марказий матбуот бўлими
