Украина урушида ким томонсиз?

بِسْمِ اللهِ الرَّحْمٰنِ الرَّحِيم

Ҳижрий XIII (милодий XIX) асрга келиб Ўрта Осиё халқларида қолоқлик ва қотиб қолганлик нишонаси яққол кўринди. Муаммонинг негизига қаралса икки омил, яъни Ислом ҳақида, у ҳар қандай муаммога ечим бера олиши ҳақида равшан фикрнинг мавжуд бўлмагани ҳамда ботил ва хурофотларни Ислом, деб ижро қилингани барча инқирозларнинг ҳақиқий сабаби эканлиги маълум бўлади. Яъни мусулмонлар Қуръон ва Суннатни чуқур англаш ва Ислом учун яшашдан бўйин товлаганидан бошлаб устига балолар ёғила бошлаган. Бунга ўша пайтдаги Ислом Умматига етакчилик қилган Усмоний Халифалик давлатининг Исломни татбиқ қилишда йўл қўйган камчилик ва хатолари ҳам кучли таъсир қилган. Мусулмонлардаги фикрий ва моддий ривожланишдаги турғунлик Рус империясини Ислом ўлкаларини истило қилишга, Исломни таҳқирлаш ва мўминларни қатл қилиш орзусини амалга оширишга ундади. Бу империя XIX асрнинг иккинчи ярмида Ўрта Осиёни босиб олишни бошлади. Росулуллоҳ ﷺ айтганлар:

 لتنقضن عرى الإسلام عروة عروة فكلما انتقضت عروة تشبث الناس بالتى تليها وأولهن نقضا الحكم وٱخرهن الصلاة

«Ислом боғичлари (яъни аҳкомлари ва рукнлари) бирма бир узилиб, ундан ажралиб кетади, қачонки бир боғич узилса, одамлар ундан кейингисига ёпишишади, энг аввал узиладигани ҳукм, охиргиси эса намоздир». Аҳмад ва бошқалар ривояти. Ҳоким уни саҳиҳ деди.

Кофирлар тарафидан Халифалик ағдарилгач, Уммат нафақат ўзидаги қийматли нарсаларини бой берди, балки уларни қайтариш ҳақидаги изланишлардан ҳам маҳрум қилинди. Исломий даъват ва унинг олийлиги унуттирилди…

Салбий мафкура ядро қуролидан ҳам хавфлироқдир. Бизларни Чор Россияси босиб олганидан кейин Россияда икки марта тузум алмашди. Шунга қарамай, биз унинг мустамлакачилигидан қутула олмадик. Бунга сабаб биз ўз дунёқарашимизни йўқотгандик, бизларни аввалда қудратли қилган Исломимизга қайтишни жаҳолатга қайтиш, деб айтадиган бўлиб қолдик. Шу сабабдан бугун ҳам ўриснинг жирканчлиги ва тубанлигини очиқ кўриб турсак-да, унга эргашиш керак деган хулосада юрибмиз. Онгимиз ва шууримиздаги мафкура бўшлиғини руслар тўлдиргани учун энг катта душманимизни раҳнамо деб биляпмиз. Шунинг учун ҳам ўзини Пайғамбар меросхўриман, деб даъво қилаётган баъзи ҳукумат имомлари Аллоҳ ва Росули ﷺни қўйиб, қонхўр Россияни қўллаб-қувватлашга халқимизни етаклашдек жирканч ишга қўл уряпти.

Бугун Ўзбек жамиятида ва интернетнинг ўзбек сегментида Россия босқини ва Украинанинг қаршилиги мавзуси қизғин баҳс қилинмоқда. Ахборот ва таҳлилий материаллар берувчи ўзбекзабон сайтлар ўзбекистонликларни Украина (Ғарбга) ёки Россияга ён босаётган икки қисмга ажралган жамият сифатида талқин қилишмоқда. Бироқ улар мақола ва видеолар остидаги изоҳларнинг аксарида «уруш тўхташлиги ва тинчлик тикланишини» сўраб ёзилган дуоларни айтишмаяпти. Ҳақиқатан Украина мавзусидаги мақола ва видеолар остидаги изоҳларни кузатган одам аксар кишилар «ўзи тушунган Ислом бўйича» муносабат билдирганига гувоҳ бўлади. Аслини олганда, Ислом асосида муносабат билдириш нафақат яхши амал, балки зарурий ишдир. Лекин бу муносабат Исломнинг муносабати бўлмаса-чи?

Исломни шахсий ибодатларга чеклаб қўйилган муҳитда сиёсий ишлар ва ҳарбий юришларга нисбатан чуқур ва теран тафаккур билан эмас, виждондан келиб чиққан тушунарсиз дуолар билан муносабат билдириш урфга айланиб кетади. Зеро, Исломдан унинг сиёсати ва бошқарувини, иқтисоди ва тижоратини, ҳадлари ва ҳарбий ишларини ажратилса, Исломда фақат намоз ва дуо қолади холос.

Ҳар қандай давлат қудрат касб этишда онгли халқига таянади. Онгли халқ эса, ўзининг ақидаси, яъни дунёқараши ва унга асосланган идеологиясидан куч олади. Барча идеологиялардан мутлақ олий бўлган идеология Исломда мужассамдир. Уни соф ва тўлиқ шаклда ўқиб, ўрганиб, ўзлаштириб, ҳаётга жорий қилиш учун эса, тартибли билим олиш зарур бўлади. Бундай улуғ ва масъулиятли вазифани Умматнинг холис ўғлонлари ва қизларидан таркиб топган Ҳизб ут-Таҳрир жамоаси адо этмоқда. Ва барча мусулмонларни Исломни ўрганиш ва уни бошқаларга етказишда бирга фаолият қилишга даъват этмоқда. Ҳизб куфр режалари ва мусулмонлар ичидан чиққан малайларнинг жиноятларини фош қилиб келмоқда. Мусулмонларга Аллоҳнинг каломини эслатиб, вазифаларини уқтирмоқда. Шубҳасиз, Умматнинг бугунги ночорлиги Аллоҳдан узоқлашгани оқибатидир. Унинг ислоҳи Аллоҳга қайтиш ва Унинг динига қаттиқ амал қилиш билан бўлади. Аллоҳ Таоло Ўз каломида шундай дейди:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

– “Албатта, Биз пайғамбарларимизга ва иймон келтирган зотларга ҳаёти дунёда ҳам, гувоҳлар (ҳозир бўлиб) турадиган Кунда (қиёматда) ҳам ёрдам берурмиз”.                                              (Ғофир:51)

لِمِثْلِ هَٰذَا فَلْيَعْمَلِ الْعَامِلُونَ

– “Бас, ҳаракат қилгувчилар мана шундай (мангу бахт саодат) учун ҳаракат қилсинлар!”                                                 (Соффат:61)

Ҳизб ут-Таҳрирнинг Ўзбекистондаги матбуот бўлими аъзоси Абдураҳмон

12.04.2022й