Ҳукуматнинг «оригинал» йўли зўравонларча қамоққа олиш, қўрқитиш ва овозларни бўғишдир!!!
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
Ҳукуматнинг «оригинал» йўли зўравонларча қамоққа олиш, қўрқитиш ва овозларни бўғишдир!!!
Собиқ муфтий шайх доктор Бисом Турос қамоққа олинган пайтда «шайх чиқмайдиган аҳволга тушди, сизлар ҳам унинг ҳолига тушмаслигингиз учун зўравонларча қамоққа олишга қарши норозилик намойишларини камайтиришингиз керак» деб бизни қўрқитишди. Бу бизни янада қаттиқ туриб ҳаракат қилишга ундади, холос. Шайх эса – унга ҳеч бир айб қўйишолмай – чиқди. Ваҳоланки ахборот воситалари шайхнинг «терроризм»га қанчалик «ботганлиги»га далолат қиладиган «сизиб чиққан» сохта маълумотларни нашр қилар экан доктор шайх устидан кулиб, айюҳаннос солиб дунёни бошига кўтарган эди!
Ва ниҳоят бутун мавзу асоссиз ва ҳужжатсиз эканлиги аниқ бўлиб қолди. Балки кейинчалик шайх чиққанидан кейин биз бошида айтган сўзлар тасдиқланди. Биз бу мамлакатда қасддан, режали тарзда қилинаётган зулм амалиёти бор деб айтган эдик. Бу зулмни Ливан ҳукумати Америка қарорига қарши чиқаётганларга Американинг Ливандаги югурдаклари орқали ўтказмоқда. Бу югурдакларнинг бошида қурол кучи билан нафақат Ливан ичкарисига, балки ташқи сиёсатга ҳам гердайиб ўз ҳукмини ўтказмоқчи бўлаётган Эрон ҳизби турибди. Охири «исёнчи» қўзғолонга ёрдам бераётган гуруҳга қасддан, очиқ зулм қилиш ана шу югурдаклар тутадиган йўл бўлиб қолди. Бундан мақсад қўзғолонни бўйин эгишга ва қаршилик кўрсатиш ҳақида фикрламасликка мажбур қилишдир.
Бундай бўлиши табиийдир. Зеро ҳукумат бошлиғи ўзининг телемулоқотларида Эрон Ҳизбининг Сурияда мавжуд бўлиб туриши ҳақидаги қарор Ливандан кўра каттароқдир, деб очиқ айтиб турибди! Шунинг учун аҳмоқона гердайиш ва зулм қилиш фақат ана шу югурдакларнинг «монополияси» бўлиб қолмасдан балки бу зулм ва гердайиш Эрон Ҳизби ва унинг Ливандаги иттифоқчилари билан битим тузиб мана шу «исёнчи» гуруҳга: «ҳамма бўйсунди, шундай экан нега исён қилиш керак?» – деб айтаётган ҳукуматнинг аҳволи тили ҳам бўлиб қолди!
Охири иш шу даражага етдики, оқибатда бу гуруҳнинг – ўзини унинг вакиллари деб даъво қиладиган кимсаларни – муҳосаба қилиши ман қилинадиган бўлиб қолди. Балки бу гуруҳнинг бу ҳукуматга қарши мақола ёзиши ёки твит юбориши ёки баёнот бериши ҳам ман қилинадиган бўлди. Бу ҳукуматда ҳеч қандай қонуний асосни эътиборга олмай – мабодо бирон қонун бу ҳукумат наздида эътиборли бўлса – аҳмоқона гердайиш кенг ёйилди. Бу ҳукумат келгуси сайловларда ғалаба қозонишни – ҳолбуки унинг арбобларининг рейтинги пасайиб кетган, буни баладияга бўлган сайловлар кўрсатди – бир асосий мақсад қилиб олган. Бу мақсадига ўзига бир оғиз сўз билан бўлса қарши чиқадиган ҳар бир кишининг овозини бўғиш билан эришмоқчи!
Гердайиш ва зўравонлик сиёсати ҳукумат бошлиғига танзимий, сиёсий ва идорий жиҳатдан бўйсунадиган ички ишлар вазири номи билан амалга оширилмоқда. Чунки бу вазирлик информатика факультети талабаси, ёш йигит Ториқ Шимолийни қамоққа олди. Ундан кейин бир ой ҳам ўтмасдан ёш қиз Бушро Футуҳни ҳам ҳеч қандай суд буйруғисиз зўравонларча қамоққа олди. Кеча эса шайх Муҳйиддин Антар хавфсизлик идораси томонидан сўроққа чақирилди. Чунки у ҳукумат бошлиғи муборак Шом қўзғолонига ёрдам бераётган мусулмонларга қарши юргизаётган репрессив сиёсатга қарши чиққан эди… Бу маъмурият ва бу ҳукуматнинг тутаётган йўлига ва Шомдаги аҳлимизни ўлдираётган қотиллар билан тузган иттифоқига гарчи бир оғиз сўз билан бўлса ҳам, балки 140 ҳарфдан ошмайдиган битта твит билан бўлса ҳам қарши чиқиб баланд овоз билан ҳайқирадиган ҳар бир кишига қарши бундай репрессив сиёсатни «аччиқ ичакдек чўзиб» давом эттиравериши кўриниб турибди!!!
Бу зулм албатта программали тарзда амалга оширилмоқда. Ундан мақсад қатъиятни синдириш, умидсизлик уйғотиш ва уфққа интилишни йўқ қилишдир… Шунинг учун бутун маъмуриятга ва хусусан ҳукуматга қуйидагиларни айтамиз:
Ливандаги мусулмонлар Шом қўзғолонига бир дунёвий тижорат учун ва бир ўткинчи тўлқинга миниб олиш учун ёрдам берганлари йўқ… Аксинча Шом уларнинг бутун Исломий олам бўйлаб табиий давомларидир. Мусулмонларни ҳукуматнинг – унинг раҳбариятида акс этган – йўналишига бўйсундиришга уриниш сиёсати ҳеч шубҳасиз қаршиликка учрайди. Сизлар амалга ошираётган репрессив сиёсат ва зўравонларча қамоққа олишлар сизларга асло фойда бермайди. Чунки мусулмонлар истаган томонингизга ҳайдаб кетаверадиган қўй-қўзилар эмас. Қўзғолон ва унга ёрдам бериш мавзуси – гарчи ўзининг бу қўзғолон вакили эканлигини даъво қилаётган кимсалар бу қўзғолонни сотган ва унинг душмани билан иттифоқ тузишган бўлса ҳам – Ливандаги мусулмонлар интилишининг бир мағиз-моҳияти бўлиб қолди… Шундай экан, бу ҳаракатингизни тўхтатинг. Сизлардан олдинги ҳокимлар ҳам минтақада бундай ҳаракатни амалга оширишган эди. Уларнинг қисмати охири – гарчи бир оз вақтдан кейин бўлса ҳам – қандай бўлганини кўриб турибсиз. Бу сизларга ибрат бўлсин.
Ҳизб ут-Таҳрирнинг
Ливандаги матбуот бўлими
Телефон: 009613155103
Факс: 06-424695
Электрон почта: ht@tahrir.info
Ҳизб ут-Таҳрирнинг матбуот бўлими сайти: www.hizb-ut-tahrir.info
