بِسْمِ اللهِ الرَّحْمٰنِ الرَّحِيمِ

Ҳукуматнинг жиҳод ва Халифалик ҳукмларини чеклашга ҳаракат қилиши Аллоҳ Субҳанаҳу ва Таоло томонидан қораланган ҳаром ишдир

Ҳукуматнинг фиқҳий дарслардан Халифалик ва жиҳодга оид моддаларни олиб ташлаб, уларни фақат тарих дарсларига киритиши Ислом ҳукмлари ёйилишини чеклашга уринишдир.

Индонезиянинг диний ишлар вазирлигидаги исломий таълим бош директори Қамариддин Амин тарих ўқув дастурига киритилган Халифалик ва жиҳод мавзулари ҳақида умумий тушунча бериб ўтди. Ушбу сиёсат мўътадил ислом фикрини ёйиш ҳамда мактабларда экстремизмни олдини олишнинг бир қисмидир.

Аниқки, ҳукуматнинг бу сиёсати Исломга зиддир. Чунки, Исломдаги Халифалик ва жиҳод ҳукмлари исломий фиқҳнинг бир жузи бўлиб, улар шаръий фарздир. Халифалик ва жиҳод тарихдаги оддий қиссалар эмас. Аллоҳ йўлида жиҳод қилиш ва Халифаликни барпо этиш фарзлигининг муҳимлигини баён қилмасдан уларни тарихнинг оддий бир қисмига айлантириш Ислом ҳукмларини чеклашга уринишдир.

Жиҳоднинг вожиблиги ҳақида айтадиган бўлсак, Қуръон Каримда Аллоҳ Субҳанаҳу ва Таоло жиҳоднинг вожиблигини таъкидлаб шундай дейди:

﴿كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لاَ تَعْلَمُونَ﴾

«Сизларга ёқмаса-да, жанг қилишингиз фарз қилинди. (Зотан) сизлар ўзингиз учун яхши бўлган нарсани ёқтирмаслигингиз ва сиз учун ёмон бўлган нарсани яхши кўришингиз мумкин. Аллоҳ билур, сизлар билмассиз»            [Бақара 216]

Жиҳод шаръан Аллоҳ йўлида жанг қилишни англатади. Жиҳод Аллоҳ йўлида жанг қилиш маъносида баъзи оятларда келиши билан бирга Росулуллоҳ ﷺнинг ҳадисларида ҳам келади. Анас ибн Моликдан ривоят қилинишича, Росулуллоҳ ﷺ айтадилар:

«جَاهِدُوا الْمُشْرِكِينَ بِأَمْوَالِكُمْ وَأَنْفُسِكُمْ وَأَلْسِنَتِكُمْ»

«Молларингиз, жонларингиз ва тилларингиз билан мушрикларга қарши жиҳод қилинглар». Бу ҳадисни Абу Довуд, Насоий ва Аҳмадлар саҳиҳ деб айтган.

Шунингдек, Халифаликни барпо этиш ҳам исломий шариат буюрган фарздир. Халифани тиклашнинг фарзлиги ҳақида Нававий ўзининг «Саҳиҳи Муслим шарҳи» китобида айтади: «Улар халифани тиклаш мусулмонларга вожиблигига ижмо қилганлар. Унинг вожиблиги ақлга эмас, шариатга асосланади».

Эй мусулмонлар, ўқув дастурларидаги жиҳод ва Халифаликка оид моддаларни чеклаш, бундан ҳам ёмони уни олиб ташлашга уриниш шаръан ҳаромдир. Аниқки, бу ношаръий иш бўлиб, у Қуръон ва Суннатда келганидек, илмни яшириш ҳаромлигини ҳам ўз ичига олади. Таълим олиш ва Ислом ҳукмларини баён қилиш ҳақида келган буйруқ фарздир. Бу эса, Ислом ҳукмларини яшириш ҳаромлигини тасдиқлайди. Зеро, Ислом ҳукмларини яширган кишининг оятда Аллоҳнинг ва бутун одамларнинг лаънатига учраши айтилмоқда.

Шунинг учун Ислом ҳукмларини яшириш учун амалга оширилган ҳар қандай уриниш тақиқланган. Қандай бўлмасин, буни қилган ҳар қандай одам Аллоҳ Субҳанаҳу ва Таолонинг лаънатига учрайди. Аллоҳ Субҳанаҳу ва Таоло айтади:

﴿إِنَّ الَّذِينَ يَكْتُمُونَ مَا أَنْزَلْنَا مِنَ الْبَيِّنَاتِ وَالْهُدَىٰ مِنْ بَعْدِ مَا بَيَّنَّاهُ لِلنَّاسِ فِي الْكِتَابِ ۙ أُولَٰئِكَ يَلْعَنُهُمُ اللَّهُ وَيَلْعَنُهُمُ اللَّاعِنُونَ﴾

«Биз нозил қилган ҳужжатлар ва ҳидоятдан иборат (Муҳаммаднинг ҳақ пайғамбар эканлиги ҳақидаги) нарсаларни одамларга Китобда (Тавротда) равшан қилиб берганимиздан кейин беркитган кимсаларни шубҳасиз Аллоҳ лаънатлагай ва лаънатловчи зотлар (фаришталар ва мўминлар) лаънатлагайлар»                                                                          [Бақара 159]

Бундан ҳам муҳими шуки, агар бундай уринишлар жиҳод ва Халифалик ҳукмларига қарши жиддий айблов қўйиш ва ёлғон тўқиш билан қилинса… масалан, жиҳод ва Халифаликка оид ҳукмларга «бундай ҳукмлар инсон ҳаётига хавф туғдиради» ёки «бундай тушунчалар юртга хавф солаётган экстремизмнинг кучайишига сабаб бўлади» каби айбловлар қўйилса… Бу катта хатодир. Чунки, жиҳод ва Халифалик ҳукмлари исломий ҳукмлар бўлиб, бу ҳукмларни ўрганган ва уларни татбиқ қилган киши томонидан инсонга зарар келиши мумкин эмас. Меҳрибон ва Раҳмли Аллоҳ нозил қилган Ислом ҳукмлари башариятни ҳалокатга бошламайди. Зеро, жиҳод ва Халифалик ҳукмларининг қўлланиши башарият ҳолатини ислоҳ қилади.

Эй мусулмонлар, биз бундай адолатсиз сиёсатга жим қараб турмаслигимиз керак. Аниқки, бу сиёсат Умматни исломий шариатдан узоқлаштириш учун қилинган ҳаракатларнинг бир қисмидир. Бу сиёсат Қўшма Штатлар ва Ғарб Умматга қарши аёвсиз ҳужумларини давом эттираётган бир пайтда қўлланмоқда. Улар кеча Афғонистон ва Ироқда Умматга ҳужум қилишган бўлса, бугун Кашмирда, Мьянмада, Ҳиндистон ва Хитойда ҳужум қилишмоқда ҳамда мусулмонларга илмоний қонунларни мажбуран қабул қилдиришмоқда. Шу ўринда айтиб ўтиш керакки, Ислом ҳукмлари ёйилишига қарши уринишлар бўлиб турган бир пайтда бунга пайғамбарлар меросхўри бўлган уламоларнинг жим қараб туриши асло жоиз эмас. Уламолар маъруфга буюриб, мункардан қайтаришлари ҳамда жиҳод ва Халифалик ҳукмлари масаласида ҳақни айтишлари керак. Росулуллоҳ ﷺ айтадилар:

«والَّذِي نَفْسِي بِيَدِهِ، لَتَأْمُرُنَّ بالْمَعْرُوفِ، ولَتَنْهَوُنَّ عَنِ المُنْكَرِ، أَوْ لَيُوشِكَنَّ اللَّه أَنْ يَبْعَثَ عَلَيْكُمْ عِقَاباً مِنْهُ، ثُمَّ تَدْعُونَهُ فَلا يُسْتَجابُ لَكُمْ»

«Жоним қўлида бўлган Зотга қасамки, сизлар албатта маъруфга буюриб, мункардан қайтарасизлар ёки Аллоҳ сизнинг устингизга бир бало (азоб) юбориши мумкин. Шундан кейин сизлар Унга дуо қилаверасизлар, дуоларингиз ижобат қилинмайди». (Термизий ривояти).

Мусулмонларга хавф солаётган бундай адолатсиз сиёсатга қарши гапириш ва унга қарши курашиш барча мусулмонларга вожибдир. Бугина эмас, балки Пайғамбарлик минҳожи асосидаги исломий Халифалик давлатини барпо қилишга ва ўз юртларида исломий шариатнинг тўлиқ татбиқ этилишини амалга оширишга ҳаракат қилишлари вожибдир. Айни шу иш Умматнинг ҳақиқий уйғонишини рўёбга чиқаради ҳамда мусулмонларни уларга етган барча ёмонликлардан халос қилади.

Ҳизб ут-Таҳрир                                                            2 жумодул-аввал 1441ҳ

Индонезия                                                                              28 декабр 2019м