بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Уламоларни жиноятчига чиқариш ва уларга душманлик қилиш

Шимолий Жакарта маҳкамасида динни таҳқирлаш бўйича Жакарта ҳокими Ахок устидан суд жараёни кетмоқда. Бу масала аввал кенг миқёсда ёритилган эди. Ахок 2017 йил 31 январдаги суд мажлисида Маъруф Аминга нисбатан қораловчи, балки таҳдид қилувчи баёнот берди. Маъруф Амин маҳкамага прокурор томонидан гувоҳ сифатида чақирилган эди.

Бундай баёнотга нисбатан биз Ҳизб ут-Таҳрир-Индонезия аъзолари қуйидагиларни таъкидлаймиз:

1 –Биз Индонезиядаги мусулмонлар томонидан юксак ҳурматга сазовар бир олимга нисбатан Ахокнинг ҳақоратини қаттиқ қоралаймиз. Маъруф Амин Наҳзати Уламо исломий жамиятининг ижроий кенгаши раиси ҳисобланади ҳамда Индонезия уламолари кенгашига ҳам раислик қилади. Демак, Маъруф Аминни таҳқирлаш уламоларни ва бутун мусулмонларни таҳқирлаш ҳисобланади.

2 –Ахок қилмишидан бу кимсада Ислом динини ҳурмат қилиш нияти умуман йўқлиги исботланди. Қарангки, у Жузри Алф оролида Қуръони Каримни таҳқирлаганидан сўнг ўз обрўсини ўнглаб олиш ўрнига, энди, Индонезия аҳли юксак даражада ҳурмат қилиб, Ислом Уммати етакчилари сифатида қарайдиган уламоларни таҳқирламоқда.

3 –Ахок ўзининг шайх Маъруф Амин билан собиқ президент Сусило Бамбанг Юдхойоно ўтказган телефон сўзлашувларини қўлга киритганига оид даъвосини исботлаши керак. Акс ҳолда, бу даъвоси қонунан бировнинг сирини ошкор этиш ҳисобланади. Бироқ у буни исботлаган тақдирда ҳам, бу телефон суҳбати ёзувини у қаердан олди, деган қонуний савол туғилади. Агар суҳбатни шахсан ўзи ёзиб олган бўлса, у ҳолда, телефон сўзлашувларга қулоқ солиш билан боғлиқ қонунни очиқдан-очиқ бузган бўлади. Телефон сўзлашувларига қулоқ солувчи манба, дея даъво қилинаётган Ташқи Разведка агентлиги (BIN) эса ўзининг бунга алоқаси борлигини расман рад этди.

4 –Ахок содир этган қилмишларнинг барчасидан, бу кимсанинг Жакартага ҳоким этиб сайланиши асло тўғри бўлмагани тобора исботланмоқда. Бу кимса Жакарта аҳолиси томонидан ҳурмат қилинувчи бир шахсни-етакчи олимни ҳурмат қилмаса-ю, қандай қилиб уни бутун халқ ҳурмат қилсин?! Маълумки, исломий шариат бўйича мусулмон бўлмаган кимсанинг мусулмонларга раҳбар этилиши ҳаром ҳисобланади.

5 –Биз мусулмонларни, хусусан, Жакарта мусулмонларини Ахокнинг иккинчи марта Жакартага ҳоким бўлиши билан боғлиқ фикрини мутлақо рад этишга даъват қиламиз. Ҳамон бу кимсани қўллаб-қувватлаётганларни эса, бундай қилишдан тийилишга чақирамиз. Чунки биз ҳукмдор кофир бўлиши ҳаром эканини очиқ баён этган Қуръони Каримга мусулмон сифатида эргашмоғимиз вожиб. Мусулмонларнинг кофир номзодни қўллаб-қувватлашлари номақбул, Қуръони Каримни очиқ ҳақорат қилган кофирни қўллаб-қувватлашнику, айтмасак ҳам бўлади.

6 –Буларга қўшимча, биз Ҳизб ут-Таҳрир-Индонезия аъзолари уламолар ва исломий ташкилотлар жиноятчига чиқарилишини ҳам қоралаймиз. Бундай жиноятчига чиқариш ортида қасддан хато қидириш бор бўлиб, шу орқали исломий жамоалар орасини бузишга уринилмоқда. Бу хатти-ҳаракат зудлик билан тўхтатиш лозим бўлган зулмкор мустабидлик хатти-ҳаракатидир. Чунки уламолар ва мусулмон жамоаларга босим қилиш Исломга бўлган даъватни тўсишдир. Маълумки, бундай қилмиш инсоннинг қонунан ҳимояланган ҳуқуқини топташдир. Исломий шариат нуқтаи назаридан қараганда, ҳар қандай истибдодий хатти-ҳаракат албатта жазо олмай қолмайди.

حَسْبُنا اللهُ وَنِعْمَ الْوَكِيلْ، نِعْمَ الْمَوْلَى وَنِعْمَ النَّصِير

Бизга ёлғиз Аллоҳнинг Ўзи кифоя. У зот нақадар яхши хожа ва нақадар яхши ёрдамчидир.

Муҳаммад Исмоил Юсанто

Ҳизб ут-Таҳрирнинг Индонезиядаги

расмий нотиғи

Телефон: 0811119796

Электрон почта: Ismailyusanto@gmail.com