Уларнимас, фақат бизни эшитинг!
Уларнимас, фақат бизни эшитинг!
بسم الله الرحمن الرحيم
Олам аҳлини ҳайратга солиб, Ўзбекистон ҳукумати ўз халқига интернетда кимларни эшитиб, кимларни эшитмаслик кераклигини белгилади. Ўзбекистон Республикаси Олий судининг 2019 йил 12 мартдаги қарорига кўра, интернет жаҳон ахборот тармоғининг “najot.info” ва “hizb-uzbekiston.info” веб-сайтлари ҳамда “Facebook”, “Youtube” ва “Telegram” ахборот ресурслари ва ижтимоий тармоқлардаги профиль, канал ва саҳифалари “экстремистик ва террористик” деб топилган. Шундан кейин 40 та канал ва блогерлар рўйхатлари эълон қилинди. Ва “ушбу ахборот ресурсларидаги ахборотларни сақлаш, тарқатиш жавобгарликка сабаб бўлади” дейилган.
Аввалда Исломга қарши олиб борилган расмий ва норасмий кураш Олий суд қароридан сўнг янги босқичга ўтди, дейиш мумкин. Чунки шундан сўнг ДХХ ходимлари ва ИИБнинг диний масалалар бўйича шуғулланувчи вакиллари дуч келган намозхон фуқароларнинг телефонларини титиб, унда топилган диний мавзудаги суҳбатлар учун жарималар ва бошқа хил жазолар тайинлай бошлади. Қизиғи шуки, ўша мавзуларнинг юқоридаги рўйхатга алоқаси борми, йўқми, аҳамият ҳам бермадилар. Қолаверса, ўша узундан-узун рўйхатдаги профилдаги суҳбатлар диндан бошқа нарсани сўзламаслиги уларга ойдек равшан эди. Шу боис аввалда Исломга қарши қандай курашилган бўлса, ўша услубда омматан иймон аҳлига қарши қайта кураш бошлади. Натижада фарзандига араб ҳарфини ўргатган ҳам ходимларга жиноятчи бўлиб кўринди. Ва Исломга қарши кураш яна аввалгидек тус олди. Орага ҳижоб ва соқол масалалари ҳам аралашиб кетди. Чунки ҳукумат ходимлари динга қарши курашни золим Каримов табиатидан мерос қилиб олган. Бошқача кураш услубини ўрганишга тоқатлари ҳам қолмагани боис умумий қоидани ўлчов қилиб олишди. Яъни ҳукумат ёқтирмаган шахсларни ёқтириш жиноят ҳисобланадиган бўлди. Бу билан ўзлари бот-бот такрорлайдиган фикр эркинлигини бўғизлаб қўя қолишди. Ойни этак билан ёпиб бўлмаслигини била туриб ҳамда одамларнинг ўз Исломига қанчалик талпинаётганларини билсалар-да, бу билан ҳисоблашиб ўтиришмади. Қамоқ ва турли жазо чораларини жорий қилиб, қуруқ бўлмасинга анчагина фуқарони қамаб, ибрат бўлсинга телерадио ва матбуотда кенг ёритиб, қўрқув ҳам солишди.
Ҳукумат халқни етаклашга лойиқ мафкураси бўлмаса-да, миллий мафкура, дея бонг урди. Сафсатабоз сарой муллалари ва ҳукумат қошидаги зиёли аталмиш кишилар зиммасига имконсиз вазифа юкланди. Яъни ғояга қарши ғоя, фикрга қарши фикр, жоҳилиятга қарши маърифат шиори остида кураш юкланди. Начора, улар тиришдилар, уриндилар, аммо қозонда бори чўмичга чиқаркан-да. Уларнинг чўмичлари ҳар гал қуруқ чиқиб, шарманда бўлавергач, юқоридаги қонунни чиқариб, яна зўравонлик йўлига ўтди. Қамади, қўрқитди ва ҳануз таъқиб қилиб қўрқитмоқда. Бу ҳолатга назар ташлаган иймонли киши ҳайратдан ёқа ушлашга мажбур бўлади. Наҳотки ўзларини мусулмон санаган ҳукумат вакиллари Исломга қарши курашса?!
Аслида бу ҳайратомуз ишга узоқ ўтмишдан жавоб топамиз. Пайғамбаримиз Муҳаммад ﷺга қарши бўлган мушриклар ҳам Қуръон сураларидек маъно берувчи китоб яратишга барча шоиру ҳикоячиларни бугунги издошлари каби жалб қилиб шарманда бўлгач, ким Муҳаммаднинг сўзини гапирса жазолашга, У зот ﷺни эшитмасликка тарғибни кучайтирганди. Ким эшитса сеҳрланиб, ота-боболари динидан чиқиб кетишидан огоҳ этиб жар солгандилар. Ҳатто одамларнинг баъзилари қулоқларига пахта тиқиб Маккага кирган эдилар. Гарчи кофир мушриклар хоҳламаса-да, бу динни Аллоҳ оламга ёйди.
Ўхшашликни қаранг, сийрат бунчалар эгиз такрорланмаса. Сарой муллалари ҳам интернет орқали инкор қилиб бўлмас қаноатли фикрларга қарши чиқишлар қилди. Улар холис даъватчи олимларга бас келишга буйруқ олиб, мушриклар хатосини такрорладилар. Сафсатабоз маддоҳ муллалар иш бермагач, ҳукумат мушриклар қилган ишнинг айнан ўзини такрорлади. Уларни эшитиб сеҳрланиб, чиройли гапларига учиб ёшларимиз “терроризм”, “экстремизм”га мойил бўлиб, ўз ватанига, халқига хиёнат қилиб қўймоқдалар, дея жар солишдан бошқа чора топмади.
Эй халқ! Бир зум тафаккур қилинг! Булар аввалдаги аҳмоқлар йўлини танлаб сизни ҳам шу хатога чорламоқда. Эй азизликка ҳақли ҳалқ! Сиз ақлингизни ишлатишдан қўрқманг! Бу динни Аллоҳ албатта ғолиб қилажакдир, гарчи кофирлар ва мушриклар, уларга малай ҳокимлар, хоин муллалар хоҳламаса-да.
يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ
– “Улар Аллоҳнинг нурини (яъни Исломни) оғизлари (яъни беҳуда гаплари) билан ўчирмоқчи бўладилар. Аллоҳ эса, гарчи (кофирлар) хоҳламаслар-да, фақат Ўз нурини тўла (яъни ҳар тарафга) ёйишни истайди. У (Аллоҳ) Ўз пайғамбарини ҳидоят ва ҳақ дин билан – гарчи мушриклар хоҳламасалар-да – барча динларга ғолиб қилиш учун юборган Зотдир”. (Тавба:32-33)
Ҳизб ут-Таҳрирнинг Ўзбекистондаги матбуот бўлими аъзоси Зайниддин
30.10.2022й
