Уммат ўз душманларини таниш вақти ҳали ҳам келмадими?

بِسْمِ اللهِ الرَّحْمٰنِ الرَّحِيم

Аллоҳ Субҳанаҳу Ўз каломида дунёдаги икки тоифани сифатлаб ўтди. Биринчи тоифа Аллоҳнинг йўлини ҳақ, деб, Роббисининг кўрсатмаларига амал қилиб, дунёни ислоҳ қиладиганлар бўлса, иккинчи тоифа иймон аҳлига қарши курашадиган дин ғанимлари бўлган куфр аҳлидир. Буни шундай тушуниш мумкинки, дунёдаги ҳамма инсонлар мўминларга дўст бўлмайди, аксинча улар иймон аҳлининг ўз эътиқоди талабида яшашдан тўсадиган, ибодатига имкон бермайдиган инсонлар тоифасидир. Шунинг учун мусулмонлар ким дўст, ким душман эканлигини ажратиб олмасалар, алданишда давом этаверадилар. Биринчи навбатда, биз ўзимизни таниб олишимиз зарур. Биз ла илаҳа иллаллоҳу Муҳаммадар Росулуллоҳ калимасига эътиқод қиладиган мўминлардирмиз.  Ушбу калима ақидамизнинг асоси бўлиб, дунёқарашимиз ҳам, амал қиладиган тузумимиз ҳам, ҳаётдаги барча ишларимиз ҳам унинг устига қурилади. Бизнинг ушбу калимага амал қилишимизга қарши инсонлар тоифаси албатта бор бўлиб, уларнинг ададларини ҳисоби йўқ. Бундай инсонларнинг сифатлари шундан иборатки, улар Аллоҳнинг ҳукмларини ҳамда Унинг Росули бўлган Пайғамбаримизﷺ нинг ҳаёт йўлларини инкор қиладилар. Улар динни ҳаётдан ажратадилар, ҳаёт қонунларини инсон ишлаб чиқиши лозимлигини даъво қиладилар ва инсон эркинликларини муқаддас, деб биладилар. Ушбу тоифа юқорида айтилган куфр аҳли бўлиб, мусулмонларнинг очиқ душманларидир.

Шунингдек, биз уларни танишимизга имкон бермаётган тоифалар ҳам бор бўлиб, ғанимларимизнинг ҳақиқий юзларини биздан яширадилар. Улар ғанимларимизни таом идишларидан таомланадилар, сув идишидан сув ичадилар, уларнинг ҳақиқий башараларини бизга пардозлаб кўрсатадилар. Ушбу зикр қилинган куфр аҳлини ҳурмат қиладиган, уларни чизиб берган чизиқларидан қадамма-қадам йўл босадиган, уларнинг муддаоларини рўёбга чиқаришда хизмат қиладиганлар ҳам улар жумласидандир. Бу тоифа кишилари ким бўлишлари, рангидан, миллатидан, ирқидан ва ўзини мусулмон ҳисоблашидан қатъий назар улар уммат ичидан чиққан хоинлардир.

Узоққа бормайлик, яқин кунлардан бери бутун дунё мусулмонлари Франция президенти Макроннинг Ислом ва мусулмонларга нақадар нафрат билан қарашига гувоҳ бўлдилар. Бу нафрат тилидан билинган бўлса, қалбидаги марази бунданда каттароқ. Аллоҳ Таоло айтади:

قَدْ بَدَتْ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ

– “Сизларни ёмон кўришлари оғизлари (сўзлари)дан аён бўлди, дилларидаги яширган (адоват)лари эса янада каттароқдир”.                    (Оли Имрон:118)

Ғанимларимизни Ислом ва мусулмонларга қилаётган душманликлари бундан ортиқ яна қандай бўлиши керак? Ота-онамизданда азиз бўлган Росулимизга қилаётган ҳақоратлари биз мусулмонларга бўлган адоватини яққол кўрсатди. Шу ҳолатда ҳам баъзилар ғарбга ихлос қўйиб, кофирларни дўст тутаётганини қандай тушуниш мумкин? Шунча ишлардан кейин ҳам кофирларни дўст тутиш, уларни яхши кўриш ақлан носоғломлик бўлмайдими? Қолаверса, уммат ичидан чиққан хоинлар кофирларнинг Исломга нафратлари очиқ кўриниб турса ҳам хамон сукутдалар. Нафақат сукутдалар, балки улар билан бўлган алоқаларини давом эттиришяпти. Аллоҳ Субҳанаҳу Ўз каломида бизларни яҳудий ва насронийларни дўст тутишдан огоҳлантириб, шундай дейди:

يَاأَيُّهَا الَّذِينَ آمَنُوا لاَ تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لاَ يَهْدِي الْقَوْمَ الظَّالِمِينَ

– “Эй иймон келтирганлар! Яҳудийлар ва насронийлар билан дўст тутинмангиз! (Уларнинг) баъзилари баъзилари билан дўстдирлар. Сизлардан кимки улар билан дўст тутинса, у албатта улардан (бўлиб қолур). Албатта, Аллоҳ золимлар қавмини ҳидоят сари йўлламагай”.                        (Моида:51)

Бас, ким ўзининг ҳақиқий душманини танимас экан, унинг ҳолига войдир! У охир-оқибат ҳақиқий дўстларининг кушандасига ва душманининг арзон қурбонига айланади!

Ҳизб ут-Таҳрирнинг Ўзбекистондаги медиа офиси. Зайниддин

07.11.2020й