Қуръон сизларни хор қилишидан қўрқмайсизларми?!
Қуръон сизларни хор қилишидан қўрқмайсизларми?!
بسم الله الرحمن الرحيم
Пайғамбаримиз ﷺ дедилар: “Албатта, Аллоҳ бу Китоб билан бир қанча қавмларни юксалтиради, бошқаларни эса пастлатади”. Муслим ривояти.
Ҳақиқатда, тарих Аллоҳ Ўз ҳукмларига амал қилган ва Унинг йўлига даъват қилганларни шу дунёда ҳам юксалтиргани, Унга куфр келтириб қарши чиққан пасткашларни эса хор қилгани ҳақидаги ҳодисаларга бой. Бу борада Аллоҳ таоло Ўзининг каломида баён қилган бир тарихий воқеликка назар ташлаб ибрат олсак. Маккада Пайғамбаримиз ﷺнинг даъватларига қаттиқ қаршилик қилган Қурайш мушриклари бошлиқларидан Валид ибн Муғийра ҳақида оят нозил бўлади. Аллоҳ таоло дейди:
وَلَا تُطِعْ كُلَّ حَلَّافٍ مَّهِينٍ ﴿١٠﴾هَمَّازٍ مَّشَّاء بِنَمِيمٍ ﴿١١﴾مَنَّاعٍ لِّلْخَيْرِ مُعْتَدٍ أَثِيمٍ ﴿١٢﴾عُتُلٍّ بَعْدَ ذَلِكَ زَنِيمٍ ﴿١٣﴾أَن كَانَ ذَا مَالٍ وَبَنِينَ ﴿١٤﴾إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ ﴿١٥﴾سَنَسِمُهُ عَلَى الْخُرْطُومِ ﴿١٦﴾إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ ﴿١٧
10. Гапига кирманг ҳар қандай пасткаш ёлғончи-қасамхўрнинг. 11. ғийбатчи, чақимчининг. 12. яхшиликдан тўсувчи, гуноҳга ботганнинг. 13. қўрс ва ҳаромининг. 14. Моли ва фарзанди кўплиги туфайли. 15. Оятларимиз ўқилганида: “Олдингиларнинг афсоналари-ку!” дейди. 16. Яқинда бурнига белги қўямиз.
Уламолар фикрича, юқоридаги 10-16 оятлар маккалик мушриклардан Валид ибн Муғийра ҳақида тушган. Аллоҳнинг лаънатига учраган бу разил кимсада оят зикр этган ўнта ёмон сифатнинг ҳаммаси мужассам эди. У Пайғамбаримиз ﷺга кўп пасткашликлар қилар, ўзининг ҳақлигини исботлаш учун тинмай қасам ичарди. Ғийбат ва чақимчиликда унга тенг келадиган одам йўқ эди. Одамларни яхши ишлардан, яъни иймонга келишдан, Пайғамбар ﷺга эргашишдан – икки дунё саодатини қўлга киритишдан тўсарди. У тажовузкор, яъни ҳаддидан ошган золим эди. Ривоят қилинишича, мазкур оятлар тушганидан кейин Валид ибн Муғийра онаси олдига бориб: “Муҳаммаднинг Худоси мени ўнта сифат билан айблади, шундан тўққизтаси менда борлиги аниқ, аммо отам кимлигини билмайман, шуни айтиб бер”, – деди. Шунда онаси: “Сенга ростини айтсам, сен отам деб юрган одамнинг аслида эркаклиги йўқ эди. Фарзандсиз ўтсам, унинг меросидан қуруқ қолишни ўйлаб, саҳродаги бир бетайин чўпон билан зино қилганман, сен ўша зинодан туғилгансан”, – деди.
Аллоҳнинг дини ёйилишига қаршилик қилган инсонни У зот қандай шарманда қилганига эътибор беринг. Уни ёмон сифатлар билан айблаш кифоя қилмай, балки яна ҳам шармандалиси – зинодан бўлганини ошкор қиляпти. Ҳар қандай ғурурли эркак (агар ғурур бўлса, албатта) учун халқ орасида бош кўтаролмайдиган ҳолат.
Бироқ иймон ва куфр ўртасидаги кураш то қиёматгача давом этар экан, ҳар даврнинг Валид ибн Муғийра каби дин душманларини Аллоҳ шарманда қилаверади. Мана шу ерда ногаҳон Ўзбекистон биринчи президенти Каримов алайҳи лаънанинг Ҳизб ут-Таҳрир исломий сиёсий жамоаси даъватчиларига қаттиқ қаршилик қилганини, туҳмату бўҳтонларни ёғдирганини, узоқ муддатларга қамоқларга ташлаганини, ноинсониий зулм қилдирганини эсга олмай бўлмайди. Бунинг сабаби Аллоҳ Валид ибн Муғийрани ҳаромдан бўлганини қандай ошкор қилган бўлса, Каримовнинг ҳам келиб чиқиши кимлигини Ҳизб ут-Таҳрир ўз нашралари орқали асосли тарзда шундай ошкор қилди.
Мирзиёев ҳукумати бугунги кунда Ислом ва мусулмонларга, айниқса Ҳизб ут-Таҳрирга қаршилик қилишда Каримов изидан боришга қасд қилди. Расмий баёнотларимизда Тошкентда суди бўлаётган собиқ сиёсий маҳкумлар ҳақида хабар бериб келяпмиз. Бу биродарлар Каримов даврида узоқ муддат (ками 20 йил) қамоқларда қаттиқ зулмларни бошларидан ўтказганлар. Мирзиёев иқтидорга келгач, булардан муддати тугаганларни озодликка чиқарди. Бироқ ҳеч қанча вақт ўтмай, биродарларни ҳатто оиласининг дийдорига тўйиб улгурмасидан яна қайта қамоққа олиш ишларини бошлаб юборди. Бешафқат бу ҳукумат собиқ сиёсий маҳкумларнинг онаизорларини кўз ёшлари билан ёзган хатларини ҳам жавобсиз қолдирмоқда.
Аллоҳнинг ҳукмини олий қилишга бел боғлаган мусулмонларга қаршилик кўрсатаётган Мирзиёев ҳукумати ва бу жиноятда иштирок этаётган орган ходимлари юқоридаги оятлар ҳақида фикр юргизиб, аслида кимга қарши чиқаётганларини англаб етишса, албатта, ўзларининг манфаати учундир. Акс ҳолда Пайғамбаримиз ﷺ ҳадисларига мувофиқ Қуръон уларни бу дунёда ҳам, Охиратда ҳам хор ва шарманда қилиши ҳеч гап эмас. Яъни Валид ибн Муғийра каби шарманда бўлиб қолмасликларига Аллоҳдан бошқа ҳеч ким кафолат беролмайди. Зеро, Аллоҳ ўз ишида ғолиб Зотдир!
وَٱللَّهُ غَالِبٌ عَلَىٰٓ أَمْرِهِۦ وَلَـٰكِنَّ أَكْثَرَ ٱلنَّاسِ لَا يَعْلَمُونَ
– “Аллоҳ Ўз ишида ғолибдир, лекин одамларнинг кўплари (буни) билмайдилар”. (Юсуф:21)
Ҳизб ут-Таҳрир Ўзбекистон матбуот бўлими аъзоси Салоҳиддин
07.11.2024й
