بِسْمِ اللهِ الرَّحْمٰنِ الرَّحِيمِ

Ҳусийларнинг Қизил денгиздаги кемаларга ҳужум қилишини тўхтатиш учун Америка халқаро коалицияга муҳтожми?

Ямандаги Эрон иттифоқчиси бўлган Ҳусийлар томонидан уюштирилган бир қатор ракета ва дрон ҳужумлари ортидан АҚШ мудофаа вазири Ллойд Остин Қизил денгиздаги савдони ҳимоя қилиш учун кўп миллатли операция бошланганини билдирди. АҚШнинг Яқин Шарқдаги флотига мезбонлик қилаётган Баҳрайнга ташриф буюрган Остин, иштирокчи давлатлар орасида Британия, Баҳрайн, Канада, Франция, Италия, Голландия, Норвегия, Сейшел ороллари ва Испания борлигини айтиб ўтди. Унинг қўшимча қилишича, улар қўшма патруллик хизматини бажаришади. Остин ўз баёнотида «Бу жамоавий ҳаракатни талаб қиладиган халқаро муаммодир. Шунинг учун бугун мен «фаровонлик қўриқчиси» операцияси бошланганини эълон қиламан. Бу хавфсизлик соҳасидаги кўпмиллатли, муҳим ва янги ташаббусдир», деди.

Аниқроқ ўрганиб чиқсак, «фаровонлик қўриқчиси» операциясида иштирок этаётган давлатларнинг ёрдами чекланганлигини кўрамиз. Италия мудофаа вазирлиги аввалроқ Италия кемалари талабига жавобан Қизил денгизга «Виржинио Фазан» фрегати (ҳарбий кемаси) жўнатилишини билдирган эди. Франция ҳам ўз кемалари Франция қўмондонлиги остида қолишини эълон қилди. Испания мудофаа вазирлиги фақат НАТО ёки Европа Иттифоқи бошчилигидаги миссияларда қатнашишини маълум қилди. Шу билан бирга, баъзи иштирокчиларнинг иштироки чекланган. Масалан, Голландия икки зобитни, Норвегия ўн нафар денгиз зобитини Баҳрайнга жўнатади. Ўз кемалари «фаровонлик қўриқчиси» операцияси асосида ишлашини эълон қилган Британия бундан мустасно. Бу Ғарбнинг Америка позицияси атрофида жипслашишга рози эмаслигини кўрсатмоқда. Айрим давлатларнинг қўшилиши ё Америка босими остида ёки ўз манфаатларини ҳимоя қилиш ёки шунчаки диққат марказида қолиш ва халқаро ҳисобларда ўз ўрнини сақлаб қолиш учун бўлди.

Шу ўринда шуни таъкидлаш керакки, аслини олганда айни мақсад сари ҳаракат қилаётган халқаро куч мавжуд ва бу куч «Қўшма ишчи гуруҳ 153» коалицияси бўлиб, у 2022 йил апрел ойида тузилган. Унга 39та давлат, жумладан, Қўшма Штатлар, Саудия Арабистони, Миср, Иордания, Бирлашган Араб Амирлиги, яҳудий вужуди ва бошқалар киради. Расман эълон қилинганидек, бу коалициянинг тузилиши Қизил денгиз ва Адан кўрфазида «террорчилик ва контрабанда фаолиятига» қарши курашишга қаратилган. Шу ўринда муҳим савол туғилади: Америка нега бу халқаро коалиция тузилганини эълон қилди? У Ҳусийларни тўхтатиш учун ушбу коалицияга муҳтожми? Бу саволга тўғри жавоб шуки, Америка Қизил денгиздаги кема қатновини ҳимоя қилиш учун коалиция тузишга муҳтож эмас. Зеро, у ерда унинг кемаларини, шунингдек, у ердаги кема қатновини ҳимоя қилиш учун ташкил этилган «Қўшма ишчи гуруҳ 153» коалициясининг кемалари сузиб юрибди. Биринчи саволга жавоб бериш учун шуни айтмоқчимиз: Нега Америка ушбу янги «Фаровонлик қўриқчиси» коалициясини эълон қилди? Шуни билиш фойдалики, Ямандаги халқаро элчи Ханс Грундберг Яманда барқарор тинчликка эришиш учун низолашаётган томонлар «йўл харитаси»ни имзолаш бўйича келишувга эришганини маълум қилди. У бу келишувнинг келгуси йил бошида имзоланиши кутилаётганини айтди. Маҳаллий, минтақавий ва халқаро томонлар ушбу йўл харитасини олқишлашди. Ҳусийларга қарши коалиция тузилиши ва бир вақтнинг ўзида Ҳусийларнинг Ҳадидада ўз кучларини намойиш қилиши Британия томонидан қўллаб-қувватланган Яман ҳукумати олдида БМТ йўл харитаси доирасида ўтказиладиган музокараларда Ҳусийларнинг улушини оширади. Шу боис, Америка Ҳусийларни Ямандаги сиёсий ҳокимиятга киритиш учун уларнинг қонуний ҳукумат олдидаги мавқеи ва ҳарбий салоҳиятини мустаҳкамлашни хоҳлади. Бу Американинг Британия у билан рақобатлашаётган мамлакатлардаги манфаатларига хизмат қилади. Британия бу рақобатни Рашод Алимий ҳукуматидаги малайлари, Амирликлар ва унинг атрофида бирлашган томонлар орқали олиб бормоқда.

Ғазодаги аҳлимизга ёрдам бериш Қизил денгиз ва Ливан жанубидаги малайларни ҳаракатга келтириш билан бўлмайди. Аксинча, «майдонлар бирлиги» шиори Ғазодаги ёрдам сўраб нола қилганларга ёрдам кўрсатишни ҳамда Ақсо масжиди ва бутун Фаластинни озод қилиш учун армияларни сафарбар қилишни тақозо этади. Аммо Америка режаси бўйича яҳудий вужудини «икки халқ ва икки давлат» ечимига мажбурлаш сари юриш Ислом ва мусулмонларга қарши ҳазорий уруш кетаётган бир пайтда, умуман Ғарбга ва хусусан Америкага хизмат қилади. Америкага икки ҳарам юртидаги ва Кинона заминидаги малайларига ўхшаб очиқ хизмат қилганлар билан, «катта шайтон» ва «Америкага ўлим» шиорлари ортида хизмат қилганлар ўртасида фарқ йўқ. Натижалардан бири шуки, армиялар яҳудийларни йўқ қилишга ва уларни бутун ер юзи бўйлаб кўчириб юборишга имкон берадиган кучга эга бўлиб турган бир пайтда, саксон кундан ортиқ вақтдан буён яҳудий вужудининг жиноятларига сукут сақланмоқда. Бутун Ислом Уммати ва Уммат армиялари олдида фақат битта танлов қолди. У ҳам бўлса, минтақадаги мавжуд малай режимларни – улар «Америкага ўлим» шиорини кўтараётганларми ёки у билан ошкора иттифоқдош бўлаётганларми бундан қатъий назар – қулатиш ва тавҳид байроғини кўтарадиган лойиҳани барпо этиш сари ҳаракат қилишдир.

Роя газетасининг 2024 йил 3 январ чоршанба кунги 476-сонидан

0

0

Related posts:

Америка Яман шимолида Ҳусийлар ҳукуматини ўрнатишга яқинлашдими?! Ямандаги курашаётган томонлар АҚШ ва Британия сиёсатларини ижро қилиш учун одамларни фронтларга сафарбар этмоқдалар Ҳусийларнинг Аллоҳ нозил қилган аҳкомларни татбиқ қилишаётгани қани?! Ҳусийлар нефть маҳсулотлари нархини пастлатиш ўрнига истаганларича кўтариб ўйнашяпти…