بِسْمِ اللَّـهِ الرَّحْمَـٰنِ الرَّحِيمِ

Қўзғолон кемаси тўғри йўлидан оғмасин!

Қўзғолоннинг олтинчи йили тугаб бормоқда. Унда хатолар қалашиб кетиб, йўлдан озишлар кўпайиб кетаётган ҳамда хатокорларни тийиб қўядиган ва Росулуллоҳ САВнинг

«إنَّ النَّاسَ إِذَا رَأَوْا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللهُ تَعَالَى بِعَذَابٍ مِنْهُ»

«Инсонлар қачон золимни кўриб, қўлларидан ушлаб қолмасалар, Аллоҳ Таолонинг Ўз даргоҳидан ҳаммаларига омматан азоб юбориши мумкин бўлиб қолади», деган огоҳлантирувларидан ўзларини бехабар қилиб кўрсатувчи золимларни қўлларидан ушлаб қоладиган одам топилмаётган экан, билингки, қўзғолон кемаси тўғри йўлидан оғишни бошлабди. (Мазкур ҳадисни Абу Довуд, Термизий ва Нисоий ривоят қилган).

Баъзилар ички тушкунликка тушиб, бизни Ғарб давлатлари қўллаб-қувватламагунча, изн беришмагунча, бу режимни ағдариш қўлимиздан келмайди, қўллаб-қувватловсиз қўзғолон бўлмайди, деган ишончга бориб қолган бўлсалар, – ҳолбуки, бу қўзғолоннинг ҳали қўллаб-қувватлов олмай туриб, беҳисоб ютуқларни қўлга киритганига, тақдим этилган қўллаб-қувватловлар эса, уни йўлидан оздириш, қарорларидан айриш ва ўзини йўқ қилиш ниятида регионал малай давлатларга боғлаб қўйиш учун берилганига қарамай – шундай ишончга бориб қолган эканлар, биз Аллоҳ Таолонинг

إِنَّ الَّذِينَ كَفَرُوا يُنفِقُونَ أَمْوَالَهُمْ لِيَصُدُّوا عَن سَبِيلِ اللَّـهِ

«Кофирлар мол-дунёларини албатта Аллоҳнинг йўлидан тўсиш учун сарфлайдилар»    [Анфол 36]

деган каломидан гўё ўзимизни бехабар қилиб кўрсатаётган бўлсак, билингки, қўзғолон кемаси тўғри йўлидан оғишни бошлабди.

Қачон шариат пешволари қўллаб-қувватловчи давлатлар буйруқлари ва кўрсатмаларига мос фатволар чиқарса, қўзғолонни бузувчи ишларни оқлаш ва уларни тиқиштириш учун мана шу фатволардан фойдаланаётган бўлсак, шунингдек уламолар Аллоҳ Субҳанаҳу ва Таолонинг

إِنَّ الَّذِينَ يَكْتُمُونَ مَا أَنزَلْنَا مِنَ الْبَيِّنَاتِ وَالْهُدَىٰ مِن بَعْدِ مَا بَيَّنَّاهُ لِلنَّاسِ فِي الْكِتَابِ ۙ أُولَـٰئِكَ يَلْعَنُهُمُ اللَّـهُ وَيَلْعَنُهُمُ اللَّاعِنُونَ

«Биз нозил қилган ҳужжатлар ва ҳидоятдан иборат нарсаларни одамларга Китобда равшан қилиб берганимиздан кейин беркитган кимсаларни Аллоҳ албатта лаънатлагай ва лаънатловчи зотлар (фаришталар ва мўминлар) лаънатлагайлар»  [Бақара 159]

деган каломидан ҳамда Росули САВнинг

«مَنْ كَتَمَ عِلْمًا ألْجَمَهُ اللهُ بِلِجَامٍ مِنْ نَارٍ»

«Ким илмни яширса, Аллоҳ уни дўзах оловидан бўлган нўхта билан нўхталаб қўяди», деган сўзларидан ўзларини бехабар қилиб кўрсатаётган экан, билингки, қўзғолон кемаси тўғри йўлидан оғишни бошлабди. (Ушбу ҳадисни Имом Аҳмад ривоят қилган, саҳиҳ ҳадис).

Агар муаммоларимиз ечими Ғарб давлатлари ва БМТ қўлида, деган ўйга бориб қолсак, катта жангчи гуруҳлар қўмондонлари эса ўз қарорларини йўқотиб қўйиб, қўллаб-қувватловчи, регионал ва Ғарб давлатлари қарорларини ўз ишларига ўлчов қилиб олишган бўлса ҳамда режим пойтахти билан унинг малайлари ва жиноятчилари минтақалари буфер зонага, қизил чизиққа айланиб қолган бўлса, шунингдек бу қўмондонлар илмонийликни куйловчи ва Аллоҳ нозил қилмаган нарсалар билан ҳукм юритувчи режимлар ортидан эргашиб, америкача ечимни қабул қилиб, шу ифлос ечимни қўзғолон ечимига айлантириб олган эканлар, Аллоҳ Таолонинг

وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُم مِّن دُونِ اللَّـهِ مِنْ أَوْلِيَاءَ ثُمَّ لَا تُنصَرُونَ

«Зулм йўлини тутган кимсаларга таянманг, акс ҳолда, сизга дўзах ўти етади, сиз учун Аллоҳдан ўзга бирон дўст йўқ, кейин (золимларга эргашсангиз) сизларга (Аллоҳ томонидан) нусрат берилмайди»    [Ҳуд 113]

деган каломини унутиб қўйган эканмиз, билингки, қўзғолон кемаси тўғри йўлидан оғишни бошлабди.

Агар биз Ғарб ўйлаб топган «терроризм»га қарши курашни қонхўр режимни ағдариш курашидан афзал билиб, регионал давлатларни ва улар ортида турган кофир Ғарб давлатларини рози қилишга ҳаракат қилаётган ҳамда қўзғолончилар меҳнатини парчалаш, сафларини тарқатиш каби Ғарб манфаатларию режаларига хизмат қиладиган жангларга шўнғиб кетган бўлсак, шунингдек қўзғолончиларни ўз биродарларини қамалдан озод этишдан ва режимни ағдаришдан чалғитувчи нарсалар билан банд қилиб қўйган ҳамда Аллоҳ Субҳанаҳу ва Таолонинг

إِنَّ الْكَافِرِينَ كَانُوا لَكُمْ عَدُوًّا مُّبِينًا

«Шубҳасиз, кофирлар сизларга очиқ душман бўлган кимсалардир»    [Нисо 101]

деган каломидан ўзимизни бехабарга солган эканмиз, билингки, қўзғолон кемаси тўғри йўлидан оғишни бошлабди.

Агар биз меҳмонхонадаги илмоний мухолафатчиларга, ўзларини қўзғолоннинг сиёсий вакиллари қилиб олганларга, Шом замини мужоҳидлари номидан гап сотаётганларга рози бўлиб қолган эканмиз, шунингдек Росулуллоҳ САВнинг

«إذَا وُسِّدَ الأمْرُ إلَى غَيْرِ أَهْلِهِ فَانْتَظِرِ السَّاعَةَ»

«Қачон иш нолойиқ кишиларга топширилиб қолса, қиёмат соатини кутаверинг», деган сўзларидан ўзимизни бехабар қилиб кўрсатаётган эканмиз, билингки, қўзғолон кемаси тўғри йўлидан оғишни бошлабди.

Агар биз очиқ-ойдин лойиҳа, реал мақсад ва унга олиб борувчи йўл бўлиши муҳим эканини тушуниб етмаган бўлсак, режимни қандай ағдариб, давлатни қандай барпо этиш тўғрисида фикрламасдан, Аллоҳ Субҳанаҳу ва Таоло

وَأَنَّ هَـٰذَا صِرَاطِي مُسْتَقِيمًا فَاتَّبِعُوهُ ۖ وَلَا تَتَّبِعُوا السُّبُلَ فَتَفَرَّقَ بِكُمْ عَن سَبِيلِهِ ۚذَٰلِكُمْ وَصَّاكُم بِهِ لَعَلَّكُمْ تَتَّقُونَ

«Албатта, мана шу Менинг Тўғри Йўлимдир. Бас, шу йўлга эргашинглар, (бошқа) йўлларга эргашманг, (агар бошқа йўлларга эргашсангиз) улар сизларни Унинг йўлидан узиб қўяр, шояд тақво қилсангиз, деб сизларни мана шу нарсаларга буюрди»    [Анъом 153]

деган бўлсаю, биз эса, душманларимиз чизиб берган йўлдан юриб, бизни ҳалокатга элтувчи йўлни халос этувчи йўл, деб ўйлаб қолган бўлсак, шунингдек ўзимизни – билмаган ҳолимизда – душманлар мақсадлари ва манфаатларини амалга ошириш учун қўғирчоқ қилиб қўйган бўлсак, билингки, қўзғолон кемаси тўғри йўлидан оғишни бошлабди.

Агар яхшиликка даъват қилиш «фитна»га айланиб қолган бўлса, макр ва тил бириктирувни фош этиш «одобсизлик»ка айланиб қолган бўлса, реал исломий сиёсий лойиҳани таклиф этиш «хом хаёл»га айланиб қолган бўлса, ён беришлару қонларни зое кетказишлардан огоҳлантириш «низо чиқариш»га айланиб қолган бўлса, шунингдек, Аллоҳга очиқ ҳужжат билан холис даъват қилувчи киши эшитувчи қулоқларни тополмай қолган бўлса, бироқ ботилга сукут қилиб, унинг фитнасига қулоқ солиш ва олқишлаш эса «донолик» ва «зукколик»ка айланиб қолган экан, Аллоҳ Субҳанаҳу ва Таолонинг

وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَاصَّةً ۖ وَاعْلَمُوا أَنَّ اللَّـهَ شَدِيدُ الْعِقَابِ

«Сизлардан фақат золим кимсаларнинг ўзигагина етмай (балки барчага етадиган) балодан сақланинг ва билингизки, албатта Аллоҳнинг азоби қаттиқдир»  [Анфол 25]

деган каломидан ўзимизни билмаганга солаётган эканмиз, билингки, қўзғолон кемаси тўғри йўлидан оғишни бошлабди.

Эй Шом заминидаги собир мусулмонлар!

Қўзғолон кемасидаги ёриқ каттая бошлади, кема ўз йўналишини йўқотишига ва душманлар фитнаси томон сузишига бир баҳя қолмоқда… То Аллоҳнинг Ўзига холис иш қилиб, Унинг мустаҳкам арқонини маҳкам ушлаб, кофирларнинг барча арқонларини қирқиб ташламас эканмиз, Аллоҳ ҳаққи, ғарқ бўламиз-нажот топмаймиз.

Шунча тўкилган қонлар, берилган қурбонлар, вайрон бўлган уй-жойлар, етим қолган гўдаклар, ҳижрат қилган оилалар, топталган номуслар, ҳамма-ҳаммаси бизники, аҳлимизникидир. Шундай бўла туриб, қандай қилиб бу нарсаларимизнинг бировлар томонидан сотиб юборилишига қўйиб берамиз?! Наҳотки, шунча меҳнатдан сўнг яна куфр билан бошқарилсак, яна репрессия ва зулм остида яшасак?! Наҳотки, шу хор ҳаётга эришишимиз учун шунча қийинчиликларни тортган бўлсак, ахир, бу ҳаётни барча тафсилотигача душманларимиз чизиб беришдику, уни ифлос сиёсий ечимлари билан тиқиштиришдику, ўзлари бизга қийинчиликлар пайдо қила туриб, «сизнинг барча қийинчиликларингизга якун ясаймиз», дейишдику?! Ҳақни маҳкам ушласак, бўлмайдими?! Ҳақки, уни ушлашга Роббимиз буюрган ва қўзғолонни бошлагандан бери шу ҳақни эълон қилиб, етакчимиз тоабад, саййидимиз Муҳаммад, деганмиз. То Роббимиз рози бўладиган мақсадларимизни ва ўзгармас қарорларимизни рўёбга чиқармагунимизча, қўзғолонни давом эттирамиз, дея бутун дунёга жар солганмиз. Ўзгармас қарорларимиз нима эди?! Улар биринчи: қонхўр режимни барча арконларию башаралари билан ағдариш, иккинчи: Пайғамбарлик минҳожи асосидаги рошид Халифалик давлатини барпо этиш, учинчи: куфр давлатидан озод бўлиб, кофирлар нуфузига якун эсаш эмасмиди?!

Эй Шом заминидаги сабрли мусулмонлар!

Ҳа, аччиқ ҳақиқатлар мана шулар. Бу ҳақиқатлар бизни кема йўналишини қайта тўғрилаб олишимизга албатта ундамоғи, Шомда берган буюк қурбонларимиз олдида буюк масъулиятларимиз билан бизни таништирмоғи лозим. Буюк масъулиятларимиз нималардан иборат эди?! Улар ҳар биримиз қўзғолонимизга осилиб, уни ўғирлашга ва қурбонларимизни сотишга уринаётган кимсаларни даф қилиш позициясини эгалламоғимиздан иборат. Кемага тушганларнинг жони битта: ё барчамиз нажот топамиз ёки барчамиз ғарқ бўламиз. Бу ҳақда Росулуллоҳ САВ бундай деганлар:

«مَثَلُ الْقَائِمِ عَلَى حُدُودِ اللهِ وَالْوَاقِعِ فِيهَا كَمَثَلِ قَوْمٍ اسْتَهَمُوا عَلَى سَفِينَةٍ فَأَصَابَ بَعْضُهُمْ أَعْلاَهَا وَأَصَابَ أسْفَلَهَا فَكَانَ الَّذِينَ فِي أَسْفَلِهَا إِذَا اسْتَقُوا مِنَ الْمَاءِ فَمُرُّوا عَلَى مَنْ دُونَهُمْ آذُوهُمْ فَقَالُوا لَوْ أَنَّا خَرَقْنَا فِى نَصِيبِنَا خَرْقًا فَاسْتَقَيْنَا مِنْهَا وَلَمْ نُؤْذِ مَنْ فَوْقَنَا فَإِنْ تَرَكُوهُمْ وَمَا أَرَادُوا هَلَكُوا جَمِيعًا وَإِنْ أَخَذُوا عَلَى أَيْدِيهِمْ نَجُوا جَمِيعًا»

«Аллоҳнинг чегаралари олдида тўхтаган киши билан ундан ўтиб кетган кимса худди бир кемада шерик бўлган қавмга ўхшайдилар. Бу қавмнинг айримлари кеманинг юқорисидан, айримлари пастидан жой олдилар. Пастдагилар агар сув олмоқчи бўлсалар, тепадагилар олдидан ўтиб уларга озор берардилар. Шунда улар – агар пастдан бир тешик очиб олсак, ундан сув олаверардик ва тепамиздагиларга озор бермаган бўлардик, деб қолишди. Бас, уларни бу мақсадларида тек ташлаб қўйсалар, ҳаммалари ҳалок бўладилар. Агар уларни қўлидан ушлаб, тўхтатиб қолсалар ҳаммалари қутулиб қоладилар». (Имом Бухорий ривояти).

Бугунги бурч-вазифа: жиддий ҳаракат қилиб, йўналишни тўғрилаб олиш, етакчиларни тўғри йўллаш, хато қилганлардан ҳисоб талаб қилиш, уруш савдогарлари бўлган жинояткорларни маҳкамага тортиш, бўлинганларни Аллоҳнинг Китоби ва Росули САВнинг суннатларидан истинбот қилинган оддий тўғри сиёсий лойиҳа атрофига бирлаштирмоқдир. Ушбу сиёсий лойиҳа режим аъёнлари тиқиштирган лойиҳа ҳам, Ғарб давлатлари сиёсатчилари чизиб берган лойиҳа ҳам, нафс-ҳаводан келиб чиққан лойиҳа ҳам эмас. Йўқ, у қонларни ҳимоя қиладиган, номусларни сақлайдиган, Умматни кофир Ғарбга қуллик қилиш жаҳаннамидан қутқарадиган лойиҳа, яъни, биз сиз биродарларимиз учун илинаётган Пайғамбарлик минҳожи асосидаги рошид Халифалик лойиҳасидир. Биз бу борада сиз Шомдаги аҳлимиз ва мужоҳид биродарларимизнинг онгингизга, ёлғиз Аллоҳга бўлган холислигингизга ва майдондаги саботингизга ҳамон ишонмоқдамиз. Чунки айни курашда қўшин тарозиси палласини оғир қилувчи ҳам сизсиз, куфр лойиҳасини барбод қилиб, малайларини мағлуб этадиган ҳам сиссиз, Ислом лойиҳасини тикловчилар ҳам, унга даъват қилаётганларга нусрат-ёрдам берувчилар ҳам сиссиз.

Шундай экан, биз сиз мусулмонларни дунёю охират азизлигига, Пайғамбарлик минҳожи асосидаги рошид Халифаликка, Аллоҳ томонидан берилувчи нусрат ва яқин фатҳга, кенглиги еру осмонларча бўлган жаннатга, буюк Аллоҳ ризосига… даъват қилмоқдамиз.

Роббингиз ваъдасига ва Росулингиз САВ башоратларига чуқур ишонинг, нусрат ёлғиз Роббимиз қўлида эканини унутманг, бас, уни ёлғиз Ўзидан талаб қилинг:

إِن يَنصُرْكُمُ اللَّـهُ فَلَا غَالِبَ لَكُمْ

«Агар сизларга Аллоҳ нусрат берса, ҳеч ким сизлардан ғолиб бўлолмайди»  [Олим Имрон 160]

Аллоҳдан ўзгадан талаб қилиш, ёрдамсиз қолишдир:

وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ

«Агар сизларни (Аллоҳ) ёрдамсиз қўйса, Ундан ўзга ҳеч бир зот ёрдамчи бўлолмайди, мўминлар Аллоҳнинг ўзигагина таваккал қилсинлар-суянсинлар!»  [Олим Имрон 160]

Шунинг учун Аллоҳдан ёрдам сўранг, сабр қилинг, карами кенг ва қудрати улуғ Аллоҳнинг ушбу каломини эсланг, тадаббур қилинг:

إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ

«Биз росулларимизга ва мўминларга дунё ҳаётида ҳам, гувоҳлар ҳозир бўладиган кунда ҳам албатта нусрат берамиз»     [Ғофир 51]

Ҳизб ут-Таҳрир                                                                2 муҳаррам 1438ҳ

Сурия вилояти                                                                 3 октябр 2016м

0

0

Related posts:

Бас, анави коалициянинг қўлидан ушлаб, конференциянинг ўтказилишига йўл қўйманг Демократия ва диктатурани йўқ қилинг Халифалик давлатини барпо қилиш учун Ҳизб ут-Таҳрир билан бирга ҳаракат қилинг! Умматнинг Тунисдан бошланган қўзғолонига тўрт йил бўлди «(Қуръон) одамлар огоҳлантирилишлари учун (Аллоҳ тарафидан нозил қилинган) бир баёнот-хабардир»