بِسْـــمِ اللهِ الرَّحْمٰـــنِ الرَّحِيـــم

Роя газетаси:

Қўзғолон ортидан келган ҳукуматлар Тунис қўзғолонини мустамлакачилар қўлига топшириб, ўз малайликлари жавобгарлигини инсонларга юклашмоқда

Ҳижрий 1439 йил 23 робиус-соний, милодий 2018 йил 10 январ чоршанба куни «Би-Би-Си араб хизмати» сайтида бундай хабар нашр қилинди:

«Тунис раҳбарларининг таъкидлашича, ҳукумат ўзи қабул қилган тежамкорлик сиёсатига қарши бир неча шаҳарларда норозилик намойишига чиққан 200дан зиёд шахсни ўтган бир неча тунлар мобайнида қамоққа олган.

Дарҳақиқат, ҳукумат бензин, айрим товарлар, автомобиллар, телефон сўзлашувлар ва Интернет хизмати, меҳмонхонада яшаш ҳамда баъзи ресурслар нархини январ ойидан бошлаб кўтаришга қарор қилганидан бери Тунис кўчалари тобора ғазабнок намойишчиларга тўлганди. Бу қарор ҳукуматнинг хорижий донорлар билан келишган ҳолда қабул қилган чора-тадбирлари доирасида чиқарилган.

2018 йилги бюджетга доир айни чора-тадбирлар доирасига ишчи-ходимлар маошини 1 %га камайтириш қарори ҳам киради ва буни ҳукумат ижтимоий фондни маблағ билан таъминлашдаги камомадни тўлдиришга ҳисса қўшиш билан изоҳлади.

Бу норозилик намойишлари, 2011 йилда коррупция ва ишсизликнинг кенг тарқалиши сабабли Тунисни ўз домига тортган ҳамда «араб баҳори», дея аталиб, бошида президент Зайнулобидин ибн Алининг ишдан олинишига олиб борган йирик намойишларнинг етти йиллиги хотиралари билан бир вақтда бошланди.

Роя газетаси шарҳи:

Тунисдаги ушбу навбатдаги намойишлар – қўзғолондан кейинги ҳукуматлар вақтида ҳам юрт бошдан кечираётган азоб-уқубатларнинг қанчалик даражада оғир эканини кўрсатиб турибди. Зеро, Ғарб – ўзларини Тунис аҳли халоскори сифатида кўрсатаётган ҳукуматлар ёрдамида, қўзғолонни жиловлаб, йўқ қилишга муваффақ бўлди. Сўнг ҳеч қанча вақт ўтмай, бу ҳукуматларнинг орқадан туриб пичоқ ургани, Ибн Али режимидан ҳеч ҳам фарқ қилмаслиги маълум бўлди. Улар яна куфр дастурларини татбиқ этишда давом этиб, Аллоҳ шариатига қарши уруш бошлашди, шариатнинг ҳокимият тепасига келишини олдини олишда ўлиб-тирилиб ҳаракат қилишди. Ҳатто Аллоҳ шариатини барпо этишга ҳаракат қилаётганларга қарши кураш олиб бориб, ҳамма балонинг уяси бўлган ўзларининг илмоний конституцияларига зид, деган баҳона билан Ҳизб ут-Таҳрирни тақиқлашга киришишди. Бу ҳукуматлар юрт бойликларини мустамлакачи кофир қўлига топшириб қўйди ҳамда қайси юртга кириб борса, албатта унинг аҳлини қашшоқлаштирадиган Жаҳон Банки ва Халқаро Валюта Фондидан иборат вайрон қилувчи иккита муассаса кўрсатмаларини қабул қилиб, одамларни яна қашшоқликка, танг аҳволга қайтарди… Мана, бугун бу ҳукумат ўзининг шунча жиноятлари ва мустамлакачиларга малай эканлиги гуноҳини одамларга юкламоқда.

Уммат аҳволи фақат Ислом билан ислоҳ бўлади. Лекин, Ғарб қўйнидан паноҳ топиб, мустамлакачилару уларнинг думлари қўл остида улғайган, хамелеонлик ва одамларга иккиюзламачилик қиладиган ҳамда Аллоҳдан ҳеч қўрқмай, бандаларидан уялмай, тарози палласи қаёққа оғир босса, ўша томонга оғиб кетадиган ҳукумат ва партиялар бундай шарафга ҳаргиз муяссар бўлмайди.

Роя газетасининг 2018 йил 17 январ чоршанба кунги 165-сонидан

+2

0