بسم الله الرحمن الرحيم

Ўзбекистонда “ИШИД” хавфи қанчалар ҳақиқат?

Ҳақиқатда Ўзбекистонда Ироқ ва Суриянинг бир қисмини ўз назоратига олган ИШИД ташкилотининг хавфи борми? Агар бундай хавф мавжуд бўлса, у қандай даражада? Нега ҳукумат раҳбари ҳар чиқишида ўз халқи олдидаги барча масъулият ва бурчларини унутиб, қандайдир таги йўқ ваҳималарга урғу бермоқда? Бундай ваҳимали гапларни тасдиқлаш мақсадида сохта, қўлбола портловчи қурилмалар кимлар томонидан ҳаракатга келтирилмоқда? Нега кутилмаганда ИИВ мулозими матбуотда чиқиш қилиб, бу миш-мишларни асоссиз, дея баёнот берди?

Бу каби саволларга жавоб излар эканмиз, баъзи фактларни келтириб ўтишни лозим деб топдик. Чунончи, АҚШ ва шу каби мустамлакачи давлатлар томонидан, 11 сентябрь ходисалари ва яқинда содир бўлган Париж воқеалари ёки Ўзбекистон халқига таниш бўлган 1999 йил 16 феврал Тошкент портлашларини ташкил этишдан кўзланган асосий мақсад мусулмонларни бутун дунёга “ола бўжи” қилиб кўрсатиб, сийқаси чиқиб кетган терроризм ва экстремизмга қарши курашни баҳона қилиб, аслида Муборак Шом қўзғолони каби уммат қўзғолонларига босим ўтказиш мақсадида бутун дунё давлатлари билан бирга Ислом ва мусулмонларга қарши оммавий курашадиган янгидан-янги иттифоқлар тузишдир.

Ушбу етакчи давлатларнинг шу кунларда уйқусини қочирган хақиқат шулки, яъни  яқин кунларда эълон қилинажак хамда шахдам одимлар билан жахон сахнасига кириб келаётган, Буюк Исломий Халифалик Давлатига тўсиқ яратиш мақсадида, бутун дунёдаги куфр мамлакатлари харбий кучларини ягона блокга жамлаш мақсад қилинган. Чунки янги давлат хаёт майдонига келар экан, унга хеч қандай куч бас кела олмаслигини маккор ғарб жуда яхши англаб турибди. Сабаби, қачонки Усмоний Халифалик давлати қудратда бўлган давр мобайнида на Европа ва на Америка бугунгидек майда давлатларнинг хақ хуқуқларини паймол қилишга журъат қила олмаганлар.

Энди Ўзбекистондаги асл воқеликка қайтсак, бу ҳукумат иқтисодий, сиёсий жиҳатдан таназзулга етиб келди. Бу ҳолатни шу юртда яшаётган ҳар бир ақлли, фаросатли кексаю ёш, эркагу аёл кўриб гувоҳи бўлиб турибди. Ҳукумат шахсан Каримов халқдаги сабр бардошни тугаганини кўриб турибди. Шунинг учун, ҳукумат халқни янада қаттиқ қўрқитиб, эшитса одамни кўнгли айнийдиган “тинчлик” ни ушлаб турганларини бот-бот такрорламоқда ва террор хавфига алоҳида урғу бермоқда. Ҳа, ҳукуматнинг чорак асрдан буён ёлғонларга бурканган алдов сиёсати мазлум халққа таъсир этмаслигини тушуниб етган Каримов, энди халқни ИШИД билан қўрқитмоқда. Асл хақиқат эса, ИШИД Ўрта Осиёга хавф солгани йўқ ва у бунга интилаётгани ҳам йўқ.

Шу ўринда Қирғизистон президенти Алмазбек Атамбаев 24 декабр куни йил якунлари бўйича ўтказган матбуот анжуманида сўзлаган нутқида айтдики; Мени “ИШИД” қўрқувга солмайди, дея очиқ ўз фикрини баён қилди. Чунки, дея ўз фикрини давом эттириб, қўшни мамлакатларда, жумладан Ўзбекистонда оқ дўппи кийиш тақиқланганини, соқол қўйиш мумкин эмаслигини эслатиб ўтар экан, “Тақиқлаш ҳеч қаерга олиб бормайди, аксинча ёппасига тақиқ қўйилган мамлакатларда бундай харакатларга талпиниш кўпайиб бормоқда. Бутунлай тақиқ қўйиш керак эмас,у холда одамлар қўлларига қурол олишади, халқда ҳукуматга бўлган ишончсизлик, радикализм кучайиб боради”, деб ўз қарашларини баён этди – ҳукумат рахбари Атамбаев.

Аммо, золим Каримов бошлиқ ҳукумат эса, ИШИД ва террор хавфини баҳона қилиб, бутун юрт бўйлаб мусулмонларни динидан тўсиш, қамоққа олиш, янада кучлироқ босим ўтказиш, турли текширувлар ўтказиш каби амалиётларга кенг йўл очиб олмоқда. Жумладан, “Озодлик” шу мавзуга алоқадор бўлган қуйидаги хабарларни тарқатган эди:

“Тошкентда "кийиниш маданияти"ни бузган рўмоллилар имзоси йиғиляпти”,

“Тошкентдаги туғруқхоналарда ҳижоб ёки рўмол ўраган аёллар ишдан бўшатилмоқда”,

“Рўмол ечтириш кампанияси Андижонга кўчди”,

“Фарғона бозорларида томоқ тагидан ўралган рўмоллар ечтирилаяпти”,

“Намозхон: Имом оқ дўпписини ечмаганлар масжиддан ҳайдалишини айтди”

“Ўзбекистон ИИВ аҳолини ИШИД ҳақидаги овозаларга ишонмасликка чақирди”

Шунингдек, золим Каримов хукумати “ИШИД” хавфини ёлғондан авж олдириш билан бирга, бирин кетин оддий мусулмонларни “ИШИД” га алоқадорликда айблай бошлади. Албатта бу вахимали ёлғонларга ишонган халқ Исломий амаллардан янада узоқлашадиган бўлди.  Бугунга келиб эса, ўзининг нима қилаётганини билмай қолган ҳукумат хатто насроний йигитга ҳам шу ёлғон билан туҳмат қилмоқда. “Озодлик” сайтининг 28 декабрь кунги “Жиззахлик насроний армани йигит “ИШИД”чига чиқарилди” мақоласидан иқтибос келтирамиз:

“Жиззахлик фермер, асли миллати армани бўлган Арамаис Авакян ИШИДга хайрихоҳликда гумон қилиниб, 4 сентябрдан бери ҳибсда қолмоқда. Аммо яқинлари 33 яшар Авакяннинг ҳибсга олинишига унинг фермерлик фаолияти сабаб бўлганини айтишади. Яқинлари унинг тергов давомида қийноққа тутилаётганини айтишмоқда.

“Эримни тергов пайтида ўлдиришган бўлса керак, келтирган озиқ-овқат ва дори-дармонларни ҳам қабул қилмай қўйишди”, деди Озодлик билан суҳбатда маҳбуснинг хотини Ширин Турсунова.

“Арамаис Авакян ва унинг 4 нафар шериги “Ўзбекистон Республикасининг конституциявий тузумига тажовуз қилиш” (Ўзб.ЖК 159-модда) ва “Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш” (Ўзб.ЖК 244-модда) каби моддалар бўйича айблов эълон қилиниб, судгача эҳтиëт шарти билан, ҳибсда қолмоқда. Авакян бундан ташқари 169-модда, яъни “ўғирлик” бўйича ҳам айбланмоқда. Терговни аввалига Дилмурод Болбеков исмли терговчи олиб борган¸ Шерзод Ҳолов эса тугатиб судга топширган. Тергов 7 декабрда тугади¸ маҳбуслар судни кутишяпти", деди Озодлик манбаси.

Озодлик билан суҳбатда маҳбуснинг хотини Ширин Турсунова эрига қўйилаëтган айблар тўқима эканлигига эътибор қаратди.

"Эрим насроний эди. Омин қилишни ҳам билмасди. Унга тўҳмат қилиб, исломий экстремист, деган айбни юклашмоқчи. Соқол қўйгани масаласига келсак, арманиларда одат бор: яқинлари ўлганида 40 кун соқолни олмай юришади. Эрим укаси ўлганда ва бобоси оламдан ўтганда шу одатга риоя қилиб, соқолини олмай юрганди¸ дейди суҳбатдош.

14 декабрь куни Жиззах шаҳрининг Бобур махалласида бўлиб ўтган фаоллар йиғилишида маҳалла раиси ҳали устидан суд ҳуми ўқилмаган Арамаис Авакянни “ИШИДчи ва террорчи”, деб атаган ва МХХдан келган мактубни ўқиб берган.Шунингдек, хукуматнинг малай ижрочисига айланиб улгурган махалла фаолллари, насароний йигитнинг оила аъзоларини тез кунда, яшаётган уйларидан бадарға қилиш билан дағдаға қилганлар”. Шу ерда иқтибос тугади.

Куни кеча ИИВ мулозимининг маҳаллий интернет нашрига берган интервьюсида террор хавфи ҳақидаги миш-мишларга ишонмасликни айтганига келсак, бу ҳам ҳукумат қилаётган “ўйин” нинг бир қисми холос. Бундай баёнот тарқатишдан мақсад халқни янада қўрқитишдир. Агар кучишлатар тузилмалар ҳақиқатдан ҳам ўз вазифаларига холислик билан ёндошганларида эди, биринчи навбатда, Каримов бошлиқ жиноятчи ҳукуматни ағдариб ташлаган бўлар эдилар. Ана ўшалар ҳақиқий террорчилардир.

Ҳизб ут-Таҳрирнинг Ўзбекистондаги медиа офиси Зайниддин.

30.12.2015й.