Ўзгартириш учун ҳақиқий истак керак

بِسْمِ اللهِ الرَّحْمٰنِ الرَّحِيم

Ҳаётимиз, бу бизнинг ҳаётимиз! Шундай экан, унинг устида бош қотириш, ғам қилиш, ҳаракат қилиш бизнинг вазифамиздир. Асло бошқаники эмас. Унда нега доимо бошқалардан ёрдам кутамиз ва ёрдам сўраймиз, жумладан уларнинг тажрибасига таянамиз? Эътиборингиз учун маълум қилиб қўйишимиз керак, бошқалар бу куфр аҳлидир. Ёрдам кутишимиз ва сўрашимизга мисолларни кўплаб келтириш мумкин. Ҳаётимизнинг асосий қисми ўша бошқаларнинг лойиҳалари бўйича шакллантирилмоқда. Уларнинг лойиҳаларини сиёсий, иқтисодий, ижтимоий (яъни эр ва хотин ўртасидаги муносабатларда), айниқса таълим соҳаларида қўллашга ҳаракат қиламиз. Қўллаш ҳам гапми, мақтаб, осмонларга кўтарамиз, худди уларнинг лойиҳаларини жорий қилсак ҳамма муаммоларимиз ечим топадигандек гўё. Ҳа, ҳар сафар шундай, яъни бошқаларнинг ҳар бир лойиҳаси татбиқ қилиниши олдидан шундай. Шундай ҳис қилишади, шундай ҳис қилишга ишонтиришади ва шундай ҳис қилишга мажбурлашади. Лекин ҳар гал натижа ўша-ўша. Кимларнидир бойлиги кўпаяди, уммат яна ўз ҳолатида яшашни давом эттиради. Агар ҳолати янада ёмонлашмаса, бошқа ўзгариш йўқ. Бироқ ўйланмасликнинг иложиси ҳам йўқ. Қачонгача шу ҳолат давом этади?! Ахир, ҳаётимиз бу бизнинг ҳаётимиз. Уни шу ҳолатда қолдириш ҳам ёки ўзгартириш учун ҳаракат қилиш ҳам бизга боғлиқ.

إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ

– “Аниқки, то бирон қавм ўзларини ўзгартирмагунларича, Аллоҳ уларнинг аҳволини ўзгартирмас”.         (Раъд:11)

Хуллас ўзгартириш керак, ўзгартирмасак бўлмайди. Бошқа томондан қарайдиган бўлсангиз, ўзгартиришга мажбурлигимиз эътиқодимиз билан ҳам боғлиқдир. Шунинг учун ўзгартиришни исташимиз керак. Бу истак, шунчаки бирор нарсага эга бўлиш тўғрисидаги етиб бўлмайдиган орзу эмас. Етиб бўлмайдиган истак умидсизликка сабаб бўлади. Умидсизликка сабаб бўладиган истак ёки мақсад аслида ўз имкониятини тўғри баҳолай олмасликдан келиб чиқади. Имкониятлар баҳолаб бўлинган. Шариат бизнинг ўлчовимиз. Ҳар бир ишни шариатга мувофиқ бажарсак бўлди. Чунки шаръий ўлчов Яратувчиникидир. Банданики ожизлик, нуқсонлиликдан келиб чиқади, лекин Ислом ундай эмас. Бизнинг имкониятимизда Исломга мурожаат қилиб иш қилиш мавжуд. Демак, ютуқ бизда. Бунинг учун эса, ҳақиқий истак керак!

Ҳизб ут-Таҳрирнинг Ўзбекистондаги медиа офиси. Абдуллоҳ

11.04.2020й