Залолатга етакловчи шоулар қулига айланиб қолманг

بِسْمِ اللهِ الرَّحْمٰنِ الرَّحِيم

Ҳар бир инсон ўз ҳаётини моддий жиҳатдан таъминланган бўлишини хоҳлайди ва бунинг учун муайян бойликни қўлга киритишга интилади. Бу ишни амалга ошириш кайфиятини ўзидаги мавжуд тушунчалар асосига қараб белгилайди. Натижа эса, тушунчалар асосининг, яъни ақиданинг тўғри ёки нотўғрилигига боғлиқ бўлади. Бойликни қўлга киритишда тўғри асосга таянадиган бўлсак, унинг натижаси ҳаётимизни фаровонлигини таъминлаб, қалбимизни хотиржам қилади. Аксинча нотўғри асосга таянишимиз тубанликка олиб боради. 

Бугун ҳаётимизга ниҳоятда усталик билан, турли услуб-воситалар ёрдамида ботил капитализм ақидасининг тушунчалари киритилмоқда. Ўзимиз сезмаган ҳолда унга маҳлиё бўлиб, ҳар қандай йўл билан енгил бойлик орттириш орқали дунё лаззатларидан кўпроқ баҳраманд бўлишга интилган худбин ва очкўз кимсаларга айланиб бормоқдамиз. Ўзимиз англамай ҳаётимизга татбиқ қилишга уринаётган ботил ақида эса, ўзининг тушунчалари орқали тобора залолатга етакламоқда. Бунинг воқесини ҳаётий бир мисол ёрдамида кўрсак.

Бугунги кунда инсонларнинг диққат-эътиборини турли шоулар орқали ўзига жалб қилувчи қимор ўйинлари оммалашди. Одамлар уларнинг қулига айланиб, қаердаки жамлансалар суҳбатларининг асосий мавзусига айланди. Иштирок этиш мақсадида барча талабларини иштиёқ билан адо этилиши, сехрлангандек томоша қилиниши оммалашишига сабаб бўлмоқда. Бу шоулардан – ботил ақида таъсирида одамларда  шаклланиб улгурган ҳалол ва ҳаромга ажратмаган ҳолда бойликка эга бўлишга интилиш сабабли – таъсирланиш шу даражада кучли бўлмоқдаки, уларнинг асли қимор эканлиги ҳеч кимни ўйлантирмаяпти.

Бу ҳолат бойликни қўлга киритишда ботил ақидага таяниб, зеҳнимиздан унинг ботиллигини исботлаб, унга қарши туриши мумкин бўлган Ислом ақидасини йироқлаштирганимиз оқибатидир. Агар биз бу шоуларга исломий ақидадан туриб баҳо берганимизда уларнинг асл ҳақиқатини ва мусулмон учун уларда иштирок этиш ҳаромлигини англаган бўлар эдик. Чунки шариат қиморни қатъий ман қилиб, у орқали топилган бойликни ҳаром қилган. Аллоҳ Таоло айтади:

يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالأَنصَابُ وَالأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ + إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلاَةِ فَهَلْ أَنْتُمْ مُنتَهُونَ 

– “Эй мўминлар, aроқ, қимор, бутлар ва чўплар (билан фолбинлик қилиш) шайтон амалидан бўлган ҳаром ишдир. Бас, нажот топишингиз учун уларнинг ҳар биридан узоқ бўлинг! Ичкилик, қимор сабабли шайтон ўрталарингизга буғзу адоват солишни ҳамда сизларни Аллоҳни зикр қилишдан ва намоз ўқишдан тўсишни истайди, холос! Энди тўхтарсизлар!”.   (Моида:90-91) 

Шундай экан, қиморга асосланган турли шоуларда иштирок этиб  қўлга киритган бойликларимиз, уларни томоша қилиш, иштирок этиш учун шартларини бажариш орқали оммалашишига сабабчи бўлишимизнинг ҳисоб-китоби борасида тафаккур қилайлик. Арзимас дунё матоси учун Охиратда аламли азобга дучор бўлиб қолмайлик. 

Ҳизб ут-Таҳрирнинг Ўзбекистондаги медиа офиси. Салоҳиддин

07.10.2019й