بِسْمِ اللهِ الرَّحْمٰنِ الرَّحِيم

Матбуот баёноти

Жаҳон гўзали мусобақаси муслималар номуси тижоратидир

Бу йил Тунисда «Жаҳон гўзали» танлови уюштирилиб, 2016 йил 25 декабрда «Сайлгоҳ гумбази» саройида унинг ўтказилиши белгиланди. Биз Ҳизб ут-Таҳрир-Тунис вилояти матбуот бўлими аёллар қаноти танлов ҳомийлари тайёргарлиги ва баёнотларини кузатар эканмиз, қуйидагиларни таъкидлаймиз:

Бу ташаббуснинг Исломий Умматимизга алоқаси йўқ ва у жамиятимизга ёт одат бўлиб, бузуқликни кучайтиради. Бугун аёллар сон-саноқсиз турмуш муаммоларини бошдан кечираётган бир пайтда, бундай мусобақага йирик миқдорда маблағ ажратилганидан, унга тарғибот-ташвиқотлар олиб борилаётганидан афсусдамиз. Шунинг учун барча холис инсонлар бундай нобакор ташаббусни бойкот қилмоқлари лозим.

Бугун Тунис ҳукумати ихтиролар ва илмий изланишлар олиб бораётган ҳар бир шахсни ҳаддан ташқари фикрлаш, айблови билан қамоққа ташламоқда. Бунинг ўрнига энг яхши илмий изланиш ва энг яхши университет каби беллашув уюштириши ёки юқори баҳо олган талаба қизларни тақдирлаш, Қуръон ҳофизаларини саралаш мусобақаларини ташкиллаштириши лозим эди. Аммо ҳукумат энг яхши илмий изланиш, энг яхши баҳо каби беллашувлар ташкил қилиш ўрнига, энг гўзал ярим яланғоч қизлар мусобақасини ташкиллаштирди! Чунки бундай мусобақа шубҳали ва хавфлидир, унинг на ислоҳотга алоқаси бўлсин ва на аёллар тараққиётига.

Аёл киши илм-фан инқилобига муҳтож. У бундай разил мусобақада пастга урилишга муҳтож эмас. Бу мусобақа аёлнинг устувор масалаларига кирмайди. Аёл киши дўкон ойнасига кийим кийдириб қўйиладиган қўғирчоқ сифатида муомала қилинишга эмас, балки уй бекаси ва она, деган эътиборда, жамиятнинг илм-фан, ахлоқ-одоб жиҳатидан юксак интилишларини шакллантиришга жуда муҳтож. «Жаҳон гўзали» конкурси эса яланғочлик ва фаҳшга чақириши жиҳатидан, аёл кишини бузмоқда. Чунки бунга ўхшаш тадбирлар исломий сақофатимиз ва асосларимизга ётдир.

Бундай заҳриқотил ташаббуслар баъзи онгсиз ёшларнинг майллари ва қизиқишларидан фойдаланади. Бу ташаббуслар шундай бир услубга асосланадики бу услуб ёшлар ақлида бўшлиқни пайдо қилиш учун уларни фикрлашдан фориғ этади ҳамда юксаклик ва мумтозлик миқёси сифатида ташқи кўринишга таянади.

Аёллар танасини «Жаҳон гўзаллари» ва модалар конкурсларидаги бир товарга айлантириб қўйилган экан, бундай ташаббуслар капиталистик ҳазоратда аёл кишига нисбатан ишлаб чиқариш қуроли ва бойлик орттириш воситаси сифатида муносабатда бўлинишини акс эттириб турибди. Дарҳақиқат капиталистик ҳазоратда аёл кишига нисбатан гўзаллик тимсоли, декоратив унсур ва учрашувлардаги манзарали материал сифатида муомала қилинади. Натижада, аёл киши кўплаб саноат материалларини реклама қилишдаги муҳим воситага айланди, ҳатто бирорта ҳам телевизион ёки кўчаларга илинадиган рекламалар ясанган аёл суратидан холи бўлмай қолди!

Тунислик аёлларга ёт бу каби мусобақаларни тиқиштиришдан юртимиз аёлларини исломий шахсияти ва сақофатидан ажралган фоҳишанамо бузуқ қилиб тасвирлаш кўзланган. Бу билан фикрий ва сиёсий қарамликни мустаҳкамлаган ҳолда Ислом юртларида ғарблик аёл моделини яратишмоқчи.

Тунислик аёллар ҳар қандай иффатли пок муслима сингари, динини севадилар, уларнинг азизлиги, улуғлиги ва поймол бўлган ҳурматларини қайта тиклайдиган исломий бошқарувга муштоқлар. Шунинг учун капитализмнинг бизни ерга уриб, таҳқирлашига ҳаргиз йўл қўймаймиз, Ғарб ва ғарбпарастларга бизнинг номимиздан иш тутишларига асло рухсат бермаймиз.

Тунис аёли айни дунёвий кўзқарашдан озод бўлишга ҳаракат қилмоқда. У истаётган озодлик Аллоҳ Субҳанаҳу ва Таолонинг қонунчилик ҳуқуқини инкор этувчи капитализм асосида ҳамда аёл танаси ва номусини савдо қилинувчи товар, деб ҳисоблаётган демократия асосида эмас, балки фақат Ислом асосида бўлмоғи лозим. Демак, Тунисдаги ва бутун исломий юртлардаги аёлларимиз учун ягона ечим, Аллоҳ шариати билан ҳукм юритиш ва Пайғамбарлик минҳожи асосидаги Халифалик давлатини барпо этишдан иборат. Ушбу давлатгина аёлларни инсонийлик даражасига қайта кўтаради ҳамда ушбу ҳаётда ҳеч шериксиз ёлғиз Аллоҳнинг Уммати бўлиб яшаш, Аллоҳ шариати ва адлияси билан хотиржам бўлиш ҳуқуқини қайта тиклайди.

وَاللَّـهُ مُتِمُّ نُورِهِ وَلَوْ كَرِهَ الْكَافِرُونَ

«Аллоҳ, гарчи кофирлар истамасалар-да, Ўз нурини тўла ёйгувчидир»  [Саф 8]

Ҳизб ут-Таҳрирнинг Тунисдаги матбуот бўлими аёллар қисми

Телефон: 71345949, 21430700

Факс: 71345950

Матбуот бўлими сайти: www.ht-tunisie.info