بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Журналист Шомул илмоний демократия қурбонларининг навбатдагисидир

Ҳукумат тепасидаги «Авоми Ассоциациаси» номли террорчи партия гуруҳлари ўртасида бўлиб ўтган тўқнашувда «Шамкол» газетаси ходими журналист Абдулҳаким Шомул ҳалок бўлди. У ўзининг журналистлик вазифасини ўтаётган пайтда юз берган отишмада бошидан яраланиб, олган жароҳати натижасида вафот этди.

Давлатнинг ўз фуқароларини мунтазам қатағон қилиши натижасида бутун бир халқ унинг қурбонига айланиб қолган экан, журналистларнинг бу зулмдан омон қолишини тасаввур қилиш қийин. Журналистлар билан боғлиқ бу ҳодиса янгилик эмас. Бошқа журналистлар ҳам Сагир Ранига қилинган ваҳшиёна суиқасд каби бунга ўхшаш ҳодисалар қурбони бўлганлар. Бу жиноят ҳамон ҳукумат томонидан очилмай келяпти. Табиийки, бу каби ҳодисаларга биргина пикетлар ўтказиш ва журналистик суриштирув олиб бориш билан чек қўйиб бўлмайди. Балки биз муаммони илдизигача етиб бормоғимиз ва уни жамоатчиликка етказишга ҳаракат қилмоғимиз лозим. Бу муаммо Авоми Ассоциациаси партиясининг ўзи билангина боғлиқ эмас, балки унга асосан, илмоний капиталистик демократия сабаб бўлди. Демократия одамларни худбинларга ва ҳокимият учун ҳеч нарсадан тап тортмайдиган ваҳшийларга айлантирди. Жамиятдаги беқарорлик, диктаторларча қатағон қилишга асосланган идеологик зулм ортида ҳам мана шу нарса турибди. Чунки бундай зулм «охири ким кучли бўлса ўша қолади», деган ўрмон қонунига асосланган.

Қадрли журналист ака-ука ва опа-сингиллар!

Сизнинг вазифангиз муайян партияни ёки бутун дунёда одамларга бахтсизликдан ўзга нарса келтирмаётган демократик низомни ҳимоя қилиш эмас. Йўқ, сизнинг масъулиятингиз улкандир. У ҳам бўлса, мақолалар тайёрлаш ва улар орқали ҳақиқатни етказиш, бу ҳақиқатдан воқиф бўлишлари учун одамларга ёрдам бериш ҳамда Умматни тўғри йўлга йўллашдир. Агар сиз ушбу омонатни сидқидилдан етказсангиз, Аллоҳ Субҳанаҳу ва Таолодан ажри азим оласиз. Бир вақтнинг ўзида, бу омонатга бефарқ қарасангиз ва шахсий манфаатингизни ўйлаб, Умматга хиёнат қилсангиз, бу Умматнинг сиздан ҳисоб талаб қилишини ҳам унутманг. Анави мустабид режимга ёрдам бериб, ёлғон хабар тарқатиш гуноҳинику, айтмасак ҳам бўлади. Шундай экан, коррупциячи сиёсатчиларнинг золим илмоний демократик тузумни ҳимоя қилишда сиздан фойдаланишларига йўл қўйманг. Бугун ушбу репрессиячи режим шароитида ҳақ-ҳуқуқ ҳимоя қилинмаслиги ва инсон хавфсизлиги таъминланмаслигига ўзингиз ҳам амин бўлдингиз. Сизга яхши маълумки, одамлар бундай манфур режимдан умидини узган, Уммат астойдил бошқа альтернатив изламоқда. Шунинг учун сиз ушбу ҳақиқатни етказиб, илмоний демократиянинг қабиҳ башарасини фош этмоғингиз лозим. Аллоҳ Субҳанаҳу ва Таоло айтади:

وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنتُمْ تَعْلَمُونَ

«Ҳақни ботилга аралаштирманглар ва билган ҳолингизда ҳақни беркитманглар»                                                                             [Бақара 42]

Ҳизб ут-Таҳрирнинг

Бангладешдаги матбуот бўлими

Телефон: +880 1713008822

Факс: +880 29558854

Электрон почта: Info@khilafat.org

Адрес: H. M. Siddque Mansion, 55/A Purana Paltan,

4th Floor (Next to Grand Azad Hotel), Dhaka 1000

0

0