Масжид ал-Ақсо ва мазлумлар ҳимоясига шошилинг!
Масжид ал-Ақсо ва мазлумлар ҳимоясига шошилинг!
بسم الله الرحمن المرحيم
7 октябрь куни эрта тонгда Фаластинлик жангчилар босқинчи (Исроил) эгаллаб турган ҳудудларга ҳужум уюштирди. Фаластинликлар яҳудий вужуди линиясини ёриб ўтиб, бир неча пунктларни назорат остига олди. 75 йилдирки куну тун босқинчи яҳудийлар зулми остида яшаб келган Фаластинликларнинг бу ҳужуми (Исроил)нинг катта баҳо берилган “замонавий армияси” ва “Темир гумбаз” ҳаво мудофаа тизимлари оз сонли мўминлар қаршисида ҳеч бир нарсага ярамаслигини исботлади. Мустамлакачи Англия пайдо қилган, сўнгра Америка тарбиялаб вояга етказган ва ҳозиргача бор имконияти билан ҳимоя қилиб келаётган бу ташландиқ босқинчи яҳудийлар охирги пайтларда – янада ҳаддидан ошиб – мунтазам равишда мусулмонлар қўлидаги ерларни ҳам ўзига қўшиб олаётгани ва Масжид ал-Ақсони жирканч оёқлари остида топташгача журъат қилаётгани Фаластинликларни бу ҳужумни уюштиришга ундади. Аслида Масжид ал-Ақсо мусулмонларнинг эътиқодий масаласи ҳисобланади. Мусулмонларнинг илк қибласи ва зиёрат қилиш ибодат саналган бу улуғ маскан жойлашган Фаластин заминини босқинчи яҳудлардан озод қилиш нафақат Фаластинликлар, балки барча мусулмонларнинг зиммасидаги фарздир. Мана шу иймон талаби билан (Исроил)га қарши курашга кирган фаластинлик мусулмонлар атрофидаги ўз биродарларидан албатта ёрдам кутган эди. Чунки бу муборак замин ва ундаги Қуддус уларнинг ҳам муқаддасоти бўлади. Бироқ мусулмонлар ичидаги қувват эгалари ва давлат тизгини қўлида бўлган хоин раҳбарлар фаластинликларни ёрдамсиз ташлаб қўйди. Американинг сиёсий режаларига мувофиқ Украинага “Bayraktar” дронларини, Озарбайжонга эса турли қуролларни етказиб берган Эрдўған Туркияси Фаластин масаласида популистик чиқиш қилишдан ўзгасига ярамаяпти. Мусулмон ўлкалари раҳбарлари қатори Ўзбекистон ҳукумати ҳам Ҳамаснинг ҳарбий ҳаракатига нисбатан доимий навбатчи гап бўлиб қолган музокаралар орқали тинчлик ўрнатиш таклифи билан чиқди. (Исроил) уюштираётган бугунги ғайриинсоний ҳужумларга эса, сукут сақлашдан нарёғига ўтмади. Америка билан тил бириктириб, ўз халқига фитна уюштирувчи бу ҳукуматларнинг бундай хиёнати сабабли (Исроил) ҳаво кучлари душанбадан сешанбага ўтар кечаси Ғазо минтақасидаги 200 дан ортиқ муҳим объектларни бомбалади. Шунингдек, яҳудий босқинчиларига қарши оз сонли мусулмонлар уюштирган ҳарбий ҳаракатни “11 сентябр” ҳодисаси сифатида қабул қилган (Исроил) тарафи Ҳамасни, аниқроғи бутун мусулмонларни Фаластиндан сиқиб чиқаришни англатувчи катта урушга киражагини эълон қилди. Шу сабабдан Ғазодаги инфратузилмани бузиб, мусулмонларни сув, озиқ-овқат, дори-дармон, электр таъминотидан ва кириш-чиқиш йўлларидан маҳрум қилган ҳолда масжидларни, мактабларни, касалхоналарни, муҳожирлар лагерларини ва турар-жой биноларни ваҳшиёна тарзда бомбардимон қила бошлади. Оқибатда мусулмонлар жуда танг аҳволда қолиб, ҳатто қулаган бинолар остидан яқинларини олиб чиқишга ҳам имконлари қолмади. (Исроил) бочқинчилари Ғазо аҳолисига Миср назорат қилувчи чегара пункти орқали чиқиб кетишни айтди. Америка назоратидаги Юнисеф ташкилоти эса, Ғазодан чиқиб кетиш учун инсонпарварлик даҳлизи очилишини сўради…
Бундан ташқари, Америка (Исроил)ни – унинг шунча улкан жиноятига қарамай – катта миқдордаги ҳарбий ва молиявий ёрдам билан доимий дастаклашини маълум қилди. Британия, Франция ва Хитой эса (Исроил) фойдасига баёнотлар беришди. Фаластинга нисбатан уюштирилаётган бундай даҳшатли жиноятлар мусулмонларни ғафлат уйқусидан уйғотиши ва кофирлар жамоасига қарши курашиш иймон масаласи эканлигини тушунишга ундамоғи зарур. Зеро, уруш бу муқаддас заминга мустамлакачилар ва яҳудийлар қадам босган кунда бошланди, унинг тугаши ҳам Фаластинни улар бутунлай тарк этишига боғлиқдир.
Эй мусулмонлар!
Заиф тахтлари-ю хор тожларини сақлаб қолиш мақсадида ўзларини душманларнинг қучоқларига отаётган, уларнинг фойдасига умматнинг муқаддас нарсаларидан воз кечаётган бу малай ҳокимлар Фаластинни яҳуд ифлослигидан озод қила олишмайди. Шунингдек, кучсиз Фаластин маъмурияти ҳам уни қутқара олмайди. Фаластинни Умар фатҳ қилди, уни салибчилардан Салоҳиддин озод қилди. Шундай экан, яҳудлар ифлослигидан тозаланиб, пок бўлиш учун Фаластин бугун Умар ва Салоҳиддинларнинг ҳақиқий набираларига муҳтож.
Биз юқорида Фаластин масаласи ёлғиз Фаластин аҳлининг ёки арабларнинг масаласи эмас, балки умумисломий масаладир, дедик. У барча мусулмонларнинг мулки бўлиб, уни қайтариб олиш йўлида улар қонлари-ю жонларини фидо қилишлари вожибдир. Унинг бирор қаричи ҳақида сусткашлик қилиш Аллоҳга, Расулига ва мўминларга хиёнатдир. Аллоҳ Фаластинни яҳудлар қўлидан қутқариб олиш учун (исроил) вужудини таг-томири билан йўқ қилиш ҳамда уни Америка ва бошқа кофир давлатлар ҳукмронлигидан озод этиш йўлида жиҳод қилишни мусулмонларга вожиб қилган.
Ҳақиқий муаммо мана шундан иборат. Унинг воқесига тўхталадиган бўлсак, у ўтган ўн йиллар мобайнида Америка ва Британия ўртасида давлатлараро кураш майдонига ва халқаро масалалардан бирига айланиб қолди. Бу нарса Усмоний Давлат қулатилиб, кофир Ғарб давлатлари минтақага ўзлари хоҳлагандек янгидан шакл беришга қайтганларидан кейин юз берди. Фаластин аҳли ўтган ўн йилликлар давомида бу курашнинг “ўтини”га айланди. Яъни Фаластинликлар кўпинча хоин, сохта “лидер”лар томонидан мустамлакачи кофир тегирмонига сув қуядиган пуч ваъдалар ва ҳалокатли битимларга қонлари-ю жонларини тўлов сифатида бериб келдилар.
Яқин шарқ инқирози бўйича таклиф қилинган ечимларда Америка белгилаган лойиҳа ва тадбирлар устун бўлиб, қолганлар шулар асосида ва курашдаги ўринларига мувофиқ юришга, ҳаракат қилишга мажбур бўлиб қолди. Араб ҳокимларининг эса, бу режаларни амалга оширишдан бошқа роллари йўқ. Яҳуд вужуди Америка наздида арзанда бола бўлиб, унга қурол-аслаҳа, асбоб-ускуна ва мол-дунё билан, балки икки фуқаролиги бўлган кишилар билан ҳам ёрдам беради.
Ҳокимият мулозимлари ва араб ҳокимлари Европа ва Америкадаги мустамлакачи кофирларни дўст тутаётганлари, (Исроил)ни давлат сифатида қабул қилиб, у билан нормаллаштириш битимларини тузиш ва дипломатик алоқаларни ўрнатишга уринаётганлари – буларнинг ҳаммаси Америкага таслим бўлишни, мусулмонлар юртларининг бебаҳо бойликларини, хусусан муборак, покиза Фаластин ерини унинг қўлига топширишни ифодалайди.
Шунингдек, бу нарсалар Американинг енгилмаслиги ва мағлуб бўлмаслигини англатмайди. Йўқ, унинг аскарлари ва қурол-аслаҳалари қанчалар кўп ва юқори тайёргарликдан ўтган бўлишига қарамасдан, пиёда аскарлар тўқнашувида юзма-юз келишга ва жасорат кўрсатишга тоқат қилолмайди. Ироқ ва Афғонистонда қийин аҳволдан ўзларини қутқара олмаганликлари бунга ёрқин далилдир.
Эй мусулмонлар!
Албатта, сизлар душманларингизни бартараф қилиш ва босиб олинган Ислом ерларининг ҳар бир қаричини қайтариб олишга қодирсиз. Нафақат шу, балки уларнинг юртларини фатҳ қилишингиз, яхшиликни оламнинг ҳамма тарафига ёйишингиз ва дунёга қайтадан маёқ бўлишингиз ҳамда инсонлар учун чиқарилган энг яхши уммат бўлишингиз мумкин.
Бу ишларнинг барчасини қилиш сизнинг вожибингиз ва имконингиздаги ишдир. Бунинг тариқати, тўғри йўли эса Рошид Халифалик давлатини барпо қилишдир. Мусулмонларнинг юртлари мол-дунё ва эр кишилар юртларидир. Булардан ташқари, бу юртлар улуғ мабда ва улуғ Ислом замини бўлиб, Уммат шу Ислом билангина тирик бўлади ва ХХI асрда Американинг, куфрнинг зулму туғёнидан, товламачилигидан қутулади.
Албатта, сизлар бу дунёда энг муҳим марказий ўринни эгаллаган умматсизлар. Шунинг учун сизларнинг юртларингиз – стратегик жиҳатдан муҳим ўринни эгаллагани ва Аллоҳ сизларга инъом этган улкан бойликлар сабабли мустамлакачи кофир давлатлар ўртасида рақобат ва тортишиш майдонига айланиб қолди. Бас, кофирлар сизларнинг яхши нарсаларингизни ва мавқеларингиз улуғлигини билиб, ўша нарсалар учун ўзаро рақобатлашаётган бир пайтда, сизлар Аллоҳ берган буюк неъмат ва қувват манбаингиздан кўз юмасизларми?!
Жуда кўп фатҳларни амалга ошириб, кўплаб халқларни ботил динлари ва бузуқ миллатчиликларини тарк қилишга бошлаган сизлар эмасми?! Дарҳақиқат, Ислом уларни битта Умматга айлантириб, ягона йўл устида жамлади ва ҳаракатга келтирди. Бу ишларни бажарган сизлар эмасми?!
Мўғул-татарлар ўз куч-қувватининг энг чўққисига кўтарилган даврда уларни мағлуб қилиб, аксар уруғларини Исломга киргизмадингизларми?! Мана, бугунга келиб уларнинг қолганлари мусулмонлар юртларининг шимолида Исломни кўтариб яшамоқдалар.
Сизларнинг ерларингизда мамлакатлар қургандан кейин салибчиларни мағлуб қилмадингизми?! Кейин уларни еру осмон рад қилиб, шарманда ва хор ҳолда мағлуб бўлмадиларми?!
Бугуннинг тоғутлари бўлмиш Америка, Британия ва уларнинг тобелари ҳам аввал ўтганларнинг жинсидандир. Улар битта жангнигина кўтара олганлар, холос. Ундан кейин шармандаларча мағлуб бўлганлар. Дарҳақиқат, Ҳиттийн салибчиларнинг йиқилишига дебоча бўлган бўлса, Айни Жолут татарлар ҳалокатининг бошланиши бўлди ва бу жанглар уларнинг биносини ва вужудини вайрон қилган ҳал қилувчи жанг бўлди. Шундай экан, бу жангни Халифаликдан бошқа ким бошлайди?! Дарҳақиқат, Халифалик аскаридан ўзгалар кўп қурол-аслаҳа ва катта қўшинларга эга бўла туриб, динлари ва дунёлари бузуқлиги сабабли жанг қилишмади ва охиратларини дунёдаги озгина матога алмаштиришди.
Фақат Халифаликкина Америка ва Британияни халқаро майдондан четлатишга, халқаро майдонда Америка ҳокимлигини таг-томири билан йўқотишга, оламни уларнинг ёмонликларидан ҳимоя қилиб, бутун дунёга яхшиликни ёйишга, Исро ва Меърож ери бўлган Фаластинни босқинчи яҳуд вужудидан халос қилишга ҳамда Фаластинни тўлалигича озод қилишга, Ислом диёрига қайтаришга кафил бўла олади.
Буларнинг ҳаммасини амалга ошириш сизларнинг қўлингиздадир, эй мусулмонлар!
فَلَا تَهِنُوا وَتَدْعُوا إِلَى السَّلْمِ وَأَنتُمُ الْأَعْلَوْنَ وَاللَّهُ مَعَكُمْ وَلَن يَتِرَكُمْ أَعْمَالَكُمْ
– “Бас, бўш келманглар ва ўзингиз устун бўлиб туриб, келишувга чақирманглар. Аллоҳ сиз билан ва (У Зот) амалларингиз мукофотини камайтирмас”. (Муҳаммад:35)
Ҳизб ут-Таҳрир Ўзбекистон матбуот бўлими аъзоси Абдураҳмон
15.10.2023й
