Ғазо оламни йиғлатди: Эй оламлар Роббиси, иймон аҳлини ўзинг қўзғат!
Ғазо оламни йиғлатди: Эй оламлар Роббиси, иймон аҳлини ўзинг қўзғат!
بسم الله الرحمن المرحيم
Фаластин ерларига бир вақтлар нажот излаб кириб келган яҳудийлар ҳаддидан ошди, қутуриб кетди. Улар инсон қиёфасига яширинган иблис лашкарлари эканини ошкор этишди. Куфрбоши Америка доимий ҳамтовоқлари Англия, Франция ва бошқа мустамлакачи давлатлар билан биргаликда сионист яҳудийларнинг ваҳшиёна ғайриинсоний жиноятларини қўллабгина қолмай, қирғинбарот қуроллар билан дастакламоқда. Фаластиннинг жабрдийда аҳли яна бир геноцид-оммавий қирғинга юз тутмоқда. Ғазо осмони бегуноҳ гўдаклар, оналар, қариялар ноласига тўлиб тошди, шоҳид бўлди. Ҳақиқий рижоллар билан жанг майдонида тўқнаш келишга дов беролмаган қўрқоқ яҳудийлар тинч аҳоли устига тонналаб бомбалар ёғдирмоқда. Ғазода вайрон бўлмаган уй, қонга тўлмаган кўча қолмади. Муқаддас замин иблис ва унинг яҳудий лашкарлари бомбалари остида вайроналарга айланмоқда.
Huffington Postда эълон қилишича, сионистлар тинч аҳолидан Ғазони тарк этишни талаб қилганидан бир неча соат ўтгач, АҚШ Давлат департаменти расмийлари учта иборага қарши ички огоҳлантиришларни эълон қилди: “узлуксиз бомбардимон/оташкесим”, “зўравонликни кучайтириш/қон тўкилишига чек қўйиш” ва “тинчликни тиклаш”. Бу ички огоҳ Америка тарафидан зудлик билан юборилган қирғинбарот бомбалар карвони ортидан берилганди. Тинч аҳолига Ғазони тарк этишга берилган сионистларнинг буйруғи, аслида олам кишилари учун тарқатилган хабар бўлиб, аҳоли Ғазони тарк этиши, чиқиб кетиши мумкин ҳудудлар аллақачон тўсиб қўйилган эди. Бу оммавий қирғин ва геноцид режаси эди холос.
Сионистлар деярли барча куфр давлатлари тарафидан керагидан ортиқ қўллаб-қувватланмоқда. Бунда Фаластин ён қўшниси Иорданиянинг малай раҳбари Америка қирғин қуроллари учун дастлабки коридорни очиб берган бўлса, Миср, Сурия, Эрон ҳукуматидаги малайлар эса, чегараларни мустаҳкамлаш билан Фаластин аҳлига Уммат ўғлонларининг ёрдамга боришларидан тўсмоқдалар. Дарҳақиқат, Ислом ўлкаларидаги мунофиқ малай ҳокимлар сионист яҳудийларни номигагина қоралаш билан чекланаётган бўлса, баъзилари гуманитар ёрдам карвонларини чегаралар яқинида тўхтатиб қўйишгача бормоқда. Шу ўринда айтишимиз лозимки, Шом аҳлини бомбалаб қирғинбарот қилган қотил Путиннинг (исроил) босқинига қарши билдирган фикридан ранг олиб, зўрға тилга кирган Марказий Осиё раҳбарлари ҳам, сионистлар қирғинига қарши икки жумладан, расмиятчиликка кўра гапириб ўтишди. Ваҳшиёна қирғиндан қалблари қонга тўлган мусулмонлар жума хутбаларида имомларнинг одоб-ахлоқ маърузаларидан бошқасини эшитмадилар. Уммат ўз устиларидаги хоин раҳбар ва имомларнинг шармандали юзларига бугундагидек гувоҳ бўлмаган эди. Улар Иброҳим алайҳиссаломга ёқилган оловга сув пуркаган чумоли обрўсидан ҳам маҳрум қолдилар.
Ҳа, Ғазо оламни йиғлатди, Умматнинг қалбини янада жипслаштирди. Мусулмонлар билиши лозимки, Масжид ал-Ақсо озодлиги аслида бутун инсоният нажотидир. Бу замин ер юзидаги барча иймон аҳлининг оғриқли нуқтасидир. Уни фақат Фаластин ёки араблар муаммоси, дея талқин қилувчилар олам аҳлига хиёнат қилаётган кимсалардир. Қолаверса, бу малай ҳокимлар ва хоин имомлар ўзларининг бундай тутуруқсиз сўзлари билан аллақачон аланга олаётган, уйғонаётган вужуд танасидаги кўричакка айланиб бўлдилар.
Фаластин мужоҳидлари энг замонавий қуролларга эга яҳуд (исроил) қалбидаги қўрқувни янада кучайтирди. Рижол ўғлонларини яҳуд вужудига қарши отлантирган оналар бомбалар зарбидан қонга беланган ҳолида ҳам, уларга ғалаба тилаб дуо қилишдан тўхтамадилар. Бу замин мусулмонлари Аллоҳ ва Расулининг ваъдаларидан қувватланган солиҳлардир. Улар Аллоҳ Таолонинг:
لَنْ يَضُرُّوكُمْ إِلَّا أَذًى وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُون
– “Улар сизларга озор беришдан бошқа ҳеч қандай зарар етказа олмайдилар. Агар сизлар билан урушсалар, кетларига қараб қочадилар. Сўнгра уларга (ҳеч ким томонидан) ёрдам берилмайди” (Оли Имрон:111) — деган кўрсатмаларини воқеда гувоҳлари бўлган азизлардир.
Дарҳақиқат, бугунги яҳудийлар ўша Бану Қайнуқо, Бану Назир, Бану Қурайза ва Хайбар яҳудийлари авлодлари, ворисларидир. Алдов, хиёнат, фисқу фужур, қўрқоқлик ва расволик ўша боболаридан мерос. Улар Аллоҳ Таоло томонидан азалда битиб қўйилган хорлик ва зорликка маҳкум ҳақирлардир.
Бу ташландиқ қавмни Муқаддас заминга йиғиб, уларни “исроил давлати” дея тан олиб ўз юртларида хотиржам ўтирган кофирларнинг бугун тинчи бузилган. Чунки улар жуда яхши биладики, бу заминдаги яҳудийлар мағлубияти бутун куфр тузумининг сўнгги инграшидир. Яҳуд қавми Аллоҳнинг арқонидан узилиб, ўзи ғарқ бўлаётган дунё ва охиратнинг абадий, ўта аламли ва шармандали ботқоғига хожаларини ҳам тортиб кетмоқда. Ачинарлиси, мусулмон ўлкаларнинг рувайбиза ҳокимларига қўшилиб қанча-қанча сарой муллалари ҳам кўр муридларини Нуҳ алайҳиссалом кемасидан юзини бурган жоҳил қавм каби бало уммонига чўктирмоқдалар. Нима ҳам деймиз, биз сўзладик, чақирдик эшитмадилар, кўрсатдик кўрмадилар, эслатдик эртак, дедилар. Худди Аллоҳ Таоло ўз каломида марҳамат қилганидек:
صُمٌّ بُكْمٌ عُمْيٌ فَهُمْ لَا يَرْجِعُونَ
– “(Улар) кар, соқов, кўрдурлар, демак (йўлларидан) қайтмайдилар”. (Саф:13)
Тобора яқинлашаётган тонг шуъласидек оламга бўй чўзаётган нусрат онлари яқинлашмоқда. Яҳудийларга қарши кўтарилган ва кўтариладиган адолат қиличи уларнинг босқинларига албатта барҳам берур. Бугун Уммат вужудини бир-биридан айириб турувчи сохта чегара симлари қўзғолаётган уммат ўғлонларини тўсишга эртага яроқсиз бўлиб қолур. Чунки уммат ўз ҚАЛҚОНИ байроғи остидаги жиҳодни қўмсамоқда ва унинг ортидаги азизликни ич-ичидан ҳис этмоқда. Пайғамбаримиз Муҳаммад ﷺ башорат қилган Халифаликни қўмсамоқда. Зеро, имом Аҳмад муснадида Ҳузайфадан ривоят қилинган ҳадисда Содиқ ал-Масдуқ ﷺ:
«…ثُمَّ تَكُونُ خِلَافَةً عَلَى مِنْهَاجِ النُّبُوَّةِ»
«…Кейин Пайғамбарлик минҳожи асосидаги Халифалик бўлади», дея марҳамат қилганлар.
Эй Роббимиз, Ғазо умматни йиғлатди, Сен бу умматни Сарвари коинот ﷺ башорат қилган мўминлар амири – халифа ортида сафланмоғига изн бер, Умматни ҳақ чақириғингга лаббай дегизиб, қўзғат! Амийн ё Роббал-оламийн.
Ҳизб ут-Таҳрир Ўзбекистон матбуот бўлими аъзоси Зайниддин
15.10.2023й
