Ислом ақлий, руҳий ҳамда сиёсий ақидадир
Ислом ақлий, руҳий ҳамда сиёсий ақидадир
9-қисм
بِسْمِ اللهِ الرَّحْمٰنِ الرَّحِيم
Аллоҳ Таоло Ўз каломида мўминларни огоҳ қилиб, шундай дейди:
يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاء تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءكُم مِّنَ الْحَقِّ
– “Эй мўминлар, Менинг душманим ва сизларнинг душманларингиз (бўлган мушриклар)ни дўст тутманглар! Сизлар уларга дўстлик (ҳақида хат-хабар) юборасизлар, ҳолбуки улар, сизларга келган Ҳақ (дин ва Қуръон)га кофир бўлгандирлар!” (Мумтахина:1)
Ушбу оятлар Аллоҳ ва мўминларни душмани бўлган куфр аҳли билан дўстлик ўрнатиш ҳаракатидан эҳтиёт бўлишга очиқ чақириқдир. Яъни Аллоҳ Субҳанаҳу мўминларни бундай фалокатли қадам босишдан сақланишга ва кофирлардан бутунлай ажралиш, уларга қарши хоҳ фикрий, хоҳ сиёсий, хоҳ моддий кураш олиб бориш ҳолатида сабот билан туришни таъкидламоқда.
Шу ўринда сийратга назар солар эканмиз, Пайғамбаримиз с.а.в. Ислом даъватини ёяр эканлар, қаршисида барча йўллар батамом беркилди, у кишини ёлғончига чиқаришди ва азоблашди, у кишининг саҳобалари ҳам азобландилар. Росулуллоҳ с.а.в.га нисбатан ёмонликлари чидаб бўлмас даражага етди. Шу сабаб Росулуллоҳ с.а.в. Тоиф шаҳрига Сақиф қабиласидан ёрдам ва ҳимоя излаб ҳамда уларнинг Исломга киришидан умидвор бўлиб бордилар. Лекин улар Пайғамбар с.а.в.нинг даъватларига ёмон жавоб қайтаришди. Ёш бола ва аҳмоқларини гиж-гижлашиб Росулуллоҳ с.а.в.ни сўктиришди, тошбўрон қилдиришди. Ҳатто Росулуллоҳ с.а.в.нинг оёқлари қонга беланди. Шундай ҳолатларида ҳам нусрат ва ёрдам талаб қилишда давом этдилар, аммо мушрик бўлган кимсалар у зотни Тоифдан ҳайдаб чиқардилар ва қабиҳлик билан рад жавобини берадилар. Шунда у киши бу дунёда ёрдам берувчи бирон ишончли суянчиқ топа олмай бошлари оққан томонга йўл олдилар. Шундай оғир дамларда Пайғамбар с.а.в. дунёнинг моддий ўлчовларига суяндиларми ёки ҳақдан орқага чекиндиларми? У киши ҳислари билан кўриб турган моддий қувватлар билан чекланиб, умидларини уздиларми ёки динни бошқа нарсага алмаштирдиларми?
Йўқ, асло, балки у киши энг машаққатли шароитларда ҳамда заифлик, нотавонлик ва чорасизликнинг энг машаққатли дамларида барча нарсаларнинг эгалиги қўлида бўлган Зотга илтижо билан юзланадилар: «Аллоҳим, қувватим заифлигини, чорам озлигини ва одамларга хўрланишимни Ўзингга арз қилиб баён этаман. Эй раҳм қилувчиларнинг энг раҳмлиси бўлган Зот, сен заиф бечораларнинг Роббисидирсан ва менинг Роббимсан, мени кимларга топшириб қўйяпсан? Хўмрайиб менга қовоғини соладиган узоқ бир бегонагами ёки менинг ишимга Ўзинг эга қилиб қўйган душмангами? Агар менинг устимга Сенинг ғазабинг бўлмаса, бу нарсаларга ҳеч парво қилмасман ва лекин Сенинг офиятинг мен учун жуда кенгдир. Менга ғазабингни туширишингдан ёки менга қаҳринг келишидан қўрқиб паноҳ беришингни сўраган ҳолда, зулматлар ёришиб чароғон бўлиб кетишга ва дунё-охират иши яхшиланишига сабаб бўлувчи Юзингнинг Нурига сиғинаман. Рози бўлгунингача ризолик Ўзинг учундир. Ҳеч қандай куч ва қувват йўқ, фақат Ўзинг берсанггина бўлади».
Эй Аллоҳнинг Расули, сизга Аллоҳнинг салоти-раҳмати бўлсин.
Албатта, исломий ақида биз такрорлаб юрадиган ёки ёд оладиган илми калом эмас, балки сўз ва амалда сабот билан турадиган мустаҳкам эътиқоддир.
Ҳеч шубҳасиз, бу исломий ақида – Аллоҳга берган аҳдларида мустаҳкам турадиган, бу аҳдни ўзгартирмайдиган ва уни ҳеч нарсага алмаштирмайдиган кишиларнинг иймонидир.
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً |
Ал-Ваъй журналидан фойдаланилди
Ҳизб ут-Таҳрирнинг Ўзбекистондаги медиа офиси. Зайниддин
25.07.2019й
